The Reckoning

-6-

Unicode

အထပ်နှစ်ဆယ်ခန့်ရှိသော အဆောက်အအုံ​၏ ရှေ့တွင် အနက်ရောင်ကားတစ်စီးက အရှိန်ဖြည်းဖြည်းဖြင့် ဝင်ရောက်လာသည်။

ထိုဝင်လာသော ကားရပ်သွားသည်နှင့် ရှေ့ခန်းမှ suit အပြည့်အစုံဖြင့် သက်လတ်ပိုင်း လူတစ်ယောက် အပြေးဆင်းလာပြီး နောက်ခန်းတံခါးအား ရိုသေစွာ ဖွင့်ပေးလာသည်။

ကားပေါ်မှ ဆင်းလာသူသည် ကြက်သွေးရောင် ရှပ်လက်ရှည်ကို တံတောင်ဆစ်နားထိ ခေါက်ကာ ဝတ်ထားပြီးနောက် အနက်ရောင် style pants က သူ့ခြေတံရှည်များနှင့် ပနံသင့်စွာ။

အဆောက်အဦးအတွင်းသို့ ဝင်လာသူကြောင့် ထိုသူ့အား မြင်သူတိုင်းက ခါးညွတ်ကာ အရိုအသေပေးရလောက်သည်အထိ အရှိန်အဝါတို့က ထင်းနေပေသည်။

အဆောက်အဦးထဲသို့ဝင်လိုက်သည်နှင့် reception နေရာတွင် "KJ" ဆိုသည့် စာလုံးနှစ်လုံးအား အနက်ရောင်အောက်ခံပေါ်၌ ရွှေရောင်ဖြင့် ထွင်းထိုးထားသည်မှာ ဆွဲဆောင်မှုရှိစွာဖြင့်..။

"ကြိုဆိုပါတယ် အစ်ကိုလေး"

Reception မှ ကောင်မလေး​၏ နှုတ်ဆက်စကားအား လျစ်လျူရှုကာ လက်ဖဝါးဖြန့်လိာက်ပေးလိုက်တော့ ရွှေရောင်နှင့်အနက်ရောင်အား တွဲဖက်ထားသည့် key-cardအား လက်ထဲသို့ တရိုတသေ ထည့်ပေးလာသည်။

"ဒီနေ့ ကုမ္ပဏီနာမည်ရော Construction စလုပ်မယ့်ရက်ကိုပါ ကြေငြာလိုက်"

"အစ်ကိုလေး interview လက်ခံမှာလား"

"ဘယ်သူနဲ့မှ မတွေ့ချင်သေးဘူး"

ရုံးခန်းကျယ်ကြီး​၏ အလယ်ရှိ ဆိုဖာပေါ်တွင် ခြေတစ်ဖက်ချိတ်ကာ ထိုင်လျက် မန်နေဂျာဖြစ်သူအား ဂျောင်ဂုပြောလိုက်ခြင်းဖြစ်သည်။

သူအနေနှင့် မည်သူ့ကိုမှ တွေ့ချင်စိတ်မရှိသည်ထက် သူ့အစီအစဉ်တွေကို မပျက်စေဖို့ရန်သာ ရည်ရွယ်၍ မတွေ့ခြင်းဖြစ်သည်။

ဂျောင်ဂု​​၏ ရုံးခန်းသည် အတော်အသင့်ကျယ်ဝန်းပြီး အလုပ်စားပွဲသည် တန်ဖိုးကြီး မြန်မာ့ကျွန်းသားတို့ဖြင့် ပြုလုပ်ထားကာ အထူးမှာယူထားခြင်းဖြစ်ပြီး "KJ" ဆိုသည့် စာလုံးကိုပင် ထွင်းထားသေးသည်။