اتوجه الظابط ناحيتها و مسك الكيس من العسكري
= هاتها ورايا على البوكس
حياة بصيت بخوف شديد و صدمه كبيره و اتكلمت ببكاء
= مش بتاعي!
و الله العظيم ما بتاعي
الظابط بصلها و اتكلم بغضب
= ابقي قولي الكلام دا في المحضر يا روح امك هاتها يلا
مسك العكسري ايد حياة و حط فيها الكلبشات و سحبها وراه تحت نظرات الدفعه كلها و خصوصاً حنين اللي كانت بتبصلها و بتعيط
خرجت حياة و حنين بصيت لطيفها بحزن و اتكلمت بدموع
= ينفع اخرج معاها يا دكتور
الدكتور اتكلم بحده
= لا مينفعش و لو خرجتي تبقي شايله مادتي مفيش دكتور المفروض يساعد تاجر مخد.رات و البنت دي اكيد الجامعه هتاخد معاها اجراء مش كويس عشان تبقى عِبره لكل اللي يفكر يعمل زيها
"في القسم"
كانت حياة واقفه بتعيط بقوه ، دخل الظابط مكتبه و دخلت حياة وراه بخوف
قعد الظابط على مكتبه و فرد رجليه على المكتب و اتكلم ببرود
= لسه مُصره برضوا انك تنكري الموضوع لبسك لبسك و شهادتك اللي انتي بتنكريها دي مش هتفيدك باي حاجه
حياة بصتله بخوف و اتكلمت بشهقات
= و الله العظيم ما بتاعي انا معرفش اي حاجه عنه
الظابط بسخريه
= شكلك حامل!
جاي في الحر.ام و لا ايه!
حياة بصتله بصدمه كبيره و اتكملت بشهقات و هي بتهز راسها بالنفي
= لا و الله أنا متجوزه
الظابط بسخريه
= و بيبع معاكي برضوا متجوزه مين يبت هاتي هاتي بطاقتك
حياة اتكلمت بشهقات و ضربات قلبها هتقف من خوفها ، حسيت بكل حاجه بدور قدامها و نفسها بيقل حاولت تتوزان و اتكلمت بشهقات
= متجوزه ريان النصراوي
بصلها الظابط بانتباه و اتكلم بسخريه
= انتي عارفه لو واحد زي دا عرف انك بتدعي انك مراته هتلبسي كمان قضيه تانيه اكبر
حياة بشهقات
= بس انا مش بكدب انا مراته
طلعت البطاقه بتاعتها و اداتها للظابط اللي بصلها بصدمه كبيره و اتعدل بخوف
= دا انتي طلعتي مراته بجد!
طب تعالي تعالي اقعدي استريحي هنا
