ဂျောင်ဂု တင်ဒါအောင်ခဲ့သည့် ပန်းခြံနှင့် ကစားကွင်း ဆောက်လုပ်ရေးသည် တစ်ဝက်ခန့်
ပင် ပြီးပြီ ဖြစ်သည်။ ထည့်သွင်းဆောက်လုပ်ထားသည့် ကစားနည်းများ သည်လည်း အတော်အသင့်ပင် စုံလင်နေပြီဖြစ်သည်။
ကစားနည်း တစ်ခုချင်းစီတိုင်း၏ ခိုင်ခံမှု၊ အရည်အသွေး ပြည့်မှီမှုများကို အခြားအင်ဂျင်နီယာများ နှင့်အတူ ဂျောင်ဂု ကိုယ်တိုင် ဝင်ရောက်စစ်ဆေးရသည်။
နိုင်ငံတော် ပရောဂျက်ဖြစ်သည်နှင့် အညီ တစုံတရာ မှားယွင်းသွားပါက နောက်နောင်တွင် ယခုကဲ့သို့ တင်ဒါအနိုင် ရရှိရန် လွယ်ကူတော့မည်မဟုတ်ပါ။
အမြင့်ပေ ၆၀ ခန့်ရှိသည့် ရိုလာကိုစတာ၏ ခိုင်ခံမှုကို သံတစ်ချောင်းစာမျှပင် မလစ်လပ်စေဖို့ရန် ဂျောင်ဂုတို့အားလုံး ထောင့်စေ့နေသည်အထိ စစ်ဆေးကြသည်။
ထိုသို့ တိတိကျကျ စစ်ဆေးရသည့်အတွက် ကစားနည်းတစ်ခုလျှင် အနည်းဆုံး တစ်နာရီခွဲခန့် ကြာမြင့်လေ့ရှိသည်။ ထို့ကြောင့် စစ်ဆေးမှုသည် တစ်ရက်နှင့် မပြီးနိုင်ပဲ ၄၊၅ ရက်ခန့် ကြာမြင့်
တတ်သည်။
"အစ်ကိုလေး အဆင်ပြေရင် ကွင်းဘက် ခဏလိုက်ခဲ့ပေးပါလား"
ဂျောင်ဂု တစ်ချက် ခေါင်းငြိမ့်ပြလိုက်ပြီး လက်ထောက်များနှင့်သာ စစ်ဆေးလက်စ နေရာကို လွှတ်ထားခဲ့ပြီး လာခေါ်သည့် ဆောက်လုပ်ရေးသမား တစ်ဦးနောက်သို့ ခြေလှမ်းမှန်မှန်ဖြင့် လိုက်ပါသွားခဲ့သည်။
ဂျောင်ဂု ဦးစီး၍ ဆောက်လုပ်ရသည့် ဤနေရာသည် အများပြည်သူအပန်းဖြေဖို့ရန် ရည်ရွယ်ထားခြင်း ဖြစ်သည်။ ထို့ကြောင့် ပန်းစိုက်ခင်းများနှင့်အတူ အတွဲခုံလေးများ ပြုလုပ်ပေးထားသည့် ပန်းခြံငယ်နေရာများ ပါဝင်သည်။
ထို့အပြင် ကလေး၊ လူကြီးမရွေး ဆော့ကစားနိုင်သည့် ကစားနည်းများကိုလည်း ပန်းခြံဝန်းကြီး၏ နေရာအနှံ့ ထည့်သွင်းဆောက်လုပ်ထားခြင်းဖြစ်သည်။
ထိုသို့ ဆောက်လုပ်ရေး ဆောင်ရွက်နေစဉ်အတွင်း ဂျောင်ဂု အကြံသစ်ထပ်ရသဖြင့် ကစားကွင်းနှင့် ဘေးချင်းကပ်ရပ်ရှိ နေရာကျယ်ကြီးအား ရှိုးပွဲမျိုးစုံ ပြုလုပ်နိုင်ရန် outdoor stage အဖြစ် တည်ဆောက်နေခြင်းဖြစ်သည်။
