ප්‍රේමය නමින්!

Chapter 21

" අභිමන්ට දැන් වයස කීයද?!"

" ආහ්?"

" වයස ඇහුවෙ?!"

" 19!"

අභිමන් කිනිහිර යන දිහා බලන් හිටියත් ඒ අවදානේ වෙනින් දිහාවකට ගියේ හසරැල් ඒ අවදානේ බින්ද නිසා.හසරැල්ගෙ ප්‍රශ්නෙට උත්තර දීලත් අභිමන්ගෙ ඇස් හෙව්වේ ආයේ ආයේම කිනිහිරව කිව්වොත් ,

" දැන් කෙල්ලෙක් එහෙම ඇති නේද අභිමන්ට!"

හසරැල් ඒ ප්‍රශ්නෙ අභිමන්ගෙන් ඇහුවත් කිනිහිරව හොයන අභිමන්ගෙ ඇස් දෙක මොහොතකටවත් ආයේ හසරැල් දිහාවට හැරුනෙ නෑ..ඉතින් හසරැල් කරේ අභිමන් ඇදන් හිටිය හූඩි එක ඇගිලි තුඩු දෙකකින් ඇද්ද එක.අන්න එතකොටයි අභිමන් ආයේම හසරැල් දිහාවට හැරුනෙ..

" හසරැල් අයියා මොකක්ද ඇහුවේ?!"

" දැන් කෙල්ලෙක් එහෙම ඇති නේද?!"

කෙල්ලෙක් , අභිමන්ට ඒක නිකම් විහිලුවට භාජනය වෙන ප්‍රශ්නයක් වගෙ නැද්ද

" නෑ!"

" Seriously?!..ඔය වයසෙ ලමයෙක්ට එහෙම කෙනෙක් නෑ කියන එක මට නම් පුදුමයි!"

"ඇයි ඒ?!"

" ලංකාවෙ ලමයි ඉතින් අවුරුදු 15න් නේ ඕවා කරන්න පටන් ගන්නේ.එහෙ කියලත් වැඩි වෙනසක් නෑ..!"

" හැමෝම එකම විදිහට ඉන්න ඕනේ නෑනේ අයියේ!..අනික මන් කැමති නෑ!"

" කැමති නෑ කිව්වේ?!"

"ආදරේ කරන්න කැමති නෑ!..තෙරුමක් නැති දේවල්!"

අභිමන් ඒ කියලා දොරෙන් එලිය බලාගත්තම අභිමන්ට ඉස්සරහින් දොරෙ අනිත් පැත්තෙ හිටිය හසරැල් තොල් අතරෙ හිනාවක් රදවන් අභිමන් දිහා බලන් හිටියා.

" ආදරේට තේරුමක් දෙන කෙනෙක් හම්බුනොත්?!"

" මන් එදාටත් ආදරේ කියන දේ විකාරයක් විදිහට දකියි!"

" ඇයි අභිමන් එහෙම හිතන්නෙ?!"

" දන්නෑ..මගෙ හිත එහෙමයි ඒක දකින්නේ.!"

හසරැල් හොද හුස්මක් උඩට අරන් සද්දෙන් පහල දාලා ,

" හොදයි , මන් තව කල් ගිහින් අභිමන්ගෙන් ඔය ප්‍රශ්නෙ අහන්නම්!..එතකොට සමහරවිට අභිමන්ගෙ ඔය උත්තරේ ගොඩක් වෙනස් වෙලා තියෙවී!"