#الجزء_120
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
و دازو ربع ايام بلمح البصر، كاين لي من فرط الحلاوة ما حسش بيها، وكاين لي دازت عليه بطلوع الروح .. 🦋
ساندية وارون عاطينها غير للخروج و الدوران، باديين حياتهم مع بعضياتهم سكر وعسل ... كايعوضو بعضياتهم على لي فات ..
بهاء و هادية باقي ما هضرو مع بعضياتهم، تقليقتهم باقي مطولة ... هي كاتسناه، وهو باقي ما قدر يبرد ..
ريا وعثمان عايشين النهار بنهارو ... و تجهيزاتهم لدارهم ما كاتساليش، كل نهار يخرج ليها سي سبة باش يخرجو بجوج يدورو ...
اليوم الاثنين، حبيب مشا فالصبح سنا العقد ديالو و اتافق مع السونطر على ساعات الخدمة ديالو ... ورجع مع وقت الغذا، تغداو مجموعين كيما العادة وكلها ناض يشوف ما يقضي ...
واقفة فالبيت كاتخوي ماريوها من الحوايج لي ما بقاتش غادي تلبسهم مزال، وهي كاتهضر مع عثمان ...
عثمان : غادي نمشيو هاد العشية للدار.
ريا : (زهق اللون من وجهها) ها ؟ ع علاش ؟
عثمان : (علا حجبانو) باش تشوفي واش كلشي هو هذاك ولا ناقصة شي حاجة .
ريا : ولكن !
عثمان : (قاطعها) التصاور ما كافيينش ... ما فهمتش مالك كاتولي ترعدي غير نقولك الدار، ما غاديش ناكلك !
ريا : (بتردد) ما قلتش هكاك ...
عثمان : وشنو من غير هكاك !
بلعات ريقها و تنهدات نطقات بعد وهلة بتردد ..
ريا : خليني بعدا نشوف مع هادية ونرد عليك
عثمان : (تبسم) واخا .
دارت mute للميكرو .... وخرجات من البيت للصالة عند هادية... كاتحك فقفاتها بتوثر ...
ريا : ها هادية ؟
كانت جالسة حاطة راسها وسط الماكبوك ديالها كاتشوف الايميلات لي عندها و عروض الخدمات لي واصلينها ...
هادية : نعم ؟
ريا : دابا (حنحنات) عثمان !
سكتات لوهلة خلات هادية تسد الماك وتشوف فيها بجدية ...
هادية : غادي نلعبو كلمات متقاطعة ؟ طلقي اختي شنو عندك ..
ريا : (نفات براسها و هضرات وهي حشمانة) دابا عثمان بغا نمشي معاه للدار
هادية : (بعدم فهم) نعم ؟
ريا : زعما نمشي نشوف شنو باقي ناقص للدار! (بزربة) تبغي تمشي معانا ؟
هادية : (علات حجبانها) خليني انا هاد الساعة مكافية غير مع الخياط والحوايج، قشاوش الدار عمو بحركم فيهم بينما كملت روينتي ...
ريا : واش نمشي ؟
هادية : لي ترتاحي فيه ديريه ..
ريا : راحتي من راحتك .
هادية : ايلا بغيتي تمشي تشوفي دارك وشنو ناقصها سيري (خرجات فيها عينيها) غير هو ما نحتاجش نوصيك ياك !
ريا : (تزنكو خدودها) الا ويلي ...
هادية : (تبسمات) صافي سيري وبلا تعطال
ريا : (هزهزات راسها) تمام ، شكرا .
أنت تقرأ
فل تثلج❄️طور التنزيل❄️
Romance💎طور التنزيل💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
