Uni
အပိုင်း ၁၆
"ကြိုး ကြိုး မင်းတံခါးဖွင့်စမ်း"
ရေချိုးခန်း တံခါးကို အတင်းထုရိုက်ကာ ဇိုင်း ခေါ်နေမိလေသည်။ သူမ ရေချိုးခန်းထဲ ဝင်သွားသည့်မှာ ၃ နာရီလောက်ကြာသည့် အထိ ပြန်ထွက်မလာသေးပေ။
"ဟာ ကျစ်"
သူ့ မနေနိုင်တော့သဖြင့် သော့အပိုယူကာ တံခါးဖွင့်ပြီး ဝင်လာခဲ့သည့် အခါ
"ဟင်"
"ကြိုး ကြိုး တွယ်နှောင်ကြိုး"
ရေပန်းအောက်မှာ အဝတ်အစားအပြည့်အစုံဖြင့် သတိလစ်မေ့မျော့နေသောကြိုး။ သူ ကြိုးကို အတင်းလှုတ်နှိုးသော်လည်း သူမ သတိလည်မလာခဲ့ပေ။
"ဟာ"
ဇိုင်း ရင်တစ်ခုလုံး ပူလောင်လာကာ သူမ ခန္ဓာကိုယ်သေးသေးလေးကို ပွေ့ချီပြီး အပြင်ထွက်လာခဲ့လိုက်သည်။ အပြင်ရောက်တော့ သူမ ခန္ဓာကိုယ်လေးကို အသာချပေးလိုက်ပြီး အဝတ်အစားတွေကို ခပ်သွက်သွက်ပင် လဲပေးလိုက်လေသည်။
"ကြိုး ကြိုး"
အတင်းလှုတ်ခေါ်သော်လည်း သတိမလည်လာသော သူမကြောင့် မိသားစု ဆရာဝန်ကို ဖုန်းဆက်ခေါ်လိုက်ရသည်။
"သိပ်တော့ စိုးရိပ်စရာမရှိပါဘူး၊ အားနည်းပြီး ဖြစ်တာ၊ ကျွန်တော် ဆေးထိုးထားပေးတယ် သတိရလာလိမ့်မယ်"
"ဟုတ်ကဲ့ပါ ဒေါက်တာ"
ဒေါက်တာပြန်သွားမှသာ သူပင့်သက်ရှိုက်ကာ သူမ မျက်နှာလေးကို ငေးကြည့်နေမိလေသည်။ ဒီကလေး နေမကောင်းနေသည့်ကို ဘာလို့ သူ့ကို မပြောပါလိမ့်။
💜💜💜
နေရောင်ခြည် စူးစူးကြောင့် သူမ မျက်ဝန်းတွေ ပွင့်လာရလေသည်။
"ဟင်"
သူမ ခန္ဓာကိုယ် သေးသေးလေးက ဇိုင်းကမ္ဘာရဲ့ ရင်ခွင်အောက်မှာ နစ်မြုပ်နေခဲ့သည်ကြောင့် မျက်ခုံးတွေ တွန့်ကြုတ်သွားရလေသည်။
"တောက် ဒီလူ"
ပိုင်းစိုးပိုင်နက် ဖက်အိပ်နေသော ဇိုင်းကို တွေ့ရတော့ သူမ ဒေါသလေးဖြစ်ကာ သူ့လက်မောင်းကို ဖိကိုက်လိုက်မိသည်။
YOU ARE READING
မြတ်နိုးခွင့်
Romanceချစ်ရသူသေဆုံးမှုကြောင့် ချစ်ရသူအား သေဆုံးစေခဲ့သည့် ချစ်ရသူရဲ့ တူမကို လက်ထပ်ယူပြီး လက်စားချေခဲ့သော ဇိုင်းကမ္ဘာ
