Uni
💙မြတ်နိုးခွင့်💙
💙အပိုင်း ၂၅(ဇာတ်သိမ်း)💙
မိသားစုဆိုသော နွေးထွေးမှုက အိမ်ထောင်ရှင်မ တစ်ဦးကြောင့် အသက်ဝင်သည့်ဆိုလျှင် ပို၍ မှန်ပေလိမ့်မည်။ တွယ်နှောင်ကြိုး ဆိုသော အိမ်ရှင်မ အမျိုးသမီး တစ်ဦးသည် အရာရာကို စေ့စပ်လွန်းသူ ဖြစ်လေသည်။
"ဦး မြည်းကြည့်စမ်းပါဦး၊ ဟင်းရည်သောက်လေး အရသာ ဘယ်လိုနေလဲ၊ ဘာလိုသေးလဲဟင်"
သားတွေ သမီးတွေ အိမ်ပြန်လာကြမည် ဆိုသည့်အခါ ဒေါ်တွယ်နှောင်ကြိုးတို့ ထမင်း ဟင်းကို သူမကိုယ်တိုင် စိတ်တိုင်းကျ ချက်ပြုတ်နေလေသည်။
"သမီးလေးကလေ ဆလပ်ရွက် အစာသွပ်လေးကြိုက်တယ် ဦးရဲ့၊ ဟို ပန်းကန်ထဲက ကြက်သားတွေကိုလေ သေးသေးလေးတွေ တုံးပေးပါဦး"
လင်မယား နှစ်ယောက်ထဲ အိမ်အကူ မခေါ်လေဘဲ လွှတ်လွှတ်လပ်လပ်နေသည့် အိမ်လေးမို့ ချက်ရေးပြုတ်ရာမှာ ဇိုင်း အမြဲကူလုပ်ပေးနေကျ ဖြစ်သည်။
ချစ်ဇနီး၏ စေခိုင်းမှုကို တစ်ချက် မငြီးမငြူလေဘဲ ကြက်သားတွေကို စဥ်းတီးတုံးပေါ်တင်ကာ သေးသေးလေးတွေ ဖြစ်အောင် နုတ်နုတ်စင်းလိုက်လေသည်။
"ပြီးပြီ မိန်းမ"
"ခါကြက်ဥ နဲ့ ကြက်သွန်နီလေး လှီးပါဦး"
အရှေ့ကလည်း လက်နှင့် အလုပ်မပြတ်လေအောင် လုပ်သလို သူ့ကိုလည်း တစ်မျိုးပြီး တစ်မျိုး စေခိုင်းနေသူက သူ မြတ်နိုးရပါသော ချစ်ဇနီးဖြစ်သည်။
ကြက်သွန်နီ၏ မွှန်လေသောအခါ မျက်ရည်တို့က အမေ မရိုက်လေဘဲ ဇိုင်း ပါးပြင်ပေါ် ကျနေရလေသည်။
ကြိုး ငါးဖယ်ကြော်လေး ကြော်ပြီး နောက်ကိုလှည့်ကြည့်တော့ ကြက်သွန်လှီးရင်း တရှုံ့ရှုံ့မျက်ရည်တွေ ကျနေသော ဦးကို တွေ့လိုက်ရလေသည်။
"အာ ဦးကလည်း ကလေးလား၊ မျက်ရည်တွေ ကျနေလို့ အဟွန့်"
အရယ်အပြုံးနှင့် သူ့ကို ကျီစားနေသော ချစ်ဇနီးကို ကြည့်ပြီး ဇိုင်း မျက်ရည်တွေကြားမှ ပြုံးလိုက်မိလေသည်။
YOU ARE READING
မြတ်နိုးခွင့်
Romanceချစ်ရသူသေဆုံးမှုကြောင့် ချစ်ရသူအား သေဆုံးစေခဲ့သည့် ချစ်ရသူရဲ့ တူမကို လက်ထပ်ယူပြီး လက်စားချေခဲ့သော ဇိုင်းကမ္ဘာ
