"တရားထိုင်တာလဲမဟုတ်ပဲ မင်းဘာလို့လိုက်လာနေသေးလဲ
"ထယ့်ကို စိတ်မချလို့"
ရုတ်တရက် ချစ်သူရည်းစားအချိန်တုန်းက ခေါ်ခဲ့သည့် နာမ်စားလေးကြောင့် ထယ်ယောင်း ရင်ခုန် နှုန်းတို့ မသိမသာ တိုးလာခဲ့သည်။
"မင်းကြောင့် တရားမှတ်လို့မရတော့ဘူး"
ထယ်ယောင်း ရင်ခုန်သံတို့ကို လျစ်လျူရှုကာ သူအဆင် မပြေသည်ကိုသာ ပြောပစ်လိုက်သည်။ အပတ်တိုင်း ထယ်ယောင်းနှင့်အတူ လိုက်လာပြီး ဘေးတွင်နေရာယူ၍ ထိုင်ကြည့်နေတတ်သည်မို့ ထယ်ယောင်း တရားမှတ်၍ မရဖြစ်နေရခြင်းပင်။
"ဒီ တရားထိုင်တော့ရော ဘာတွေများကောင်းသွားလို့လဲ ထယ်က ကောင်းတဲ့အချက်တွေ ပြောပြမှ မောင်က လိုက်လုပ်ချင်မှာပေါ့"
ပြဿနာ တစ်သိန်းခြောက်သောင်းခန့်ဖြစ်ပြီးနောက်ပိုင်း အတော်လေးကြာမှ ချစ်သူရည်းစားကာလများတွင် ခေါ်ဝေါ်ခဲ့ကြသည့် နာမ်စားများကို ယခုအခါ ထပ်ခါထပ်ခါ သုံးနေခြင်းကြောင့် ထယ်ယောင်း အနည်းငယ်ပင် စိုးရိမ်လာရသည်။
"တရားထိုင်တဲ့အခါ စိတ်ငြိမ်လာပြီး အလုပ်တစ်ခု၊ ကိစ္စတစ်ခုတည်းအပေါ်ကိုပဲ အာရုံစိုက်လုပ်နိုင်လာတယ်"
"မောင်က ထယ့်ကိုပဲ တစ်ချိန်လုံးကြည့်နေတာ၊ အာရုံစိုက်အားကတော့ တရားထိုင်စရာကို မလိုဘူး"
ထယ်ယောင်း၏ စကားတစ်ခွန်းအပြီး မျက်လုံး များ အရောင်တလဲ့လဲ့နှင့် ပြန်ဖြေလာသူကြောင့် ထယ်ယောင်း မျက်စောင်းခဲလိုက်သည်။
"တရားထိုင်လိုက်တာကြောင့် စိတ်အေးချမ်းပြီး ပူပန်မှုတွေကို သက်သာစေတယ်"
"မောင်ကတော့ ထယ့်မျက်နှာလေး မြင်လိုက်တာနဲ့ ရင်တစ်ခုလုံး အေးချမ်းနေပြီးသား"
ချစ်သူဖြစ်ခဲ့စဉ်ကပင် မနူးညံ့ခဲ့သော ဂျောင်ဂု၏ စကားတို့အား ထယ်ယောင်း လန့်ထိတ်လာရသည်။ ကလဲ့စားချေဖို့များ ပြန်ကြံစည်နေပြီလားဟူ၍ တွေးထင်မိသည်အထိ။
"အခုလို မဟုတ်တာတွေလည်း ကယောင်ကတမ်း မပြောမိတော့အောင် တရားထိုင်ရတယ်"
