#الجزء_101
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼وصلو بجوج بيهم قد قد ، نزلو من سياراتهم و تعانقو مع بعضياتهم عناق رجولي خفيف ..
ايمن : قالت ليك كانبغيك لبارح جيتي اليوم
بهاء : (تبسم بفخر) ايوا شفتي، كون كنت جن كون حضرت ليها ديك الساعة النيت ، دوماج
ايمن : وليني راك طايح اولد العابد
بهاء : عمري وصيتك على بنت المرا ؟
ايمن : هي اللولة
بهاء : و هي اللخرة .
ايمن : و مزيان منين جيتي ، غادي نسافر هاد الويكاند
بهاء : و بعدا Royal air Maroc (شركة الطيران) مدبرة على صريف معاك
ايمن : لعقبة لانصالات حتى هي ..
بهاء : منين غادي تصالحو جيبها حداك ولا سير حداها ! ما صالحش معاكم نتوما عن بعد !
ايمن : يكون خير ! غير نتصالحو .وقفات هادية بسيارتها و نزلات هي وريا و ساندية جابتهم معاها .... تبسمات ليهم ولقات عليهم السلام و بهاء مع باقي موحشها غير كايجرها لعندو و يعنق فيها ..
هادية : (تزنكات) بهاء اغييط .
بهاء : و توشحتك ..
هادية : (تبسمات حشمانة و شافت فايمن) لقيتهم هاد الايام كايهربو ما كايسمعوش للبرنامج ديالي و انا نجرهم من وذنيهم
ايمن : خير ما درتي ... مرحبا بيكم
ساندية : شكرا .
بهاء : حتى انا غادي نحضر
ايمن : نتا غادي تمشي تخدم على ولادك، عندنا شلا ما يدار
بهاء : (ميق فيه) كي كنتي عايش بلا بيا ما فهمتش !
ايمن : لقيت لي يهز عليا و نقول لا ، عيب ، زيد ما غاديش نتعطلو .. و خليها النيت تركز ، تبقاو تشاوفو ليا بالعنين و داكشي ديال طيري ميري تخرجو عليا ما جاتش
هادية : ههه لا حول .دخلو للاذاعة و كلها مشا قاصد بلاصتو، دخلو البنات مع هادية و شدو قنتهم ، بينما هي خرجات بالخف جابت ليهم قهوة و لاسية حتى هي ..
جلسات فبلاصتها دارت الكاسك على وذنيها و بداو ، طول الحلقة واحد الحماس فيها و واحد الطاقة نزلات عليها بالدبول وهي كاتشوف فخواتاتها قدامها و اللمعة لي عندهم فعينيهم ...
وقف قدامها من على برا بهاء كايشوف فيها ... كانت قربات تكمل ، بقا ليها اتصال اخير و صافي ...
هادية : و نستقبل مستمعينا اخر اتصال لهاد الليلة ! الو السلام عليكم
- و عليكم السلام !
هادية : وي خويا تفضل شكون معاي ؟
- ماشي ضروري تعرفي او لا ؟
هادية : خود راحتك !
- بعيدا على موضوع الحلقة و هاد التخربيق لي من قبايلة و نتي كاتقولي فيه انا بغيت نسولك !
هادية : (قرنات حجبانها و ضحكات الضحكة الصفرة) يعني من قبايلة و حنا كاناقشو جاك غير تخربيق ، واخا ما عليش ، من حقك تقول لي بغيتي تفضل ؟
- علاش نتي منافقة !هزات راسها كاتشوف فالطاقم ناويين يقطعو و هي تخرج عينيها و هزات يديها بمعنى حبسو ... ما فاهماش هاد السؤال علاش تطرح و زيد عليها اول مرة تتعرض لشي حموضة بحال هادي ما باغاش تكون جبانة و تتهرب باش ما تعاودش معاها القضية .
أنت تقرأ
فل تثلج❄️طور التنزيل❄️
Romance💎طور التنزيل💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...