The Reckoning

-8-

ဂျောင်ဂု လုပ်ငန်းထဲတွင် ဆက်တိုက် ဖြစ်နေသော ချစားမှုများကို ရှင်းလင်းနေရ၍ မအားလပ်သည်မှာ နှစ်ပတ်ခန့်ပင်ရှိပြီဖြစ်သည်။

မအားသည့်အတွက် ဆေးရုံကို သွားမတွေ့နိုင်သော်လည်း ဖုန်းအမြဲဆက်ဖြစ်သည်မို့ ဆရာဝန်ကောင်နှင့်သူ၏ အခြေအနေသည် အတော်အသင့်ပင် တိုးတက်နေပြီဖြစ်သည်။

သူ​၏ ဒယ်ဒီသည်လည်း ပထမတစ်ခေါက် သူ့ဆီလာပြီးကတည်းက မလာတော့သည်မို့ အာရုံစိုက်စရာတို့အား သေချာအာရုံစိုက်နိုင်နေသည်။

သူ့အဆီအစဉ်များ အောင်မြင်ပြီးသည့် အချိန်
တွင် ဒယ်ဒီဖြစ်သွားမည့် မျက်နှာ ပုံစံကို ဂျောင်ဂု တကယ်ပင် မြင်ချင်လွန်းလှသည်။

ထို့အပြင် သူ့လုပ်ရပ်ကြောင့် ဖြစ်ပျက်သွားမည့် အရာတို့အား ဒယ်ဒီ့​၏ အငယ်အနှောင်းမည်မျှ ရုပ်ပျက်ဆင်းပျက်ဖြင့် ရင်ဆိုင်မလဲကိုပါ ဂျောင်ဂု မြင်ချင်နေမိသည်။

ဂျောင်ဂု​၏ လုပ်ရပ်တို့သည် သူတို့အတွက် မည်မျှပင် ချိုမြိန်မည်လည်း ဆိုသည်ကို တွေးရုံနှင့်ပင် မသိနိုင်လောက်အောင် ဂျောင်ဂုအတွက် တော့ အရသာရှိသည်။

ထို သားအမိကြောင့် သူ့မာမီသေသွားရခြင်း ဖြစ်သည်ဟု ငယ်ငယ်ကတည်းက တစ်သမတ် တည်း ဂျောင်ဂု တွေးလာခဲ့ခြင်းမို့ အမုန်းတရားတို့သည် အလွန်ပင် ကြီးထွားလွန်းသည်။

ထို့ကြောင့် သူ့အစီအစဉ်လောက် ဒဏ်ရာအသေးလေးကိုဖြင့် လက်ခံပြီး သူ့အား ပြန်ပေးဆပ်သင့် ပါသည်။

သို့သော် ဤ အစီအစဉ်လေးဖြင့် ဂျောင်ဂု ကျေနပ်ကာ သူ့အမုန်းနှင့်ကလဲ့စားတို့အား ကြေအေးမပေးပါ။ အစမို့သာ လျော့လျော့ပေါ့ပေါ့ လုပ်ပေးနေခြင်းဖြစ်သည်။

အစီအစဉ် အောင်မြင်၍ ရောက်ရှိလာတော့မည့် ပျော်စရာ အချိန်များအတွက် ယခုကတည်းက အားရှိနေရမည်မို့ ကုတင်ဘေးမှ မီးအိမ်ကို ပိတ်ကာ မျက်လုံးများလည်း မှိတ်ချလိုက်
တော့သည်။

နာရီသံ တတောက်တောက်သည် အမှန်စင်စစ်အားဖြင့် မိုးလင်းနေသည်အား သိစေရန် မနက် ၆နာရီအား ညွှန်းပြနေခဲ့ပေမယ့် အိပ်ဖို့ကျန်ရွယ်လိုက်သူကဖြင့် ဂရုမစိုက်ပဲ အိပ်ပျော်သွားခဲ့သည်။
---
အိပ်ခန်းတံခါး ပွင့်နေသည်မို့ ဂျောင်ဂုသေးသေးလေးသည် အခန်းထဲမှ ထွက်လာသော အော်ဟစ်သံများအား အတိုင်းသား ကြားနေရသည်။