ကုသဆောင်များအား round လှည့်နေရင်းဖြင့် ကလေးလူနာဆောင် အပြင်ဘက်ရှိ ကစားဖို့ရန် ပြုလုပ်ပေးထားသော နေရာတွင် လူနာကလေးများ ကစားနေကြသည်ကို ထယ်ယောင်း ပြတင်းပေါက်မှနေကာ ငေးကြည့်နေမိသည်။
wheel chair နှင့် ကလေးမလေးတစ်ယောက်အား အမေဖြစ်သူက chair ကို တွန်း၍ ပတ်ဝန်းကျင် ကို လိုက်ပတ်ပြနေသည်။ ကလေးမလေးအား နှုတ်မှလည်း စကားတို့ကို ဆိုနေသည်ကိုတွေ့ရသည်။
ထယ်ယောင်း၏ ထင်မြင်ချက်သာ မမှားလျှင် အမေဖြစ်သူသည် သူ၏ သမီးလေးအား အမြန်ကျန်းမာလာလျှင် တခြားသူများနှင့်အတူ ဆော့ကစားနိုင်မည်ဖြစ်ကြောင်း အားပေးစကား ပြောနေခြင်း ဖြစ်နိုင်ပါသည်။
အခြားကလေးများသည်လည်း လျှောစီးနေသူ၊ ဒန်းစီးနေသူ၊ ဘောလုံးကန်နေသူ၊ အရုပ်များဖြင့် ဆော့ကစားနေသူ စသည်ဖြင့် ဆေးရုံကစားကွင်းထဲတွင် လူနာကလေးငယ်များ ပျားပန်းခပ် ဆော့ကစားနေကြသည်။
သူနာပြုမလေးများ လူနာအား အဝတ်အစားခဲပေးနေသည်မို့ ခေတ္တမျှစောင့်ရင်း ဆေးရုံအပြင်သို့ ထယ်ယောင်း ငေးကြည့်နေသည့် မျက်ဝန်းများမှာ သူနာပြုမလေးများ၏ ပြီးပါပြီးဆိုသည့် အသံကြောင့် အခန်းအတွင်းသို့ ပြန်ဝေ့လာရသည်။
ထိုအခိုက်၌ ထယ်ယောင်း မြင်လိုက်ရသည့် ပုံရိပ်တစ်ခုမှာ လူနာကလေးငယ်များ အကြား ထင်ထင်ရှားရှားဖြစ်သည်။
သူ တရင်းတနှီး သိပါသော အမျိုးသားနှင့် အမျိုးသမီး တစ်ယောက်တို့၏ ပုံရိပ်က သူ၏ မျက်ဝန်းများအား ဝေဝါးစေသည်။
ထိုအမျိုးသားသည် သူနာပြုဆရာမတစ်ယောက် ချီလာသည့် ကောင်ကလေးအား ပွေ့ချီလိုက်သည်မှာ ပြုံးပျော်ရွှင်ကာဖြင့်။ နဘေးရှိ အမျိုးသမီးမှာလည်း ကြည်နူးစွာသော မျက်ဝန်းတို့ဖြင့် ကလေးချီထားသော အမျိုးသားအား ကြည့်နေသည်။
ထယ်ယောင်း အမြန်ပင် အကြည့်လွှဲလိုက်ကာ လူနာအား စမ်းသပ်စရာရှိသည်ကို စမ်းသပ်ပြီးနောက် ဆေးပေး၍ အခြားလူနာ တစ်ဦးထံသို့ ဆက်သွားလိုက်သည်။
မျက်ဝန်းထောင့်၏ အမြင်အား အတည်ပြုကြည့်မိခဲ့၍ မြင်လိုက်ရသည့် မြင်ကွင်းကြောင့် ဆို့နင့်မှုနှင့်တကွ ဝမ်းနည်းမှာသည် ခြေလှမ်း တစ်လှမ်း လှမ်းလိုက်သည့် အချိန်တိုင်း လှိုက်တက်လာသည်။
