اسير الناردين

وعد التايجر

فقال الصديق وقت الضيق وبالانجليزية

A friend in deed is a friend in need
ف انت تعرف اصدقائك فقط وقت الالم هم من يقفو بجوارك وهم من يسندوك هم من يستحقون ان تبقى معهم للابد فان وجدت احد مثلهم تمسك بة
____________________،_،_______،،_،__،___

_اهدى وانا هحل الموضوع اهدى

نظرت له بسخرية وقالت:
_اهدى!! اهدى ازاى فيه واحد بيهددنى بحياتى وانتَ مش فاهم حاجة

ثم دخلت فى حاله هيستريا فبدأت تضربه على صدره هاتفة بصراخ:

_انت ازاى بالبرود ده بقولك حياتى وحياة عيلتى هتتدمر وانت بس ساكت؟ ازاى كدة؟ هو انت ايه حجر؟

يعلم جيدا انها لا تتصارع معه بل مع نفسها ومع ذلك البغيض الذى يسكن مخيلتها الآن ولكن عليه ان يجعلها تفيق من تلك الاوهام لذلك امسك يديها بقبضتيه بقوة وهتف بها قائلا:

_ممكن تتنيلى وتهدى قولتلك هتنيل على عينى واحل الموضوع ف اهدى بقى

نظرت له بشك ف اومأ براسه وقال:
_ايوة هحله اهدى بقى

_ليه؟ليه هتعمل كدة؟؟

نظر لها آسر ليجيبها بهدوء:

_لانى عارف انك مظلومة، ولانك اكيد شايفة لانك فقيرة وملكيش ضهر بيتعمل فيكى كدة، بس مش آسر التهامى اللى يشوف حد تعبان ويدور ضهره عنه بالعكس هقف جنبك وهنهى الموضوع ده

ابتسمت بسخرية وقالت:
_مش هتقدر دة ظابط وليه سلطته وكمان مسنود من ناس تانى زى مابقولك هو شغا

قاطعها هو بسخرية وقال:
_معذورة ماهو انتى متعرفيش مين معاكى، انتى  اللى واقف جنبك اقوى سلطة منه بكتير

ثم قال بفخر يقترب من الغرور:
_انتى بيسندك التايجر

نظرت له بشك ثم قالت:
_انت بجد هتساعدنى وهتقدر تنهى الموضوع ده

لم يكن مايحزنه سؤالها بل مايحزنه نظرة الشك فى عينيها فقال:
_اه هقف جنبك واساعدك، معذورة الظاهر انك ما اتعاملتيش مع رجالة قبل كدة بس لازم تعرفى ان معاكى راجل وهبعده عنك خالص ومش هيقرب منك، وبنفسى هبعده

_ليه هتساعدنى بنفسك؟

سمع السؤال، بالفعل سمعه، يكاد يُقسم انه اخترق شرايينه واوردته التى تمر ف قلبه وجمجمته ولكنه تجاهل السؤال وكأنه لم يسمعه ثم امسك هاتفه وطلب احد الارقام وعندما اتى الرد من الطرف الاخر تكلم بقوته المعهودة وجبروته هاتفا:

_اسمع يا شادى سيب كل اللى ف ايدك وعايزك تجبلى كل المعلومات عن
ثم نظر لها يحثها عن التعريف عنه فقالت

_هانى.. الرائد هانى السنوسى

اوما براسه بجمود ظاهرى ليكمل قائلا:
_ الرائد هانى السنوسى، عايز كل المعلومات عنه من اول ما بيقوم الساعه كام لحد بيدخل الحمام امتى، كل المعلومات يا شادى، فاهم؟ يعنى لعب فوق الترابيزة، تحت الترابيزة، بيشتغل مع مافيا، زفت، قطران، اى حاجة وكل حاجة، فاهم؟