غصة كتمت أنفاسه ولأول مرة شعر بشيء أغرب من الندم كان يعرف إنه ما كان الأب المثالي ولا كان الإنسان اللي يقدر أحد يسميه أب أصلاً لكن فكرة إنها صارت بعيدة عنه بفعل نجد وزوجها كانت تثير جنونه متعب جلس يراجع الأحداث وكأن الزمن يرجع به للخلف يوم اللي انفصل فيه عن نجد يوم اللي تبرأ منها وطلقها وهي في أصعب لحظاته حياتها
لكن اللحظة اللي أوجعته كانت وهو يناظرها واقفة مع عناد كان واضح كيف نظراتهم لبعض مليانة أمان وثقة شيء ما عرفه معها أبد وكان يقول في نفسه
عناد.. الحين أفهم أنت اللي أخذت مني كل شيء. لكن ما راح تخذ وطن بعد
تفكيره صار مثل وحش يفكر بخطط ملتوية
1. يثبت أبوته القانونية لوطن.
2. يكسب تعاطف المجتمع كأب مظلوم
3. يحاول يستغل أي خطأ لنجد وعناد
اليوم الثاني
٠بالجهة الثانية كانت نجد في المستشفى جالسة جنب سرير وطن التعب واضح في وجهها لكن عيونها مثبتة على بنتها اللي ملامحها رجعت تتورد بعد العلاج عناد كان جالس على الكرسي المقابل مشغول بجواله يرسل ويرد على رسائل ومن الشغل لكنه بنفس الوقت مراقب لكل حركة لنجد أو وطن
نجد رفعت عيونها على عناد و نبرة صوتها مليانة قلق:عناد فيك شي؟
عناد شال عيونه من الشاشة وهزّ راسه بابتسامة خفيفة:ما فيني شيء
نجد :أنا شايفتك مهموم. لو فيه شيء تكلم لا تخبي عني
عناد حاول يغير الموضوع: وطن بخير، هذا اللي يهمنا الحين والباقي سهل
لكن نجد حسّت إن فيه شيء غريب شيء ما هو طبيعي عناد عادة ما يخبي عنها ولكن هذه المرة مختلف
٠بعد يومين من التفكير قرر متعب يرسل طلب رسمي عن طريق محاميه لاختبار DNA يثبت أبوته لوطن
كان الموضوع بالنسبة له مثل لعبة الشطرنج كل خطوة محسوبة طلب يقابله تصعيد
محاميه جا يزوره في السجن جلس قدامه وبدأ يكلمه بهدوء:متعب هالخطوة ما راح تكون سهلة نجد وعناد عندهم أوراق تثبت إنهم متكفلين بوطن والموضوع ما راح يمرّ بدون مشاكل
متعب ناظر المحامي بنظرات مليانة تحدي ونطق :ما يهمني هذي بنتي وما راح أتركها عندهم نجد أخذت مني كل شيء وباقي لي بنتي ما راح أسمح إنها تكمل حياتها مع واحد زي عناد
المحامي حاول يهدّي الوضع:عناد رجل له مكانته والقضية لو طلعت للإعلام ممكن تكون ضدك أنا أقولك نلعبها بذكاء
سكت متعب وهو يفكر بكلام المحامي وبدأ يفكر بهداوه
٠في اليوم الثاني وبعد طلوع وطن من المستشفى وجلوسهم ببيت اهل عناد حتى يرتبون اوضاعهم ويرجعون للجنوب عند عناد ونجد
