ဒုတိယမြောက်ဂြိုလ်မှာတော့ အလွန်ဘဝင်မြင့်တဲ့ လူကြီးတစ်ဦးနေတယ်။
သူက မင်းသားလေး လာတာကို အဝေးကလဲ မြင်ရော ပြောတယ်။
"အာ ဟ! ငါ့ကို ကြည်ညိုတဲ့သူတစ်ယောက်တော့ ငါ့ဆီလာလည်ပါလားဟ"
"မင်္ဂလာ နံနက်ခင်းပါဗျ" မင်းသားလေးက ပြောတယ်။ "ခင်းဗျားဝတ်ထားတဲ့ ဦးထုပ်ပုံစံက ထူးဆန်းလိုက်တာ"
"ဒီဦးထုပ်က အရိုအသေပြုဖို့အတွက်ပေါ့" ဘဝင်မြင့်တဲ့လူကြီးက အကြောင်းပြန်တယ်။ "ဒီဟာက ကျုပ်ကို လူတွေ အရိုအသေလာပြုတဲ့အခါမှာ မြှောက်ပြဖို့ပဲ။ ဆိုးတာက ဘယ်သူမှ ဒီဂြိုလ်ကို ဖြတ်ကျော်မသွားကြဘူး။"
"ဟုတ်လား" မင်းသားလေးက ဘဝင်မြင့်တဲ့လူကြီးပြောတာကို နားမလည်နိုင်ရှာဘူး။
"လက်ခုပ်တီးပါ၊ လက်တစ်ခုနဲ့ တစ်ခုကို ရိုက်ရင်း"လို့ ဘဝင်မြင့်တဲ့လူကြီးက သူ့ကို ဦးတည်ပြီးပြောတယ်။
မင်းသားလေး လက်ခုပ်တီးလိုက်တယ်။ ဘဝင်မြင့်နေတဲ့ လူကြီးက သူ့ရဲ့ ဦးထုပ်ကို မြှောက်ပြီး ပြန်အရိုအသေပေးလိုက်တယ်။
"ဘုရင်ကြီးဆီ သွားလည်ရတာထက် ပိုပြီးတော့ အပျင်းပြေတာပဲ"လို့ မင်းသားလေးက ကိုယ့်ဘာကိုယ် ပြောလိုက်တယ်။ ပြီးတော့ သူက လက်ခုပ် နောက်တစ်ကြိမ် တီးလိုက်ပြန်တယ်။ ဘဝင်မြင့်တဲ့လူကြီးကလဲ ဦးထုပ်ကို မြောက်ပြီး အရိုအသေပေးပြန်တယ်။
ငါးမိနစ်လောက် အဲ့ဒီလိုလုပ်ပြီးနောက် ဒီကစားနည်းကို ပျင်းရိလာတယ်။
"အဲ့ဒီ ဦးထုပ် အောက်ကို ကျအောင် ဘယ်လိုလုပ်လို့ရမလဲ" သူကမေးတယ်။
ဒါပေမယ့် ဘဝင်မြင့်နေတဲ့လူကြီးက မကြားဘူး။ ဘဝင်မြင့်နေတဲ့လူတွေက မြှောက်ပင့်ပြောဆိုသံကလွဲလို့ တခြားအသံတွေကို မကြားတက်ကြဘူး။
"မင်း ငါ့ကို တကယ် အများကြီး ကြည်ညိုလေးစားရဲ့လား" သူက မင်းသားလေးကို မေးတယ်။
"ကြည်ညိုတယ် ဆိုတာ ဘာကို ဆိုလိုတာလဲ"
"ကြည်ညိုတယ်ဆိုတာ မင်းက ငါ့ကို ဒီဂြိုလ်ပေါ်မှာ အချောဆုံး၊ စတိုင်အကျဆုံး၊ အချမ်းသာဆုံးနဲ့ အတော်ဆုံးလူလို့ အသိအမှတ်ပြုတာပဲ"
"ဒါပေမယ့် ဒီဂြိုလ်ပေါ်မှာ ခင်ဗျား တစ်ယောက်တည်းရှိတာလေ"
"ကြင်နာသောအားဖြင့် ငါ့ကို ကြည်ညိုမြဲ ကြည်ညိုပေးပါ"
"ကျနော် ခင်ဗျားကို ကြည်ညိုပါတယ်" မင်းသားလေးက ပခုံးနှစ်ဖက်ကို ပင့်ပြရင်းပြောတယ်။
"ဒါပေမယ့် ခင်ဗျား ဘာလို့ အကြည်ညိုခံရတယ်ဆိုတာကို အဲ့လောက် စိတ်ဝင်စားနေရတာလဲ"လို့ပြောပြီး မင်းသားလေး ထွက်လာခဲ့တယ်။"လူကြီးတွေက တကယ့်ကို ကြောင်တာပဲ" သူက သူ့ကိုယ်သူပြောပြီး သူ့ရဲ့ ခရီးကိုဆက်လာခဲ့တယ်။
BẠN ĐANG ĐỌC
The Little Prince (မြန်မာလို)
Cổ điểnThe little prince ဆိုတဲ့ ဒီစာအုပ်ကို ပြင်သစ် စာရေးဆရာ Antoine de Saint-Exupéryက ပြင်သစ်ဘာသာနဲ့ ရေးသားခဲ့တယ်။ ကမ္ဘာဂန္တာဝင် စာအုပ်တစ်အုပ်ဖြစ်ပါတယ်။ ကမ္ဘာပေါ်မှာဆို စတုတ္ထအများဆုံး ဘာသာပြန်ခြင်းခံရတဲ့ ဝတ္ထု တစ်ပုဒ်ဖြစ်ပါတယ်။ The little prince ဆိုတဲ့ ဒ...