كانت لسه هتسأل بس قاطعها فردوس اللي سقطت مغشيا عليها من وهل صدمه الخبر عليها
حياة بصتلها برعب و نزلت لمستواها و اتكلمت بخوف شديد
= ماما ماما مالك ردي عليا
اخذت سماعة الهاتف الارضي و اتكلمت بصوت مرتعش من الخوف
= الو مين
= البقاء لله المهندس محمود اتعرض لصدمات.. كهربيه.. ادت الى وفاته شدي حيلك
وقعت السماعه من ايديها و هي بتتمنى انها تكون جوا حلم لا جوا كابوس كابوس بشع
فاقت على شكل والدتها اللي كانت قاطعه النفس و وشها شاحب مش بيمشي فيه الدوره الدمويه
بصتلها برعب و اتكلمت بصوت مرتعش من صدمتها
= ماما ماما لا يا ماما فوقي هم اكيد فاهمين غلط ابيه مـ..متش ماما فوقي بالله عليكي
كملت بانهيار و هي بتهز وشها بقوه
= فوقي يا ماما ابوس... ايديك فوقي يا ماما هم بيهزروا
قامت بسرعه و وقفت على عتبه السلم اللي قدام بيتهم و اتكلمت بصوت عالي ممزوج ببكائها
= عمي يا عمي الحقني
طلع مجدي و كل اللي في البيت على الصوت ، طلعوا بسرعه و خوف اتكلم مجدي بخوف
= مالك يحياة
حياة جريت بسرعه على جوا و اتكلمت برعب و شهقات
= ما ماما مش بتتحرك خالص
مجدي بص لفردوس برعب من شكلها و اتكلم بصوت مهزوز
= ايه اللي حصل
سندت بكل جسدها على الحيطه و نزلت بيه كل لتجلس على الارض و هي سانده ضهرها على الحيطه اللي وراها و بتبص لامها برعب
اتكلمت بصوت مرتعش ممزوج بانهيارها مكنتش قادره تطلع الجمله اتكلمت بصعوبه في وسط شهقاتها
= فيه فيه واحد اتصل و قال ابيه محمود ما...ت..
بصلها الجميع بصدمه و رجعوا بصوا لفردوس اللي شفتيها بدات تزرق
بصلها مجدي برعب و اتكلم بصوت مهزوز
= كريم طلع العربيه بسرعه تعالي يا ناديه اسنديها معايا لازم ناخدها المستشفى بسرعه
هزيت ناديه راسها بخوف و جريت عليه و كريم بص لحياة و لشكلها بالم.. و هو نفسه يجري عليها و ياخدها في حضنه..
فاق من شروده فيها على صوت مجدي اللي كان مليئ بالعصبيه المفرطة
= اخلصص و طلع العربيه بسرعه
هز راسه بخوف و اتكلم بصوت مرتعش
= حاضر حاضر
بص لرندا بتوسل عشان تروح لحياة اللي كانت قاعده و ضامه رجليها لصدرها و بتعيط بقوه
