ဂျောင်ဂုမှာ သူ့အား ဖောက်ပြန်သည်ဟု စွပ်စွဲနေရင်းမှ စိတ်ထဖောက်သွားပြီးသည့်နောက် ထယ်ယောင်းမှာ ကိစ္စအချို့အမှန်ကို သိနေသည့်သူပီပီ ဂျောင်ဂုအပေါ် အတတ်နိုင်ဆုံး ဖြူစင်စွာ ဂရုစိုက်ပေးနိုင်ဖို့ သူ့စိတ်အား သူ့ဘာသာ ပြင်ဆင်နေရသည်။
ဂျောင်ဂုနှင့် ပတ်သတ်ပြီး သိရှိထားသည့် ကိစ္စတို့နှင့်အတူ ထယ်ယောင်း မွေးလာသည့်အချိန်မှစ,ကာ အပြစ်တင်ခံခဲ့ရသည့် အရာတို့အား ဖုံးကွယ်ထားဖို့ရန်နှင့် လူကြီးများ၏ ရှေ့ဆက်တိုးလုပ်ဆောင်ခိုင်းခဲ့သည့် လုပ်ရပ်တို့ကို ထယ်
ယောင်း မငြင်းဆန်နိုင်ပဲ လုပ်ခဲ့မိသည်။
သို့သော် တကယ်ချစ်မိသွားခဲ့သည့်အချိန်မှစကာ စိတ်ပြင်ဆင်နေခဲ့ခြင်းဖြစ်သော်ငြား တချို့အရာများတွင်မူ လူကြီးတို့၏ စကားတို့အား မလွန်ဆန်နိုင်၍ လုပ်ခဲ့ရသည်ဖြစ်၍ အမြဲတမ်း ဂျောင်ဂုအပေါ် စိတ်ဖြူစင်စေရန် ပြင်ဆင်နေခဲ့ရသည်ဆိုလျှင် ပို၍ မှန်မည်ဖြစ်သည်။
ထိုကဲ့သို့ တစ်ကြိမ်တစ်ခါ အမှန်တကယ် ချစ်ခဲ့ဖူးသည်မို့ ထယ်ယောင်းသည် ဂျောင်ဂု မည်မျှပင် ဆိုးသွမ်းနေပါစေ အကြောင်းအမှန်တို့အား အချိန်တစ်ခုထိ ဖုံးကွယ်ထားရင်း ဂျောင်ဂုအပေါ် ပို၍ နားလည်မှုပေး၍ ဂရုစိုက်ပေးနိုင်ဖို့ ကြိုးစားမည်ဟု ဆုံးဖြတ်ထားသည်။
အမှန်အတိုင်း ဝန်ခံရပါလျှင် ဂျောင်ဂုအား ချစ်ခဲ့ဖူးသည့်အတိုင်း လက်ရှိတွင်လည်း ထယ်ယောင်း ဆက်ချစ်နေသေးသည်။ အတုအယောင်များနှင့် ကာရံထားခံရသည့် ထယ်ယောင်းအတွက် ဂျောင်ဂု နှုတ်မှ ချစ်ကြောင်း မဆိုခဲ့ပါသော်ငြား ဂျောင်ဂု၏ ဂရုစိုက်အလေးပေးမှုများမှာ အစစ်အမှန် ဖြစ်သည်ကို ထယ်ယောင်းခံစား၍ ရခဲ့သည်။
ထို့ကြောင့် အကယ်၍သာ သူ့လုပ်ရပ်များနှင့်အတူ ကြီးမားသည့်အမှန်တရားတို့အား သိရှိပြီးသည့်နောက် ဂျောင်ဂုထံမှ ပြန်လည်ရရှိလာမည့် မည်သည့် နာကျင်မှု၊ ခါးသီးမှုတို့ကိုမဆို ထယ်ယောင်း လက်ခံမည်ဖြစ်သည်။
အကယ်၍ သူ၏ ရှင်းပြချက်၊ တောင်းပန်ချက်များကိုသာ ဂျောင်ဂုဘက်မှ ခွင့်လွှတ်မည်ဆိုလျှင် အမှန်တကယ်ပင် အဖြူစင်လွန်းဆုံးသောမေတ္တာနှင့် ချစ်ခြင်းတို့ကို အစကနေ ပြန်
ပေးအပ်ဖို့ရန်လည်း ထယ်ယောင်း စဉ်းစားထားခဲ့သည်။
