👑 ဘယ်သူကိုယ့်လောက်ချစ်မလဲ 👑
အပိုင်း(၁၈)
ခူတစ်ကောင်တင်ထားသလိုမည်းနက်ထူတန်းနေသည့် မျက်ခုံး၊ဖြောင့်စင်းနေသောနှာတံ၊ကကြီးသဏ္ဍာန်ထင်းနေသည့်နှုတ်ခမ်းထူထူတစ်စုံနှင့် လေးထောင့်ဆန်ဆန်ယောကျ်ားပီသသည့်မျက်နှာကျပုံနှင့်လူကြီးတစ်ဦး။ဝတ်စားထားပုံနှင့် သွင်ဟန်ကကြည့်လိုက်တာနဲ့သာမန်အဆင့်ထဲကမဟုတ်မှန်းသိသာနေသည်။ အထူးခြားဆုံးက ဖောက်ထွင်းစူးရှမတတ်ကြည့်နေသည့်မျက်လုံးတောက်တောက်တွေပင်။တစ်ဖက်သားအပေါ်အမိန့်ပေးနိုင်သောအာဏာမျက်လုံးများထဲမှာ တစ်စုံတစ်ရာတွေပါနေတာကို မြင်နေရ၏။သို့သော် ဘာတွေမှန်းတော့ သေချာမသိပါ။
"အန်ကယ်...ဒါ အန်ကယ်တွေ့ချင်နေတဲ့ အဂ္ဂါဦးသျှောင်.."
ကိုဘုန်းကျော်ခေါင်မိတ်ဆတ်ပေးတော့ ထိုလူကြီးက နှစ်လိုဖွယ်ပြုံး၍ခေါင်းဆတ်ပြ၏။ပြီးတော့ သူ့ရှေ့ကခုံကိုညွှတ်ပြကာ..၊
"ထိုင်ကြပါဦး၊ အေးဆေးစကားပြောကြတာပေါ့"
သူတို့ထိုင်လိုက်မှ ထိုလူကြီးက ကိုယ်ကိုမတ်မတ်ပြင်ထိုင်၍ မျက်နှာကိုထွင်းဖောက်လုမတတ်ကြည့်နေသည်။လက်တောက်နေသောမျက်လုံးများက အနည်းငယ်ရီဝေဝေဖြစ်နေပြီးမှ ပင့်သက်မျှင်းမျှင်းရှိုက်၏။ထို့နောက်..၊
"အန်ကယ်က ဦးသန်းကျော်ဌေးပါ၊ မောင်အဂ္ဂါကို အန်ကယ်သဘောကျတယ်၊ မောင်ရင့်မှာ တဲလ်လန့်ကောင်းကောင်းရှိတာကို အန်ကယ်မြင်နေရတယ်၊ အဲဒါကြောင့် အန်ကယ် မောင်အဂ္ဂါကို အဆိုတော်တစ်ယောက်ဖြစ်အောင် ပံ့ပိုးပေးချင်တယ်၊ဘယ်လိုလဲ..မောင်ရင်အဆိုတော်တစ်ယောက်ဖြစ်ချင်ရဲ့လား"
ဦးသန်းကျော်ဌေးက အေးဆေးတည်ငြိမ်စွာပြောသည်။ နားထောင်နေရသည့် သူ့မှာမှင်သက်မိသလိုဖြစ်နေရကာ..၊
" အဆိုတော်တစ်ယောက်ဖြစ်ဖို့က ကျွန်တော့်အိပ်မက်ပဲ အန်ကယ်"
ဦးသန်းကျော်ဌေးက ခေါင်းဆတ်လျက်..၊
"အိပ်မက်တစ်ခုကနေ လက်တွေ့အကောင်အထည်ဖော်ဖို့ မောင်ရင်ကြိုးစားရမယ်၊ ဒါနဲ့ မောင်ရင့်မှာရေးပြီးသားသီချင်းတွေရှိတယ်လို့ကြားတယ်၊ ဘယ်နှပုဒ်လောက်ရှိသလဲ"
YOU ARE READING
ဘယ်သူကိုယ့်လောက်ချစ်မလဲ
Romanceအလှမ်းကွာလွန်းပြီးမတူညီတဲ့အသိုင်းအဝိုင်းနှစ်ခုကနေမွေးဖွားလာတဲ့သူတို့နှစ်ယောက် တက္ကသိုလ်တစ်ခုတည်းမှာအမှတ်မထင်ဆုံရာက...မာနခပ်ကြီးကြီးကောင်လေးနဲ့ခပ်စွာစွာမာနကြီးကြီးကောင်မလေးတို့အမုန်းတွေကြားကနေဘယ်လိုချစ်သွားမလဲဆိုတာ....(မင်းသားကခပ်ကြမ်းကြမ်းနဲ့အရွဲ့ဆ...
