بداية العصر الشمس تتوسط السماء وتبعث دفءً يلف المكان ونجد تتحرك في البيت وتجهز أغراض عناد واغراض وطن لمن بدت تنادي وهي تعلق فستان وطن :عناددد يا عناددد تعال
عناد كان بالصاله وقف لمن سمعها وهو ينطق :هاه
نجد :هاه بعينك تعال
عناد راح لغرفتهم لمن شافها حايسه ونطق :اش بش منفسه علي انتي
نجد :ويسأل بعد اممممم عناددد لا ترفععع ضغطي وبعدين تعال انت وش بتلبس اخلص
عناد :وش بلبس اكيد بلبس ثوب شرايش البس بلوفر
نجد مسكت علبة الكريم الي كانت جنبها وهي ترميها عليه وتنطق :مب وقت فلسفتك
عناد بابتسامه :الحين انتي ليه دمش حار لهدرجه تبين كلشي ضابط؟
نجد ابتسمت وهي تلف له وتنطق :ياخي مب بيدي هو لا شعوريا كذا
عناد سحبها لجنبه وهو يحط يده على كتفها وينطق :الحين تعالي وانسى كل ابوه لهشغل
نجد :مب الحين خلني اخلص
عناد بابتسامه :نجدد
نجد استسلمت وهي تنطق: زيننن
سحب عناد نجد معه وهم ينزلون لمن نطقت ام عناد: يا نجد يمه شوفي وطن وينها أنا سمعتها تو تبكي الظاهر جاعت
نجد وهي تتجه للمطبخ: أبشري بروح أشوفها وأجهز لها حليب
دخلت نجد غرفة وطن وشافتها جالسة على سجادة تمسك لعبتها وتحاول تحطها بفمها ابتسمت نجد بحنان وهي تاخذها بين يدينها:وش فيك يا بنتي جوعانة؟ خلاص الحين ماما بتجهز لك اطلق اكل
عناد دخل وهو ينطق :حتى ابوها جوعان
نجد :ابشرك حتى امها جوعانه
عناد :أجل اجلسي ويجيك اطلق اكل
نجد :ما يمدي يالله نجهز
عناد: يمدي ما يمدي ناكل اول بعدين خير
نجد :أجل خذ حساب اهلك بعد اكيد جوعانين
أشر على عيونه وهو يتحرك عناد ونجد الي اخذت معاها وطن وطلعت لغرفة غصن
نجد وهي تدخل الغرفة بابتسامة: هاه يا عروستنا كيف الوضع؟
غصن وهي تناظر بنفسها بالمرآة:ما أدري يا نجد أحس قلبي يطق بسرعة خايفة ومتحمسة بنفس الوقت
نجد بابتسامة مطمئنة:طبيعي يا غصن الله يسعدك ويتمم لك على خير المهم تخلين كل شي يمشي بسلاسة
غصن ضحكت :احس بمغص واحس بدري عليه
نجد فطست تضحك وهي تنطق :أجل الله يعينك بس اهم شي عبي بطنك
دخل عناد وهو ينطق :مين جوعان
نجد :يا سلام عليك
عناد تقدم ينزل الصينيه وتربع وجلس وطن بحضنه ونطق :يالله
نجد :عمي وخالتي
قاطعها وهو ينطق :جالسين برا ياكلون تعالو انتو اخلصوا
نجد :تم الجوع ذابحني
تقدمت وهي تتربع جنبه وبدت تاكل
لمن جلست غصن وهي تنطق :مقروشوني واكل ومدري وشهو وآخرها اندومي
عناد :اقول أحمدي ربش ولا يكثر
غصن :الحمد لله الحمد لله بس المفروض ذبيحه كذا عليها الشحم
عناد ناظرها وكتم ضحكته ونطق :وشوله الخساير اصبري تروحي بيت رجلش
غصن شهقت وهي تنطق :هيالبخيل
المغرب
عناد دخل البيت بهدوء وصوته يرتفع وهو ينادي:نجد وينش؟
نجد:هنا
دخل الصاله ووقف عند الباب ناظر نجد بعينه اللي ما تخفي أي شي وقال:تعالي شوي أبيش بكلمة
