"အသက်ရှင်တဲ့သူရော ရှိပါဦးမလား"
ထယ်ယောင်း ကားထဲမှ လူများအား ဆွဲထုတ်နေသည့် နားသို့ ရောက်ရောက်ချင်း ကြားလိုက်ရသောစကားဖြစ်သည်။
"ဂျောင်ဂု"
"ထယ် ကားထဲဝင်ခဲ့မှရမယ်"
ကားထဲထိ ဝင်ကာ လူများအား ဆွဲထုတ်နေသည့်ဂျောင်ဂုက မှန်ကွဲနေသည့် ပြတင်းပေါက်မှ ခေါင်းအနည်းငယ်ထုတ်ကာ လှမ်းပြောခြင်းဖြစ်သည်။
ထယ်ယောင်း ကားထဲသို့ ထိုမှန်ကွဲနေသည့် ပြတင်းပေါက်မှ တစ်ဆင့် လေးဘက်
ထောက်ကာ ဝင်လိုက်ပြီး မှန်ကွဲများအား လက်ကို မဆူးစေရန်လည်း သေချာဂရုစိုက်နေရသည်။
ကားအတွင်းသို့ရောက်သည့်အခါ ထိုင်ခုံများအကြား ခြေထောက်ညှပ်နေသူနှစ်ဦးကို ထုတ်ဖို့ရန်ကျန်နေသေသည်။
"ထုတ်လို့မရဘူးလား"
"ကားမှောက်တော့ လန်ကျတဲ့အချိန် ခြေထောက်က ချိတ်ပြီး ညှပ်တာထင်တယ်"
ထယ်ယောင်း အတွင်းဘက်သို့အနည်းငယ် ထက်ဝင်လိုက်ပြီး ခြေထောက်အခြေအနေကို ကြည့်လိုက်သည်။
ခြေထောက်မှာ ရှေ့သို့ ကော့လန်ကာ ကျိုးနေခင်းဖြစ်ပြီး အခြေအနေမှာ အတော်ကို ဆိုးနေပြီဖြစ်သည်။
"နောက်ဘက်မှာ ညှပ်နေတဲ့ ကလေးကို အရင်ထုတ်ပေးလိုက်ပါ၊ သတိလစ်နေတာကြာပြီ၊ ကျွန်တော်က တောင့်ခံနိုင်ပါသေးတယ်"
ထယ်ယောင်း ခေါင်းငြိမ့်ပြကာ နောက်ဘက်ရှိကလေးဆီကို ဖြည်းဖြည်းချင်းဝင်သွားလိုက်သည်။ ကလေးရှိရာသို့ရောက်သည့်အခါ ထယ်ယောင်း လန့်ဖြန့်ကာ ဂယောက်ဂယက်ဖြစ်သွားရသည်။
ကလေး၏ ပေါင်တစ်ဖက်အား စတီချောင်းတစ်ချောင်းက ဖောက်ထွက်ကာ စိုက်ဝင်နေခြင်းဖြစ်သည်။ သွေးထွက်ပင်လွန်နေနိုင်သည့်
အခြေအနေမျိုးတွင်ရှိနေသည်။ ထိုမျှမကအပေါ်မှ ပြုတ်ကျလာသည့် ပစ္စည်းများနှင့် ဦးခေါင်းပိုင်းကို ရိုက်မိခဲ့ပုံရသည်။
ထယ်ယောင်း ထိုကလေးအား သွေးတိတ်အောင် အမြန်လုပ်ပေးနေစဉ် ဆူညံစွာကြားလာရသည့် အရေးပေါ်ကားများနှင့် အခြားအဖွဲ့များ။
