#الجزء_30
#الفـــصــل_الأول : #لذة_محرمة
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
تبسم ليها و مد يديه مسح دمعة يتيمة كانت باغا تنزل من عينيها ، دورات وجهها و شمرات نيفها ما باغاهش يشوفها ضعيفة ...
ارون : جيلاااانو !
جيلان : نعم !
ارون : (شاف فيها كي شي مرا مشرارة منافقة) ماحشمتيش اختي ! غير ما قال ليك عقلك تقللي العفة على باك !
جيلان : اش درت ؟
ارون : واش هذاك سؤال يتسول ؟
جيلان : (هزات كتافها و هي مزيرة) فضول !
ارون : خاصك تكوني عارفة شنو كاين ! حاشا واش نندم على شي حاجة كنتي نتي هي نتيجتها .. (وساعت تبسيمتو مع تبسيمتها) بالعكس ممتن و فرحان حيت تزوجت بيها و اصلا انا بغيتها فديك الوقت ، و فرحان حيت تعلمت انو الحب ما كافيش ، و فرحتي الكبيرة لي ما عمر تجي شي وحدة بحالها هي منين تولدتي نتي !
جيلان : و واخا تولد ولاد اخربن !
ارون : واخا نولد عشرة اخرين ، غادي نبغيهم و غادي نفرح ببهم و لكن فرحتي اللولة بوحدها ، جيلان فقلبي كلها على بعضها بلاصتها بوحدها ، و ما خاصش يكون عندك شك فهادشي .
جيلان : (تنفسات بارتياح) الله دابا مزيان .. رتاحيت ... (تبسمات) ايه سمحلي قطعتها ففمك ، كمل ليا باش فرحان اخور ! ..
ارون : هههه فرحان حيت نتي متأقلمة مع الوضع ...و اكيد فرحان لماماك حيت شافت حياتها .. و دابا بقيت انا !
جيلان : و نتا ها نتا كاتسنى الموافقة باش تشوفها حتى نتا.
ارون : ايييه عطيني الاوكيه باش نمشيو نخطبو
جيلان : دقة دقة الزين ، تزربش لينا على البنت و تضغط عليها ..
ارون : راه خاصك تاخدي صفي
جيلان : و لكن انا جبيتها !
ارون : (شد يديها بين يديه) ما تبقايش ديري احكام مسبقة .. ما تبقايش ثيقي و تأمني للناس دغيا ، ما كانهضرش على ساندية حيت حتى انا شفتها تلفت على القبلة و لكن عامة تبثي و رزني !
جيلان : (باست يديه) كون هاني اسي عاطف
ارون : يرضي على بنت عاطف .
**
و صبح صباح نهار جديد ، ناض بكري خدا دوش و قاد لحيتو ، لبس حوايجو الرسميين على قبل الخدمة و خرج من بيتو ، صبح عليهم و جلس باش يفطر. .
ميسان : (مستغربة من شكلو) عندك شي اجتماع !
بهاء : اه !
ميسان : الله يسر ليك !
بهاء : جيني نيشان و قوليلي اش بغيتي !
ميسان : (تبسمات ليه ببلاهة) وصلني معاك
بهاء : علاش زعما ؟
ميسان : غير هكاك .
هاينة : ديها ، ما فيها باس
ميسان : اش فيها ؟
بهاء : والو ! غير سولت و صافي .
ميسان : صافي غادي توصلني ياك !
بهاء : كولي و ياله ...
ابراهيم : شنو عندك ليوم ؟
بهاء : اجتماع ، من بعد الطبيب و العشية سالت نشوف الحياة
ابراهيم : ها نتا بديتي تزيكزاݣي !
بهاء : لا كون هاني ... غير كانترون مع التحاليل منين كايخرجو كانبغي ناخد وقت مستقطع
هاينة : الله يسمعنا خبار الخير
بهاء : ان شاء الله ... (ناض واقف و شاف فميسان) ما عوالاش ؟
سبقها و وقفات حتى هي و سلمات على ابراهيم و هاينة بالخف و تبعاتو كاتجري .. ركبات حداه و دارت سمطتها .. و زادو متيسرين على الله ، الصمت سايد فالسيارة حتى الراديو ما مطلوقش و هي حسات بالغرابة.
أنت تقرأ
فل تثلج❄️طور التنزيل❄️
عاطفية💎طور التنزيل💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
