မင်းသားလေးက ဂြိုလ်သိမ် နံပတ် ၃၂၅၊ ၃၂၆၊ ၃၂၇၊ ၃၂၈၊ ၃၂၉ နဲ့ ၃၃၀ အိမ်နီးချင်း ဂြိုလ်တွေကို ရောက်ရှိခဲ့တယ်။ သူရဲ့ အသိဉာဏ်ကို တိုးပွားစေဖို့ အဲ့ဒီဂြိုလ်တွေကို အလည်သွားခဲ့တယ်။
ပထမဆုံးဂြိုလ်မှာ ဘုရင်တစ်ပါးနေတယ်။ ခရမ်းရောင် မြွေပါသားရေ နန်းဝတ်တန်ဆာကို ခြုံထားပြီး နန်းဆန်ပြီး ရိုးရှင်းတဲ့ သလွန်ပေါ်မှာ ထိုင်နေတယ်။
"ဟော ငါ့လက်အောက်မှာ လာခစားတာလား"လို့ မင်းသားလေး လာတာကို မြင်တဲ့အခါမှာ ပြောလိုက်တယ်။
"ငါ့ကို မြင်လဲ မမြင်ဖူးပဲနဲ့ ဘယ်လိုများသိနေပါလိမ့်" လို့ မင်းသားလေးက တွေးတယ်။ သူက ဘုရင်တွေအတွက် လောကကြီးရဲ့ ရိုးရှင်းတဲ့ နည်းလမ်းတွေကိုမသိခဲ့ဘူး။ ဘုရင်တွေအတွက်တော့ လူအားလုံးဟာ သူ့ရဲ့ မင်းမှုထမ်းများဖြစ်နေလေ့ရှိတယ်။
"မင်းရုပ်သွင်ကို ပိုပြီးကောင်းကောင်းမြင်ရအောင် အနားသို့ ချည်းကပ်လော့" ဘုရင်ကပြောတယ်။ ဘုရင်ကြီးက တစ်စုံတစ်ယောက်အပေါ် မင်းမူနေရခြင်းကြောင့် မာနထောင်လွှားနေတယ်။
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
မင်းသားလေးက ထိုင်စရာနေရာကို နေရာ အနှံရှာဖွေခဲ့ပေမယ့် ဂြိုလ်တစ်ခုလုံးက ဘုရင်ကြီးရဲ့ ဝတ်ရုံကြီးနဲ့ ဖုံးအုပ်ထားတာကြောင့် မတ်တတ်ပဲ ရပ်နေခဲ့ရတယ်။ သူဟာ ပင်ပန်းနေပြီ ဖြစ်တာကြောင့် သန်းဝေလိုက်တယ်။
"ဘုရင်ရဲ့ ရှေ့မှောက်မှာ အဲ့လိုသမ်းဝေတာဟာ မယဉ်ကျေးတာပဲ"လို့ ဘုရင်ကြီးက သူ့ကို ပြောတယ်။
"သမ်းဝေဖို့အတွက် မင်းကိုငါ တားမြစ်တယ်။"
"ကျွန်တော်လဲ မတက်နိုင်ဘူး၊ ကျွန်တော်ရပ်လို့ မရဘူး" လို့ မင်းသားလေးက အိုးတိုးအမ်းတမ်း ပြန်ပြောတယ်။
ESTÁS LEYENDO
The Little Prince (မြန်မာလို)
ClásicosThe little prince ဆိုတဲ့ ဒီစာအုပ်ကို ပြင်သစ် စာရေးဆရာ Antoine de Saint-Exupéryက ပြင်သစ်ဘာသာနဲ့ ရေးသားခဲ့တယ်။ ကမ္ဘာဂန္တာဝင် စာအုပ်တစ်အုပ်ဖြစ်ပါတယ်။ ကမ္ဘာပေါ်မှာဆို စတုတ္ထအများဆုံး ဘာသာပြန်ခြင်းခံရတဲ့ ဝတ္ထု တစ်ပုဒ်ဖြစ်ပါတယ်။ The little prince ဆိုတဲ့ ဒ...
