Unicode
🦋သက္ကရာဇ်တစ်ခု၏ညှို့ချက်များ🦋
အပိုင်း✨🍁(၂၀)
လေးညှို့ တစ်ရေးနိုးတော့ ဖုန်းကိုအမှတ်တမဲ့ ကြည့်မိရာ သက္ကရာဇ်ဦးညိုဆီမှ ပို့ထားသည့် message ကိုတွေ့လိုက်ရသည်။ဝန်မခံချင်ပေမယ့် လေးညှို့ လုံးဝအိပ်မပျော်သွားခင်အချိန်ထိ သူ့ဆီမှဖုန်းကိုစောင့်နေခဲ့သည်။
“ဖုန်းခေါ်မယ်ပြောပြီး အလကားလူ!”
ဖွင့်မဖတ်ဘဲနေဖို့ ဆုံးဖြတ်ထားသော်လည်း မသိစိတ်က မနေနိုင်သဖြင့် ဖတ်ကြည့်လိုက်သည်။
🦋အိပ်ပျော်သွားပြီလား
🦋ကိုယ်မိသားစုကိစ္စလေးရှိလို့ လေးဆီဖုန်းမခေါ်ဖြစ်လိုက်ဘူး
🦋စိတ်မဆိုးပါနဲ့နော်
🦋 good night ကိုယ့်လေး sweet dream
🦋ချစ်တယ်...
အောက်ဆုံးမှာမြင်လိုက်ရသော စာလေးနှစ်လုံးကြောင့် လေးညှို့နားရွက်ဖျားလေးတွေနီသွားရသည်။
ဒီတိုင်း စာလေးနှစ်လုံးက မသိလျှင် သူကိုယ်တိုင် သူ့နားကပ်ပြောလိုက်သလို ကြက်သီးဖုလေးတွေထသွားရသည်။
“ဘယ်သူကစိတ်ဆိုးတယ်ပြောလို့လဲ...ထင်ချင်ရာထင်နေတာပဲ...”
လေးညှို့ တိုးတိုးလေး ပြောလိုက်ရင်း တစ်ခုခုပြန်ပို့ဖို့စဉ်းစားလိုက်သည်။နာရီကြည့်လိုက်တော့ ၄နာရီထိုးပြီးကာစရှိသေးတာမို့ အိပ်နေတုန်းဖြစ်လောက်မည်။
ထို့ကြောင့်
🍁စိတ်မဆိုးပါဘူးဗျ
“ဝတ်ကျေတမ်းကျေကြီးများဖြစ်နေမလား ”
တစ်ခုခုထပ်ပို့ဖို့ လေးညှို့စာရိုက်နေတုန်း သက္ကရာဇ်ဆီမှ စာဝင်လာသည်။
🦋 Morning ကိုယ့်လေး...
🦋အစောကြီးနိုးနေတာလား
🍁 Morning,ဟုတ်တယ်...
🍁မင်းရော အစောကြီးနိုးနေတာလား
🦋ကိုယ်က မအိပ်ရသေးတာ...
🍁ဘာဖြစ်လို့
🦋 ဒယ်ဒီတို့နဲ့ အရေးကြီးတဲ့ကိစ္စလေးတစ်ချို့တိုင်ပင်နေကြတာမို့ မိုးလင်းပေါက်သွားလို့ မအိပ်ဖြစ်တော့တာ...
