اتنهد ريان بغضب مفرط و خد نفس عميق
بصيت حياة لفريده بخوف و حده
خفضت رأسها بخوف و هي بتوبخ نفسها على اللي قالته
اتكلم ريان بحده
= قوليله يدخله و خليه يدخل غرفه المكتب
بصتله حياة باستغراب و اتكلمت بهدوء
= ريان انت هدخله!
مشيه و خلاص
ريان بصلها بحده سكتت حياه بخوف و خرج بصيت لطيفه بخوف و حضنت فريده اللي كانت واقفه بتترعش و همست بحنان
= متخافيش يحبيبتى
دخل ريان غرفه المكتب و قعد على كرسي مكتبه و هو بيبص لاسر ببرود
= وحشتك العلقه اللي خدتها
دا انت حتى وشك لسه متشلفط
انت دلوقتي في صرحي تحب اعمل فيك ايه بقى
بقلمي يارا عبدالعزيز
اسر بهدوء
= اللي انت عايزاه انا جاي هنا عشان اقولك اعمل فيا اللي انت عايزاه بس خلي فريده جانبي
انا ااه غلطت و اوي لما خطفتها و عارف انكم شايفني واحد مش كويس لاني عملت كتير
بس كلنا بنغلط و ربنا بيسامح و انا مش طالب منك غير انك تسبها تعيش معايا لانها مراتي و مكانها معايا
انا جيالك هنا و مش خايف من اللي انت هتعمله فيا المهم اني ابقى في الاخر معاها
ريان ببرود
= و انا المطلوب مني بقى اصدقك و اديلك بنتي صح!
سقف احلامك عالي اوي لا دا انت تفوق كدا و تشوف انت بتتكلم عن مين
كمل بفحيح و صوت عالي
= دي فريده النصراوي يالاااا بنت ريان النصراوي يعني انت متحلمش حتى تقف تتكلم معاها خمس دقايق و انت دلوقتي جاي تقولي مراتي و عايزاها
اسر بحده
= حقي زي ما انت معاك مراتك و ولادك كل واحد فيهم معاه اللي بيحبها انا كمان من حقي اخاد مراتي
و جيالك دلوقتي بقولك اعمل اللي انت عايزاه فيا و اللي يضمنلك اني مش هاجي عليها في يوم
انا بحب فريده و الله العظيم بحبها اوي و عايزاها عشان بحبها و مستحيل إذ.يها في يوم طب اعمل ايه عشان اثبتلك دا
ريان بهدوء
= طلقها بدل ما انت عارف ايه اللي ممكن يحصلك هي كدا كدا هتطلق منك و كلها كام يوم و هنقف قصاد بعض في اول جلسه و هنكسبها انت عملت كتير اوي تخلي القضيه دي مكسبها مضمون
اول حاجه سمعتك اللي الكل عارفها و تاني حاجه خطفك ليها و الاهم بقى انها مش عايزاك و مش طايقاك
اسر بحده
= طب خليها دلوقتي تيجي و تقول قدامي انها مش عايزيني
ريان ببرود
= و انا ليه اوقف بنتي قصادك و اسألها سؤال زي دا بنتي اكبر من كدا بكتير و بقولك ايه وقتك انتهى خد بعضك يلا و امشي بالذوق بدل ما هخلي الدولايب اللي برا دول يجوا يرموك و شكلك هيبقى وحش اوي
و ااااه جو الوقوف قدام باب المدرسه و مراقبه بنتي اللي انت شغال فيها دي بطله احسنلك دا لو عايز تعيش بسلام
يااااااااا عبدالله
دخل الخدام و اتكلم باحترام
= تحت امرك يباشا
ريان بحده و هو بيبص لاسر بغضب
= وصل الاستاذ لحد بوابه القصر
بقلمي يارا عبدالعزيز
اسر بحده و هو بيقوم يقف
= خليك فاكر اني جيت و اتكلمت معاك باحترام
ما هي مش بلطجه مش هتاخد مراتي مني بالعافيه
ريان راح عنده و اتكلم بغضب مفرط
= انت اللي اتجرأت و خطفت بنتي و استغليت صغر سنها و عقلها اللي مفكرش كويس وقتها و روحت اتجوزتها انت ملكش اي حق فيها عشان تيجي و تقول مراتي اصلا
كمل كلامه و هو بيخبطه في الحيطه اللي وراه و بيضغط على وشه بغضب مفرط
