همست روان بصدمه
= حياة!
حياة بسخرية
= ايوا حياة ايه مستغربه مع انك المفروض تكوني متوقعه المكالمه دي بعد ما بعتي البنت اللي بتقول بنتك لابني و خلتيه يتجوزها و يجيبها تعيش معانا هنا انتي عايزه ايه مني يا روان مش كفايه كل اللي عاملتيه فيا زمان مش مكفيكي واحد يا روان عايزه تبعدي الباقي كمان عني
روان بدموع
= حياة انا و الله العظيم ما عايزه ا.ذي حد من ولادي بس مكنش فيه اي حد غيره امانه على بنتي حياة انتي ام و هتحسي بيا و الله يحياة و الله أنا بحبك و بحب ولادك و مستحيل افكر أضر اي حد فيكم انسي بقى يحياة انسي كل حاجه حصلت زمان مش كفايه السنين دي كلها بتعاقب ببعدي عنك يصاحبتي دا احنا كانا اقرب اتنين لبعض عاقبتني جامد اوي يحياة و انا خلاص مبقتش حِمل خسارتك
اتنهدت حياة بدموع
= انتي اللي عملتي كدا فينا يا روان اللي احنا وصلنا ليه دا بسببك بس قسما بالله لو ولادي حصلهم اي حاجه بسببك مش هرحمك فكري كويس و ابعدي عني بقى و كفايه اوي كل اللي حصلي بسببك و اللي لسه لحد دلوقتي مش عارفه اطلع منه
قالت كلامها و قفلت المكالمه بغضب ، اتنهدت بقوه و هي بطلع كل غضبها
فاقت على ايد ريان حاوط خصرها بحنان
= مش قولتلك سبيلي انا الموضوع دا
اتكلمت بهدوء و هي بتلتفت ليه و بتحاوط وشه بكفوف ايديها
= صحيت ليه يحبيبى عايز حاجه
قبـ.ل خدها بعمق و اتكلم بحنان
= و هو من امتى و انا بنام و انتي مش في حضني متخافيش يحياة روان مش هتعمل لحد فيهم حاجه و رحيل مستحيل تأ.ذي ابنك لانها بتحبه نظرات عينيها واضحه و محدش بيحب بيأ.ذي بالعكس المفروض تكوني مأمنه على ابنك دايما و هو معاها متجيش بسبب خوفك اللي ملوش اي سبب دا و تقولي نطلقهم من بعض بلاش نحطمهم بسبب ماضي هم اصلا ميعرفوش اي حاجه عنه
بقلمي يارا عبدالعزيز
حطيت راسها على صدره و حاوطت خصره و اتكلمت برقه و هي بتغمض عينيها و مشاعر الامان و الحب مسيطره عليها
= انا مطمنه طول ما انت موجود و عارفه انك مستحيل تسمح لاي حد انه يا.ذي اي حد في ولادنا خوفي عليهم دا مش بايدي يا ريان دول روحي لو حد فيهم حصله حاجه روحي هتنسحب مني و الله لما حد فيهم بيتخدش بس بحس بحزن الدنيا كله جوايا ما بالك باللي شوفته انهاردة و هو واخد رصا.صه في كتفه و لا اللي ديما بشوف الحزن جوا عينيه بسبب انه مش عارف يطول حبه و لا الصغيره اللي ديما ببقى خايفه عليها من الزمن و بسبب برائتها اللي ديما بتوديها في داهيه عارف انا ديما حابسه فريده ليه و مش بخرجها عشان ديما بخاف عليها انا عشت اسوء فتره في حياتي و انا في سنها كدا و ديما بخاف عليها تعيش اي حاجه من اللي عشتها خوفي عليهم هيفضل ديما ملازمني
ربط على ضهرها و اتكلم بحنان
= طب و انا روحت فين انتي مفكره اني سايبهم انا ديما معاهم و عارف تصرفاتهم خطوه بخطوه ديما تحت عيني و كل واحد فيهم هيلاقي شريك حياته و هيبقى مبسوط تميم خلاص اتجوز و فارس كلها كام يوم و هيبقى مع مليكه حبه حياته و فريده بكره تكبر و تلاقي نصها التانيه اللي هيسعدها بجد متخافيش عليهم اللي معاه ربنا مبيضعش
هزيت راسها و هي بتحاول تطمن نفسها
= و نعمه بالله
مسكت ايديه و اتكلمت برقه
= تعال بقى نام عشان انا قلقتك على الفاضي
سحبته وراها و هو كان ماشي وراها زي المغيب قعدوا على السرير و ريان قعد على رجل حياة اتكلمت برقه و هي بتمرر ايديها على وشه
= حقك عليا عشان زعقت انهاردة انا عارفه انك زعلت مني و مش عايز تتكلم عشان مش عايز تزود عليا و نفسك تبقى جانبي حتى و انت زعلان مني و انا مستحيل اسمح لروحي انه يزعل مني و يداري عليا أو يتراكم جواه اي حزن بسببي اعمل ايه عشان ارضيك بقى
مسك ايديها و اتكلم بحنان
= مبقتش زعلان و بعدين مين قال اني ممكن اراكم اي حزن جوايا منك انا بزعل منك و بمجرد ما بحضنك بنسى
قام من على رجلها و قعد جانبها و اتكلم ببأبتسامه
= هاتي حضن بقى
قال كلامه و ضمها ليه بقوه و قبـ.ل رأسها بحنان
= اللي بيقطعني بجد دموعك و اللي شوفتهم كتير اوي انهاردة مش عايز اشوفهم تاني دا اللي يرضيني بجد يعمري
هزيت راسها بالايجاب و هي بتبصله و بتبتسم
= انا بحبك اوي يا ريان
همس بحنان و هو بيقـ.بل عنقها
