Unicode
🦋သက္ကရာဇ်တစ်ခု၏ညှို့ချက်များ🦋
အပိုင်း✨🍁(၂၅)
Project အသစ်အတွက် ဆွေးနွေးပွဲပြီးသွားတော့ ဧည့်သည်များနှင့်အတူ သက္ကရာဇ်တို့ ခန်းမထဲ ဝင်လာလိုက်သည်။
“သားငယ် ဒယ်ဒီ မင်းပါးပါးတို့ကို လိုက်ရှာလိုက်ဦးမယ်...သားငယ်က မိန့်ခွန်းပြောဖို့ပြင်ဆင်လိုက်တော့နော်....”
“မိန့်ခွန်းက ဒယ်ဒီပြောပေးလို့ရမလား....”
“ဒီနှစ်လည်း ဒယ်ဒီပဲပြောရမှာလားကွ...”
“ဟုတ် ဒယ်ဒီ....”
“အေးပါကွာ...အဲ့ဒါဆို ပြင်ထားလိုက် ဒယ်ဒီ ပါးပါးကိုရှာတွေ့တာနဲ့ ခေါ်ပြီး လာခဲ့မယ်....”
“ဟုတ် ....”
သက္ကရာဇ် ဒယ်ဒီကို ခေါင်းညိတ်ပြ၍ ပွဲစီစဉ်သည့်ဘက်သို့ အမြန်သွားလိုက်သည်။
သူ လေးကို အရမ်းတွေ့ချင်နေပြီဖြစ်သောကြောင့် စီစဉ်စရာရှိတာများအားလုံး အမြန်စီစဉ်ရမည်။
ကြယ်စင်နှင်း ပွဲနှင့်ပတ်သက်သည့်အချက်အလက်များ၏အစီအစဉ်ကို နောက်တစ်ခေါက်ပြန်စစ်နေခိုက် Bossရောက်လာတာ မြင်လိုက်သဖြင့် အနားကိုအမြန်သွားပြီ မိန့်ခွန်းအကျဉ်းချုပ်စာရွက်ကိုပေးလိုက်သည်။
စာရွက်ထဲက မိန့်ခွန်းမှန်သမျှကိုBossကိုယ်တိုင် ရေးထားတာဖြစ်သော်လည်း နှစ်တိုင်း ဥက္ကဌဦးမင်းမြတ်ကုဋေဟန်ပဲ မိန့်ခွန်းပြောလေ့ရှိသည်။တစ်ခါလောက်ဖြစ်ဖြစ် သူတို့Boss မိန့်ခွန်းပြောတာကို နားထောင်ချင်မိသော်လည်း မဖြစ်နိုင်သေးပေ။
“ကျေးဇူး မကြယ်စင်...”
“ဟုတ် Boss..Bossမှာထားတဲ့အတိုင်း ညစာစားပွဲကို ကြယ်စင် အကုန်စီစဉ်ပြီးသွားပါပြီ...နောက်ထပ် ထပ်ဖြည့်ချင်တဲ့အစီအစဉ်များရှိသေးလားရှင့်....”
“မရှိတော့ပါဘူး...ရပါပြီ...”
“ဟုတ်ကဲ့Boss...”
မိန့်ခွန်းစာရွက်ကို စစ်ဆေးနေသော bossအနားမှာပဲ ကြယ်စင်ရပ်စောင့်နေလိုက်သည်။
“မကြယ်စင် အဆင်ပြေသလိုနေလို့ရပါတယ်...”
“ဟုတ်ကဲ့ပါBoss...အဲ့ဒါဆို ကြယ်စင် ဟိုဘက်နားမှာရှိပါတယ်...တစ်ခုခုလိုအပ်တာရှိရင် ကြယ်စင်ကိုလှမ်းခေါ်လို့ရပါတယ်ရှင့်...”
