فل تثلج❄️طور التنزيل❄️

❄️الجزء 20❄️

#الجزء_20
#الفـــصــل_الأول : #لذة_محرمة
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

ناضت جلسات و سندات ظهرها على راس الفراش , و عاود شافت فيها ثاني ...

هادية : فين مشات ريا القافزة لي كاطير من المقلة ؟ غادي تباني ليه مبهططة بهاد نتشاور مع ختي ؟
ريا : و يشرب البحر .. (هزات كتافها) ما فيها والو و انا ديال بالصح ما عنديش مشكيل نعتارف بلي مزال كاناخد الاذن منك !
هادية : (خرحات فيها عينيها) و ايلا كان ناوي الحلال تهربيه ! يقول واش انا داي هادي و لا داي ختها ؟ (شافت فساندية) و شوف ليك القافزة زعما ! (عاود شافت فيها) تشاوري معاي ما قلناش و لكن ما تقوليهاش ليه .. واش معرية ليه ݣاع وراقيك ؟
ريا : و الله حتى هانية ايلا بغا يهرب الطريق طويل ! هههه ما فيها والو !
هادية : اهاه ! و شنو سميتو ؟ اش كايدير فحياتو ؟ شحال فعمرو ؟ و الاهم كيفاش تعارفتو !
ساندية : (جبدات عليها الملاية ) و نبداو القصارة هاد الليلة مع ريا ! (شافت فهادية) مزال ندوز ليك ! و الله لا تفاكيت معاك .
هادية : دابا انا اش درت ليك .. راه ما كاين والو !
ساندية : عليا انا ! و الله ما ديريها بيا واخا تتناي على جوج .
هادية : (تنهدات مبدلة الموضوع) زعما نتي ما عندك ما يتقال ؟
ساندية : (تبسمات ليها) تقولي نقول !

سكتات لوهلة ، تنهدات و خممات فيها شوية، ايلا خرجات شنو عندها فخاطرها غادي تنقص التفكير فالموضوع و بلا والو ما كانت غادي تتجنب الهضرة على الرحلة لمدة طول من هاما ، هوما واجدين يسمعو ليها وقتنا بغات و هي خاصها تهضر باش ترتاح ...

هادية : (هزهزات راسها بالايجاب) و لكن نديرو العكس حسن ، حيت انا (غمزاتها و نطقات بسخرية) عندي اخبار نار نار يا حبيبي .
ساندية : سير على الله !

شافو فريا و هي تربع رجليها و حنحنات باش تبدا الهضرة ...

ريا : سميتو عثمان !
ساندية : الدلع عثعث ! كملي
ريا : (ضحكات ليها) عندو 31 عام ...
ساندية : (مدات صباعها دايرة راسها كاتحسب شحال ديال الفرق بيناتهم) هممم بيناتكم ست سنين ديال الفرق !
ريا : اييه ، و خدام فشركة ديال الثواب ... كادر تماك و لكن بالتحديد ما عرفتش و ما عمري سولت
ساندية : اللهم بارك ! و كيفاش تلاقيتو
ريا : ما عمرنا تلاقينا ..
ساندية : فمرة ؟ و كيفاش تعارفتو !
ريا : نعاودها ليكم بحال الخرافة .. ديكشي ما كنتش غادي نتيقو كون عاودو ليا شي حد ! خديت الرقم ديال البروف باش نسولو على شي تخربيق و كتبت ميساج مقاد مأنتك من داكشي الرفيع و رسلتو ... ناض الجواب وصلني من بعد ساعتين و ما كانش ديكشي لي كانتسنا ... لقيتو جوج علامات الاستفهام . استغربت (خرجات فيهم عينيها و مخدمة يديها كاتشرح بيهم و هوما مندامجين معاها ، مخليينها تعبر و تقول شنو عندها) قلت ياكما غلطت فالاملاء ديال شي كلمة ! عاودت صححت ديك الميساج واخا ما كانت حتى حاجة غالطة زدت فيه الفواصل و الترقيم و رسلتو عاوتاني ... و هو يرسل ليا ميساج اخور تمنيت الارض تنشق و تبلعني.
ساندية : كان الرقم غالط ؟
ريا : (هزهزات راسها متحصرة) اه . صافي طلبت السماحة و درت لديك العجب اغشيفي .. حتى من بعد يومين كانلقاه راسل ليا ميساج ثاني !
ساندية : صدق زلايلي !
ريا : لا لا ، كان غير كايعتاذر على اسلوبو فالهضرة غير حيت كان مشغول و مرون .
ساندية : ويلي على دخلة سواقية
ريا : جاتني جانتل .. و صافي بقات الهضرة ، من هنا للهنا حتى ولينا كانهضرو يوميا ، هو محتارم مسافتي الشخصية و انا محتارماه ، عمرو قلل عليا الاحترام و عمرو طلب مني نتلاقاو ... حتى لهاد المرة و حتى انا قلت مع راسي جا الوقت .. عام و شوية ديال الهضرة ما فيها والو نتعرفو حتى فالواقع
ساندية : حبيتيه الزغبية ؟
ريا : (علات كتافها) عادي ، كانرتاح معاه ، منجادبة ليه و صافي
هادية : (تبسمات) و الله يدير لي فيها الخير !
ريا : ان شاء الله خير ، و دابا اش بان ليك !
هادية : و ما غاديش نقول لا
ريا : و لكن غادي تقولي و لكن !
هادية : (هزهزات راسها) و شنو ! دابا انا ما يمكنش نرسلك بوحدك تلاقاي بواحد عمرك شفتيه ! و ايلا كان شي سيكوباط !
ريا : ياله معاي !
هادية : غادي نمشيو انا و ساندية ! نتي جلسي معاه و انا وياها نحضيوكم ! الدنيا و الزمان هادي
ريا : و اجي جلسي معانا كاع
هادية : (بسخرية) ايه و ايلا سهل ربي و كتابت شي حاجة بيناتكم ، تدينيش فدهازك ؟
ريا : (هزهزات راسها بحيوية) هذاك هو النهار الكبير (عنقاتها مخششة فيها) انا ما نمشيش و نخليك .
هادية : (زيرات عليها) ما غاديش نبقا معاك ديما ، حتى انا كنت غادي نمشي فواحد الوقت ، ما قلتش ما غاديش نمشي و نخليك حيت عارفة مزيان انا وياك شحال ما بقينا مع بعضياتنا غادي يجي الوقت لي تمشي فيه لدارك و تخوي عليا داكشي علاش ما كرهتش نسبق انا و نمشي .
ريا : (دمعو عينيها) هنينا !
ساندية : (ناضت تنخصص) و العداو انا تعقدت .