اسير الناردين

الفصل الحادى والعشرون

الفصل الحادى والعشرون

تجلس بالمنزل تتحرك بعشوائية فى ارجاء المنزل تقضم اظافرها وقلبها يدق برعب تعد الساعات بخوف بائن يتلاعب فى حدقتيها بينما تجلس والدتها تتابعها باستهجان نظرت لها ثم تحدثت بعد ان فاض بها الكيل قائلة
ممكن تقعدى وتتهمدى فى الارض لان انا دخت من حركتك دى وبعدين انا مش عارفة فية اية مالك؟؟

نظرت لها بعد ان توقفت وقالت والتوتر يتارجح بها كما تتارجح الارجوحة بصاحبها

انا خايفة

ارتفع حاجبى والدتها ذهولا قائلة
خايفة!! خايفة من اية يا اكبر همى ؟؟

نظرت لها بضيق قائلة وهى تكاد تبكى
خايفة يا ماما خايفة، اية مش من حقى بكرة فرحى وهتجوز اة معاكى ان آسر ارق واحن حد فى الدنيا اة معاكى انة شديد على الكل بس معايا انا غير بس خايفة هتنقل من بيتنا لبيت جديد وحياة جديدة هكون مع راجل غريب عنى غير كمان بكرة فرحى خايفة يا ماما خايفة حاسة ان حياتى كلها هتتغير من بكرة

نظرت لها والدتها بحنان ثم ضمتها لاحضانها قائلة
ناردين ياحبيبتى خوفك دة شئ طبيعى بالنسبة لاى بنت بس ماتخليهوش يستحوز على تفكيرك بكرة هتكونى مع آسر ، آسر دة اللى بيحبك حب لو لفيتى العالم كلة مش هتلاقى زية هيشيلك جوة عنية انتى عروسة ولازم تكونى مبسوطة لانك من بكرة هتبقى مع عريسك اللى هياخد بايدك وهيفضل معاكى لاخر العمر.  عمر آسر ماهيئزيكى بالعكس هيخلى بالة منك اوى انتى روحة وهيعيشك فى سعادة عمرك ماعشتيها خوفك دة كل بنت بتحس بية قبل الجواز بس ماتخليهوش يسيطر عليكى وتندمى ان انتى مفرحتيش بحنتك زى كل عروسة دلوقتى عاوزاكى زى اى عروسة جميلة تتحركى معايا علشان تجهزى قبل الحفلة

نظرت لها ناردين قائلة بمزاح بعد ان ذهب جزء كبير من توترها اثر حديث سامية
اهو انا كلة كوم وخوفى من تجهيزك ليا كوم تانى لا ياستى مش عاوزة يا ميما جهزى نفسك انتى الاول

ثم ركضت تضحك فى ارجاء المنزل هاربة من والدتها التى تركض خلفها لاجل تجهيزها لحفلة المساء
__________________________
جالسة تتنهد بضيق من كمية الطاقة السلبية المبعثة من الجهتين وهى تحاول تهدئتهم اثنتان، صديقتيها الاثنتان كلاهما خائفتان وهى يجب عليها تهدئتهم من توترهم ذاك ومن قال لهم انها تزوجت من قبل وتستطيع ادارة شئون المنزل او تعرف شئ تنهدت بتعب ثم وقفت خارجة من الغرفة بل من المنزل باكملة ذاهبة لشراء اشياء الحنة ثم الذهاب لدى ناردين لانة بعد تعب تم الاجماع ان حفلة الرجال ستكون بقصر التهامى بينما حفلة الفتيات ستكون بمنزل ناردين خرجت من غرفتها قائلة بابتسامة وهى تقبل وجنة والدتها وتحتضنها من الخلف

ماما انا هروح اشترى الحاجات للحنة وبعدين اعدى فى بيت ناردين علشان نجهز لحفلة المجنونتين دول عندك مانع ولا اية