Love, Alice

Chapter 14

Friendship

_______________________________________

Buong laro ko halos hindi maramdaman ang presensiya ng utak. Nakatingin sa mga nangyayari pero hindi iyon ang pinoproseso ng utak ko.

The volleyball girls won. Kung hindi 'ata tumili ng malakas si Kat hindi ko mararamdamang tapos na ang laro. Tumayo ang lahat para dumugin ang mga players at halos maluha-luha naman si Sir Vir dahil sa pagkapanalo ng mga participants para sa laro.

"Cassssss! Proud ako sayo!"

"Congrats, Cas!"

"Congratulations, Zey."

Tatlo kami nila Kat, ako, at si Pres ang lumapit kay Cazey.

"Thanks guys!" ngiti niya.

Lumapit kami ni Kat sa kanya para yumakap.

"Picture ko kayo." alok ni Pres at nilabas ang cellphone para sa aming tatlo.

He counted and we made a hugging pose for Cas.

"Sama ka, e selfie mo." sabi ni Cas para makasama si Enzo.

"Anim nalang tayo, asan na ba sila?" sabi ni Kat.

Nilibot ko ang tingin para hanapin kung nasaan sila. I turned to where I last saw Ren with some other players. Hindi kami parehas ng upuan kanina though nasa ikatlong linya kami ng bleachers. Sumama sila ng upo sa mga teachers habang pinapanood ang laro.

"Ren." tinawag siya ni Enzo.

I saw him behind Spencer who's now with her girlfriend, kasali rin kasi 'eto sa volleyball girls. Lumingon siya sa banda namin ng marinig ang tawag ni Enzo. Our eyes instantly met. Tinapik niya ang balikat ni Spencer, I saw him politely excuse himself to some girl. Hindi ito nakauniporme at nakatayo malapit doon sa girlfriend ni Spence.

Kumunot ang noo ko. Nakita kong bumaling sa kanya si Spencer at nag-usap sila sandali bago siya tumakbo papunta sa banda namin.

"Picture tayo, sa'n si Spence?" Enzo took a peek to where Spence is.

"Magpicture raw muna sila e. Congrats, Cas. Ang galing niyo." bati niya kay Cazey.

Ngumiti si Cas sa kanya at nagpasalamat.

"Si Pau? Ano 'yan, sila na?" tanong ni Enzo.

Oh, they don't know? Sabagay, only Cas and I knew about that night.

Patay malisya akong sumulyap kay Cas, pero aksidenteng nagtama ang tingin namin at kalaunan ay umiwas siya ng tingin.

I saw Ren looked at us "Baka....nililigawan." aniya.

Kat gasped. "Mukhang maswerte ang magkapatid na Asuncion a." Kat chuckled and wiggled her brows at me.

Maliit na tumawa si Cazey. "Parehas in-love." dugtong niya.

Umiling nalang ako.

"Tss. Kahit kailan talaga ang mokong." Pres murmured.

Sa huli nag pa-picture nalang kaming lima roon sa mga kaklase namin.

Dumikit ako kay Cas at hinila si Kat sa tabi ko. Taka niya akong tiningnan pero ngumiti na ako sa camera para wala na siyang magawa. My mind was in haywire a while ago. Parehong hindi makapaniwala kung gaano ko kabilis kinain ang mga sinabi isang interaksiyon lang sa pagitan namin. I mean, really Adelei?

Nasa gitna si Cas at pumwesto ako sa kaliwa niya kasama si Kat na hila-hila ko. Enzo was on the right side of Cas kaya kailangan lumipat doon ni Ren sa tabi niya para pantay. Dumaan siya sa harap namin dahilan para makita ko ang maliit na ngiti sa labi niya habang naglalakad patabi kay Enzo. O baka naman guni-guni ko lang? Nawala rin kasi agad noong kumurap ako.