حياة كانت لسه هتتكلم لكن قاطعتها واحدة جت وقفت جنب ريان من الناحيه التانيه و اتكلمت نسمه بسخريه و هي بتحاول تداري بيها النا.ر اللي جو قلبها
= هي دي بقى اللي نهيت جوازنا بسببها
حياة بصتلها بصدمه و كأن حد رمى عليه جردل تلج ، مكنتش مستوعبه اللي قالته و لا فهماه
اما ريان فكان في حاله لا يحسد عليها كان متابع ردود افعالها بخوف شديد و في نفس الوقت بيبص لنسمه بغضب مفرط
نسمه كانت واقفه بتبص لحياة بتشفي و سخريه على عكس النا.ر اللي كانت في قلبها من غيرتها عليه و خوفها الشديد منه و من نظراته ليها ، اتكلمت بقوه و رقه و هي بتبص لريان
= على فكره انت وحشتني اوي و وحشتني ايامنا هفضلك مستنايك طول عمري ترجعلي يحبيبى
حياة بصتلها بغضب مفرط و اتكلمت بفحيح و الدموع متجمعه في عينيها و صوتها ممزوج ما بين القوه و الخنـ.قه
= انتي بني ادمه زباا.له و قلــ.يلة الذوق
نسمه ببرود و هي بتمسك كوبايه العصير و بتشرب منها شفطه برقه
= و الله قـ.ليله الذوق اللي تتجوز واحد متجوز و تاخده من مراته
ريان بصلها و اتكلم بغضب مفرط
= نسمههههه الزمي حدودك حياة مراتي.......
حياة قاطعته و اتكلمت بمقاطعة و بكاء
= صح فعلا انتي صح !!!!!
قالت كلامها و طلعت بسرعه من القاعه ، ريان بص لنسمه و اتكلم بغضب مفرط
= هندمك ندم عمرك على اللي انتي عاملتيه دلوقتي بس دلوقتي انا مش فاضيلك
قال كلامه و طلع ورا حياة بسرعه ، كانت ركبت تاكسي و التاكسي كان طلع في نفس الثانيه اللي ريان خرج فيها
جري بسرعه و طلع عربيته من جراچ القاعه و طلع وراها بالعربيه
بقلمي يارا عبدالعزيز
حياة لاحظت عربيته اللي ماشيه ورا التاكسي ، بصيت للسواق و اتكلمت بدموع و صوت مخـ.نوق و كانت سامعه صوت تكـ.سير قلبها اللي اتفتت مليون حته
= اطلع بسرعه لو سمحت مش عايزاه يلحقنا
= دا مين دا يبنتي اوعي يكون عايز يخطفك!!!!!
حياة بدموع و هي بتبص للعربيه
= لا دا جوزي لو سمحت سرع شويه لو سمحت
سرع السواق العربيه و ريان كان ماشي باقصى سرعه ليه ، بيتمنى يروح يقـ.تل نسمه بسبب اللي عاملته و خايف من رد فعل حياة اللي مش مفهموم بالنسباله و كل لما بيجي في دماغه فكره انها ممكن تسيبه بيتجنن اكتر
ساق العربيه باقصى سرعه و قف بعرض العربيه كله على الطريق قدام التاكسي و قطع الطريق عليه
نزل من العربيه بسرعه ، و فتح باب التاكسي و اتكلم بحده و ضربات قلبه بتزيد من خوفه ببعدها عنه
= انزلي
حياة بدموع و غضب
= مش نازله و ابعد كدا روح لمراتك و رجعها اصلها زعلانة و انا مش عايزه اكون السبب في فراقكم
