කබඩි

56

"මිස් ⁣ෆස්ට් ඒඩ් ⁣එක දෙන්නකො..මං මේ ලමයට බෙහෙත් දාන්නං...මේ මැච් එක වෙලාවෙ වෙච්ච ඉන්ජර්ඩ් එකක්නෙ..." සික්රුම් එකේ හිටිය මිස්ට විද් කිව්වම මිස්ගෙ ඇහැ ගියේ dhp බැජ් එකට..

ලා නිල්පාට ගාපු සික්රූම් එක..තදනිල්පාට තිර රෙදි දාලා ඇඳවල් එකට එකක් වෙන්වෙන්න...අර තව ඇඳක් ගාවට ගියත් දෙපැත්තෙ ඇදවල් දෙක පේන්නෙ නැ...තද නිල්පාට තිරරෙදි නිසා.ජනෙල් වල දෙපැත්තට කරලා කිරිසුදුපාට කර්ට්න්ස් තියනව...සපත්තු එලියෙන් ගලවල එන්න ඕනි...සික්රූම් එකඇතුලෙ බෙහත් සුවඳයි...කෙහොමත් ඉස්කොලෙ තියන අර හෙනම සන්සුන් තැනක් තමයි මෙතන...

"හරි ලමයො එහෙනං...බලන්න ඔය වයසට කරගන්න දේවල් !!!!" අවුරුදු පනස්ගානක් විතර වයස මිස් කෙනෙක් නිසා කොන්ඩෙත් ගෙඩියක් ගහගෙන...එයා එහෙම කිව්වම විද්ට හිනාවක් ගිය..ඒ මිස් අම්මෙක් වගේ නිසා...ලා රෝසපාට සාරියක් ඇදන් හිටිය මිස් අන්තිමට කියලා සික්රූම් එකෙන් යන්න ගිහාම ⁣විද්ගෙ මූනෙ මෙච්චර වෙලා අටවගෙන තිබ්බ අර නෝමල් හිනාව අතුරුදන් උනා...

ඉස්කොලෙ ඩිපියුටි කෙනෙක් නිසා අවුලක් උනේ නැ...සික්රූම් එකෙන් මිස් ගිහාම අන්තිමට රූම් එකෙ ඉතුරු උනේ මිහිදුම් විද්වාන් දෙන්නා විතරයි....විද් හුස්මක් පහත දාලා අතට හිරකරගත්තෙ ෆස්ට් ඒඩ් එක...ඇතුලට ආව ගමන් මිහිදුම්ව ඇඳකින් හාන්සි කෙරෙව්වා..ඌව සික්රූම් එකට එක්ක එන්න විද් වැන්දෙ නැති ටික විතරයි..තනි සුදු බෙඩ්ශීට් දාලා ඇඳවල් හයක් තියනව එකපේලියට..කොනේම ඇඳක හයවසරෙ විතර බට්ටෙක් නිදි...කලන්තයක් අල්ලලද කොහෙද ඒ ලමයට..මිහිදුම් හිටියෙ හරියටම ඊට එහාපැත්තෙ  ඇ⁣ඳේ...

"මිහිදුම්..." විද් මේස් පිටිම්ම මිහිදුම්ගෙ ඇඳ ගාවට ගිහින් කතා කරාට මෙලෝ සද්දයක් නැ...මිහිදුවා නලලට උඩින් අතක් තියාගෙන ඇස් දෙක වහගෙන ඉන්නව...විද් ඒපාර නලල උඩ තීන උ⁣ගෙ අත අයින් කරහම මිහිදුම් බලෙන් වගේ විද්ගෙ අතින් අත අතෑරවගෙන ආයම අනික් පැත්ත හැරිල වකුටු උනා..දැන් විද්ට පේන්නෙ මිහිදුම්ගෙ තඩි පිට...

"හැරියන් බලන්න මේ පැත්ත !!!" විද් කියන්නෙ චුට්ටක් පහලට ඇවිල්ල තිබ්බ ඌගෙ යුනිෆෝම් කමිසෙ අත් එකත් වැලමිට ගාවින් උඩට කරල නවාගෙන...අර පිට කොන්දට ඉස්කොලෙ යුනිෆෝම් එක ඇලිලා....කොල්⁣ලගෙ පිට දනවා ඇති...විද් මිහිදුම්ගෙ පිටට පොරගෙ ලොකු අතක් තියලා හිමීට අතගාලා හිතුවෙ එහෙම....