-Unicode-
ဆောင်းဦးမရောက်ခင် ဆက်ကြားကာလမှာ
မြို့တော်တစ်ခုလုံးကို အလှပဆုံးအပြင်အဆင်တွေနဲ့ ကြီးကြီးကျယ်ကျယ်ကိုကျင်းပကြတဲ့ ဆောင်းဦးပွဲတော်သည် ဟေရိုလာကင်မ်ပြည်ရဲ့ ယဥ်ကျေးမှုတစ်ခုလိုဖြစ်နေသည်။
တစ်ပတ်တိတိကျင်းပကြတဲ့အနက် နောက်ဆုံးရက်သည်အခမ်းနားဆုံးဖြစ်ရာ အရှင်က နောက်ဆုံးရက်ကိုသေချာရွေး၍ သမားတော်လေးကို နန်းပြင်ခေါ်ထုတ်ရန်ကြံခဲ့ပါသည်။
ညီလာခံက နည်းနည်းနောက်ကျမှပြီးတာကြောင့် ဧကရာဇ်ခဗျာ နဂါးဝတ်ရုံရှည်ကြီးတလွှားလွှားဖြင့် အိန္ဒြေမထိန်းနိုင်စွာပင် နန်းဆောင်ထဲကိုအပြေးတစ်ပိုင်း..။
စိတ်လှုပ်ရှားမှုတွေနဲ့ ခြေလက်တွေအေးစက်နေကာ ရင်ဖိုမှုတွေကလည်း အတိုင်းအဆမဲ့အောင်ဘဲ။
ပထမဆုံး..ချစ်ခြင်းမေတ္တာတရားအတွက် ခံစားချက်တွေပြီးပြည့်စုံစေမဲ့ ပထမဆုံးချိန်းတွေ့မှုလေးမဟုတ်လား..
တိုင်းပြည်ဧကရာဇ်မကလို့ မိစ္ဆာဘုရင်ဖြစ်နေရင်တောင် စိတ်နဲ့နှလုံးသားသည်တော့ အတိုင်းအဆမရှိလှုပ်ရှားနေဦးမှာဘဲ။
နန်းဆောင်ထဲရောက်လာပြီး
အိပ်ဆောင်သွားတဲ့လမ်းတွေဆီ ခြေတွေအလျင်အမြန်ဦးတည်နေသည်။
အိပ်ဆောင်အရှေ့က အရိပ်ကလေးကိုလှမ်းတွေ့ရတဲ့အခါ အရှင့်မျက်နှာခပ်ရေးရေးအပြုံးတွေ အလိုအလျောက်ဖြစ်တည်နေပြီးသား။
ဂျွန်ဂျောင်ဂုဆိုတာ ကင်မ်ထယ်ယောင်းအပြုံးတွေဖြစ်တည်ရာ ဘုံဗိမ္မာန်လေး။ လူ့ဘုံ မိစ္ဆာဘုံ နတ်ဘုံတွေထက်
ပိုပြီးလိုချင်စရာကောင်းတဲ့ ဌာနလေးသည်ဂျွန်...။
"အရှင်.."
ဖြူလွှလွှပုံရိပ်ကလေးက
အလှဆုံးတွေပြုံးပြီး ဆီးကြိုလာသည်။ အိမ်ဆိုသောအငွေ့အသက်လေး..ကိုယ့်ကိုစောင့်နေသူရှိပါလားဆိုတဲ့ အနွေးလှိုင်းသည် ရင်အစုံကိုသိမ့်ကနဲလှိုက်မောသွားစေသည်။
"ဒီနေ့နောက်ကျလိုက်တာ..နန်းပြင်ထွက်မယ်ပြောပြီး စောစောပြန်လာမှပေါ့"
စောင့်ရတာမကြိုက်သောသူသည် နှုတ်ခမ်းလေးစူ၍နေပြီ။
"အခုသွားကြမလား အရှင်.."
YOU ARE READING
နာမ် / Complete /
Fanfictionသွေးမိစ္ဆာတစ်ယောက်၏စွဲလမ်းခြင်း~ I don't own this cover photo, so I crd the original owner! #Taekook
