#الجزء_84
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
شاف فيها و تنهد ، ما عراف ما يقول و باقي متردد صراحة ، هو عارف بلي هادشي دو حدين و كيما دار غادي يجرحها و لكن ، غادي يجرب ، يحاول و يدعي من الله تيسير ...
ارون : ايلا تخطبات يعني ما كاتبغينيش و ما كاتفكرش فيا كشريك
جيلان : (شهقات) لواه لواه ، قرب عندي ..
ارون : (قرب عندها) هانا الالا
جيلان : دابا انا واعدتها ما نقول والو و لكن منين انا وياك واحد و حتى نظريا راحنا واحد تقريبا حيت نتا بابا و جيت من
ارون : (قاطعها) الموضوع ا جيلو...
جيلان : المهم ما كانتسماش خنت وعدي ... ياك !
ارون : و نتي تعرفي !
جيلان : (هزات كتافها) كنت كانتسناك تقول اه، ما علينا ، راك كنتي كاتعجبها ، و غالبا مزال ، حيت هي ما تخطباتش لعلاء حيت كاتبغيه ..
ارون : (علا حاجبو فيها) و كاتعرفي لبغو .. هاي هاي هاي على سليعفانة خسرو ترابيك !
جيلان : شكون قالك ما كانهضرش ليك انطلاقا من تجربة شخصية !
ارون : الله يكثر حياك ، حيت راه قلال بلا قياس
جيلان : (ضحكات) و خلينا دابا فالموضوع ، ما دورش ليا انا ...
ارون : لا لا فريني نتي دابا النيت ! اش كاتقولي ...
جيلان : (تزنكو خدودها) و غير ضحكت ..
ارون : جيلان !
جيلان : بابا نعل الشيطان ، باغي تخرج مني شي حاجة ما كايناش ؟؟
ارون : و ما نعرف ... ديري هاه و لا هاه ، نديك معاي للريسطو ضربي دويرة فالكوزينة ..
جيلان : ههههه الا نعل الشيطان، انا باقا صغيرة على داكشي .
ارون : و ما نعرف ..
جيلان : و ما نعرف نتا النيت اش غادي دير فحريرتك ...
ارون : (تبسم) يكون خير
جيلان : شدها جرها من يديها ديها لشي خلا و طلب منها السماحة
ارون : غانولي انا لي كانطلب السماحة فالمحاكم ايلا ديت عليك ..
جيلان : الا لواه، البنات كايعجبهم هاد البلانات الحامضين
ارون : البنات الحامضين، اما ساندية شاربة عقلها و بحال هادشي ما غاديش يشدها ، خليني نخدم عقلي ..
سكتات شوية كاتخمم فسرها و هزات عينيها فيه ...
جيلان : هانتا سمعني، هز تلفونك و رسل ليها ميساج، قولها الالا : ايلا بغيتي ، غادي نتسناك فالمطعم الفلاني مع الساعة الفلانية ، انا غادي نجي ، و كانتمنى حتى نتي تجي، كاين شي حاجات خاصنا ناقشوهم ... (تبسمات) ايوا صافي الشي لاخور عليك
ارون : (هزهز راسو) واخا يكون خير
جيلان : هي دابا
ارون : خليني حتى نرصي و نشوف ..
جيلان : ما تعطلش ا بابا ، اصلا بالشي و لا بلاش ، خاصك تطلب السماحة ، حيت قلتي ليها تبعد عليها ، و حيت عوجتي ليها الحنك، و حيت قهرتيها و نتا عزيز عليها ...
ارون : و صافي سكتي ، ما عرفتني باك و لا راجل مك ، فؤاد و ما كاتعامليش معاه هاكا
جيلان : طبعا، نتا راك انا ...
ارون : اييييه ، صبغيني ...
نقزات عليه معنقاه و هو بدا كايهر فيها ....
***
|-𝓝𝓮𝓽𝓱𝓮𝓻𝓵𝓪𝓷𝓭𝓼 (𝔸𝕞𝕤𝕥𝕖𝕣𝕕𝕒𝕞)-|🇳🇱
أنت تقرأ
فل تثلج❄️طور التنزيل❄️
Romansa💎طور التنزيل💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
