مسكت القميص و انصدمت بشده و الم لما لاقت ريحته برفيوم حريمي
شمته اكتر من مره و بصيت على باب الحمام بدموع و غيره
قعدت على الكنبه و هزيت رجليها بغضب و حاسه بغصه في قلبها
حطيت ايديها على قلبها و اتنفست بعمق و هي بتحاول تهدا
خرج تميم من الحمام و هو لافف منشفه على خصره
بمجرد ما خرج رحيل بصتله بحده
و مسكت القميص و رمته في وشه و اتكلمت بحده
= ايه دا!
رفع حاجبه بأستغراب و اتكلم بهدوء
= قميص
جزيت على سنانها بغضب مفرط و اتكلمت بسخريه
= و الله
مكنتش اعرف كنت مفكراه حاجه تانيه
كملت و هي بتقرب منه و بتحط القميص على انفه بغضب
= شم
ايه الريحه دي!
ريحه برفيوم حريمي يا تميم جت منين
تميم هو انت بتخـ.وني!
اتكلم بحده
= ايه الكلام اللي بتقوليه دا!
قربت منه و اتكلمت بدموع
= اومال ايه دا!
الريحه دي جت منين يا تميم مكنتش موجوده و انت خارج و انا اصلا معنديش البرفيوم دا
جت منين ما تنطق
اتنفس بغضب و اتكلم بتوتر
= احنا بنقابل ناس كتير يا رحيل
يمكن خبط في حد و مش فاكر
بطلي تشغلي دماغك لانك بتكبري المواضيع زياده
بقلمي يارا عبدالعزيز
رحيل بدموع و هي بتهز راسها
= ماشي يا تميم هحاول اصدقك
كملت و هي بتبص في عينيه بحده و بترفع سبابتها في وشه
= بس و الله العظيم لو اكتشفت انك بتعرف واحدة عليا لهختفي من حياتك و مش هتعرفلي طريق مش هيكون فيه رحيل تاني و خليك فاكر كلامي دا كويس
قالت كلامها و مشيت من قدامه و قعدت على السرير
بصلها بحزن و راح قعد قدامها
مسك ايديها و اتكلم بحنان
= هو انتي عندك شك في حبي ليكي!
بصتله بدموع و اتكلمت بصوت متحشرج
= مش عارفه
احنا منعرفش بعض من كتير و سبب جوازنا مكنش حب
