فل تثلج❄️طور التنزيل❄️

❄️الجزء 60❄️

#الجزء_60
#الفـــصــل_الثاني : #خريف_العشق 🍂
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

وصلها حبيب قدام المطعم فين كاين العيد ميلاد ، جايا معطلة ، باش تدخل و تخرج بالخف ، و عوالة تدير السبة بالعيا و تمشي بحالها بكري ... تبغي تتلاقا بجيلان و لكن بلا ارون ، حيت القلبة لي قلب عليها نفراتها منو و ما بقاتش باغية تتلاقا بيه مزال باش نا تزيدش تتعلق بيه ... هو كان باغي يتعارفو و ناوي المعقول ... و بين ليلة و نهار لا برية لا تلفون ، حتى ما عزاهاش و هو عارف بلي الموت كانت عندها فالعائلة ...
هزات الكادو بين يديها و تنهدات .... شاف ليها حبيب و تبسم ليها مطمنها ...

حبيب : نتي قدها ... تيقي بيا
ساندية : غير ما بغيتش نخسر ليها خاطرها و صافي
حبيب : (باس ليها راسها) يحفظ ليا الحنينة ديالي ... ياله تلاحي خليني نمشي
ساندية : هههه واخا ...
حبيب : معاياش نجي وراك ؟
ساندية : من دابا ساعة قل ربع بالضبط
حبيب : هاء غير هادشي ؟
ساندية : باركة عليا !
حبيي : وا صافي ... غادي تلقايني غير هنا بينما كملتي
ساندية : تمام ..

خرجات من السيارة ، قادات حوايجها و خدات نفس ... تقدمات خطوات قلال و هو يبان ليها ارون بجنب الدروج لقات عليه التحية مع ابتسامة خفيفة و هو رما من بين صباعو الكارو ديالو ... زطم عليه طفاه و تبسم ليها و هو مزير ..

ارون: مرحبا بيك
ساندية : شكرا !
ارون : تفضلي ...

خوا ليها الطريق منين دوز و طلع وراها ... غير دخلات جيلان نقزات من بين صحابها و جات طايرة لعندها ، سلمات عليها ..

جيلان : مزيان لي جيتي ! مرحبا بيك
ساندية : ما نقدرش نخسر ليك خاطرك واخا عيانة شوية ...
جيلان : ربي يحفظك ..
ساندية : فين لالاك (شافت فالارجاء) ما جاتش ؟
جيلان : (باغا تحرج ارون بايتها طريقة) هاء ما قالش ليك بابا ؟
ساندية : (شافت فارون) الا ، ما كانهضروش ..
جيلان : سافرات ، مشات عند خالتي ..
ساندية : مزيان ، بصحتها
جيلان : و راه حنا دابا غير انا و بابا الراس فالراس ..
ساندية : مزيان ، موانسين بعضياتكم
جيلان : لا والو طلع ليا فراسي ، بغيت وجوه جديدة نصبح عليها ...
ساندية : (تبسمات ليها و نطقات بسخرية) تزوجي ..
جيلان : باقا صغيرة ! (تبسمات ليه) ايلا بغا هو نزوجو ...
ساندية : ياك قلتي ليا باغاه يلقاها لراسو و ما تفرضوش عليه اختياركم !
جيلان : ندمت ! كان خاصني نزرب عليه ، قبل ما يتقلب ساسو على راسو ...
ارون : (تنهد و نطق منساحب) انا غادي نرجع ليكم ...

تمشا ناحية السيرفور لي عيط ليه ... و هي بقات مع ساندية لي دغيا قلبات الموضوع ما باغاش تهضر فيه ...

ساندية : باش كاتحسي و نتي درتي خمسطاش ؟
جيلان : (بحماس) فرحانة ...
ساندية : الله يديمها فرحة يا الحبيبة ...
جيلان : ربي يحفظك ..
ساندية : (عطاتها الكادو ديالها) تفضلي ..
جيلان : علاش عذبتي راسك ؟
ساندية : ما كاين لا عذاب لا والو ، جيلان ماشي قليلة عندي
جيلان : هاح عليك ، (غمزاتها) غادي نفتح ديالك هاد العام قبل من ديال بابا ..
ساندية : كانتمنى يعجبك .. عمري شريت كادو لشي حد فعمرك ، و لكن غير شفتها حبيتها ... و قلت تقدر تعجبك
جيلان : لي جا من عندك ماشي غير يعجبني ، نعشقو ... (حلات عينيها على وسعهم) لا ما يمكنش ! (تبسمات و هي كاتنقز) شحال زوينة !
ساندية : زعما ؟
جيلان : ما عندكش فكرة شحال كنت باغا ناخدها ... و لكن القانون قانون ، ما نقدر ناخد شي حاجة من عند ماركة عالمية حتى ندير 18 .
ساندية : شنو دابا انا اختارقت القانون ...
جيلان : (هزات كتافها) و احسن خرق فالعالم .. (عنقاتها) شكرا ... غادي تبقا ذكرى زوينة محفورة فعقلي ، اول صاك من prada خداتو ليا ساندية ...
ساندية : (طبطبات على ظهرها) بالصحة ، فرحت درت شي حاجة عمرها تخليك تنسايني ..
جيلان : و عمري غادي ننساك طبعا ! (تنهدات بارتياح و الابتسامة على شفايفها لي كايتكتمو بكلام ما مسموعش) ان شاء الله غادي تكوني مرات با.