Oops! This image does not follow our content guidelines. To continue publishing, please remove it or upload a different image.
နောက်ဂြိုလ်တစ်ခုမှာတော့ အရက်သမားကြီးတစ်ဦးနေတယ်။ တကယ့်ကို အချိန်တိုတဲ့ လည်ပတ်မှုတစ်ခုပေမယ့် မင်းသားလေးရဲ့ စိတ်ကို ညစ်ညူးစေခဲ့တယ်။
အရက်ပုလင်းအလွတ်တွေနဲ့ အရက်အပြည့်ပါတဲ့ ပုလင်းတွေရဲ့ရှေ့မှာ ငြိမ်သက်စွာရှိနေတဲ့သူ့ကို မင်းသားလေးက တွေ့တော့
"ခင်ဗျား ဘာလုပ်နေတာလဲ"လို့ ကိုမေးလိုက်တယ်။
"ငါ အရက်သောက်နေတာ"လို့ အရက်သမားကြီးက ဆွေးဆွေးမြေ့မြေ့ပြောတယ်။
"ဘာလို့ ခင်ဗျားသောက်နေတာလဲ" မင်းသားလေးက မေးတယ်။
"ငါ မေ့နိုင်အောင်လို့" လို့ အရက်သမားကြီးက ဖြေတယ်။
"ဘာကို မေ့နိုင်အောင်လဲ"လို့ မင်းသားလေးက သူ့ကို သနားသွားပြီး မေးလိုက်တယ်။
"ငါ ရှက်နေတာကို မေ့ဖို့ပေါ့"လို့ အရက်သမားကြီးက ခေါင်းငိုက်စိုက်ရင်း ဝန်ခံတယ်။
"ဘာကို ရှက်တာလဲ" အကူအညီပေးလိုတဲ့ မင်းသားလေးက မေးလိုက်တယ်။
"အရက်သောက်နေရတာကို ရှက်နေတာပါပဲ"
အရက်သမားကြီးက စကားကို အဆုံးသတ်ပြီး ဘာမှဆက်မပြောတော့ပဲ တိတ်ဆိတ်သွားတယ်။
မင်းသားလေးလည်း ခေါင်းရှုပ်သွားပြီး
"လူကြီးတွေက အတော့် အတော်ကို ထူးဆန်းတာပဲ"လို့ သူက သူ့ကိုယ်သူပြောရင်း ခရီးဆက်ခဲ့တယ်။
YOU ARE READING
The Little Prince (မြန်မာလို)
ClassicsThe little prince ဆိုတဲ့ ဒီစာအုပ်ကို ပြင်သစ် စာရေးဆရာ Antoine de Saint-Exupéryက ပြင်သစ်ဘာသာနဲ့ ရေးသားခဲ့တယ်။ ကမ္ဘာဂန္တာဝင် စာအုပ်တစ်အုပ်ဖြစ်ပါတယ်။ ကမ္ဘာပေါ်မှာဆို စတုတ္ထအများဆုံး ဘာသာပြန်ခြင်းခံရတဲ့ ဝတ္ထု တစ်ပုဒ်ဖြစ်ပါတယ်။ The little prince ဆိုတဲ့ ဒ...
