بصلها بخوف شديد لاقها فاقده للوعي و قاطـ..عه النفس
هز وشها برفق و خوف شديد ، اتكلم بصوت مرتعش
= حياة حياة
كمل و خوفه بيزيد اكتر و دموعه نزلت من خوفه لما نفس حياة اصبح شبه معدوم
قرب منها و هو بيحاول يعملها تنفس صناعي بس بدون اي جدوى
فضل يهز وشها برفق و هي كانت شبه المـ..يته بين ايديه
= حياة ردي ر رد ردي يحياة انا مقصديش و الله فوقي
قام من على السرير و خرج برا الاوضه بسرعه و هو موجه نظره عليها
التقط هاتفه اللي كان موضوع على تربيزة الركن و مسكه بأيد مرتعشه من خوفه و رن على دكتور صاحبه
مرت الدقايق عليه برعب و هو منتظر الرد مروا و كانهم سنين
جاله الرد ليرد بلهفه و خوف شديد
= الو ايوا يا حازم حياة حياة مراتي مغمى عليها و قاطعه النفس
= ..........
اتكلم بخوف شديد و غضب
= مستشفى ايه تعال بسرعه انا مش هينفع اروح بيها المستشفى هروح في داهـ..يه ارجوك تعال بسرعه
قفل المكالمه و دخل الاوضه و هو بيجري
قعد جنب حياة على السرير و اتكلم بصوت مرتعش و رعب بان في عينيه و حركات جسده و نفسه و دقات قلبه اللي بدأت تعلو و بشده اتكلم بدموع
= فوقي ابوس ايديك فوقي انا اسف مش هعمل كدا تاني بس فوقي يحياة
فضل منتظر حازم بخوف و رعب كبير
جابلها اسدال و لبسهولها على عجل و هو بيحاول يفوقها و يحركها بس بدون اي جدوى
وصل حسام جري كريم على الباب و فتحه و اتكلم بصوت مرتعش
= هي جوا مش بتتحرك خالص
دخل حازم بسرعه و معاه حقيبته الطبيبه
بدأ يكشف على حياة تحت نظرات الخوف الشديد من كريم
حازم بغضب
= انت عملت فيها ايه
كريم برعب بان في صوته
= اممم هي مالها يا حازم هتفوق صح هي عايشه و ابني ابني عايش
بقلمي يارا عبدالعزيز
حازم طلع حقنه من شنطته و اعطاها لحياة و اتكلم بغضب
= متخافش يكريم هي بس خافت و اجهدت نفسها جامد فعشان كدا نفسها قل شويه و هتفوق الحقنه اللي ادتهلها هتظبط كل حاجه
كريم بخوف شديد
= و ابني كويس
حازم بهدوء و هو بيحط سماعته الطبيه في الشنطه
