ගමේ ආවට මොකද දැන් නොදැනිම දවස් හතරක් ගෙවිලා ගිහින්.මේ දවස් හතරට වැඩිපුරම කවුරු කාට ලන් උනාද කියන එක ගැන නම් හරිහමන් තේරුමක් මටත් නැති තරම්.
." ආහ්!!! කැරිකුක්කෙක්!!"
" හසරැල් අයියා!! ඔය කැරිකුක්කෙක් නෙවෙයි!!! ඇහැටුල්ලෙක්!!"
නියරක් දිගෙ ඇවිදන් යනින් ගමන් ඉදිය හසරැල් ගොයම් ගස් උඩ ඉදිය කොළ පාට ඇහැටුල්ලෙක් දැකලා කෑ ගහන් පැන්නෙ කිනිහිරගෙ ඇගට වෙද්දි ඉස්සරහෙන්ම ගියපු අභිමන්ට මේකට සද්දෙන් හිනා ගියා..
" කට නම් අක්කරයක් විතර තියෙනවා.ඇහැටුල්ලෙක් ටත් බයයිනෙ උබ!"
" අනේ මේ පල යන්න අහකට!!"
කිනිහිරව තල්ලු කරන් හසරැල් ඇදුමත් පිහදාන් ආඩම්බරෙන් ආයෙම ඉස්සරහ බලා ගත්තම පිටුපස්සරහා ඉදිය කිනිහිර හසරැල්ට ඇද කරෙ දහ අට වංගුවෙ ඉන්න රිලවෙක් වගෙ!.
හවස් වෙලාවට කුඹුරු මැද්දෙන් ගිහින් ටිකක් එහාට වෙන්න තියෙන දොළ පාරට කකුල් දාන් ඉන්න අභිමන් ආසා කලා..දොළ පාරෙ ඉන්න චූටී චූටී මාළුවෝ යටිපතුල් කද්දී කකුල් දෙකට දැනෙන ඒ කිතියට අභිමන් ඔක්කෝටම වඩා ආසා කලා..
ඉතින් එයාගෙ ආසාව නිසා හසරැලුත් ,කිනිහිරත් දෙන්නම හවසට මෙයා පස්සෙන් දොළ පාරට යන්න පුරුදු වෙලා හිටියා..නොයා බෑනේ ඉතින්..
" අභිමන් බලාගෙන!!"
හසරැල් එක පාරම අභිමන්ගෙ කකුල් දෙක වතුර පාරෙන් උස්සලා අයින් කරේ ටිකක් විශ මාළුවෙක් එ පැත්තට ආව නිසා..මිනිස්සුන්ට අනින්න පුලුවන් විදිහෙ කටු දෙකක් උන්ගෙ කට දෙපැත්තෙන් පිහිටලා තිබුනා..
" මොකෙක්ද ඒ ?!"
" මඟුරෙක්!"
" මොකෙක්?!"
" වරෙන්කො ඔලුව අතගාලා තව ටිකක් හොදට කියලා දෙන්න උබට මන්!!"
අභිමන්ට එහා පැත්තෙන් ඉදිය කිනිහිර කතාවට සම්බන්ධ වෙද්දිම හසරැල් අර අක්කරයක් විතර තියෙන කටෙන් ගත්ත ගමන් ඔහොම කියලා දැන්මා..
" අනේ මේ!! වරෙන් මන් උබෙ ඔලුව අතගාන්නම්!"
" ඉදපන්කො මන් උබට වදින්න එතකොට ඔලුව අතගාලා ආශිර්වද කරන්න පුලුවන්නේ!"
YOU ARE READING
ප්රේමය නමින්!
Non-Fiction" මියයාමට කලියෙන් බොහෝ ප්රේමනීය මිනිසුන් පමනක් මුණගැසේවා ප්රේමය නමින්!" Cover Credits: @Zoe_Vantae 💗
