Uni
💜မြတ်နိုးခွင့်💜
💜အပိုင်း ၁၇💜
ကြိုး အိမ်ကိုပြန်ရောက်စဥ် ကြားလိုက်ရသော စကားတို့က ကြိုး ကိုယ့်နားပင်ကိုယ် မယုံနိုင်ဖြစ်သွားရသည်။
"ဘာတွေလဲ ဘာတွေပြောနေကြတာလဲ"
ကြိုး နားမလည်သလို မေမေနှင့် တီလေးကိုကြည့်ရင်း မေးလိုက်ရာ ဒေါ်မြတ်ထားညိုတစ်ယောက် သမီး ဖြစ်သူအနားကို ရောက်သွားကာ ပွေ့ဖက်လိုက်မိသည်။
"ကြိုးလေး ၊ မေမေကြိုးလေး၊ မေမေရှင်းပြပါမယ် သမီးရယ်"
နှင်းဆီ အိမ်ထဲဝင်လာသော ကြိုး နှင့် ဇိုင်းအား တစ်ချက်လှမ်းကြည့်ပြီး ဘာဆက်ပြောရမည်မှန်း မသိဖြစ်ခဲ့ရသည်။နှင်းဆီ ရင်ထဲ ကြေကွဲခြင်းတွေကလွှဲပြီး ဘာစကားတစ်ခွန်းမှ မပြောနိုင်လောက်အောင် အရာရာအားလုံး ပဥ္စလက်ဆန်စွာ နားလည်ရခက်ခဲ ခဲ့ရလေသည်။
သမီးတဲ့။
ဘယ်လိုအင်အားမျိုးနှင့် သမီးလို ကြိုးလေးကို နှင်းဆီခေါ်ရမှာလဲ။
ကြိုး အံ့သြသော မျက်ဝန်းဝိုင်းလေးများဖြင့် မိခင်အား မေးနေမိလေသည်။ မထင်မှတ်ထားသည့် အခြေအနေမို့ ဇိုင်းသည်လည်း အံ့သြခဲ့ရလေသည့် အနေအထားဖြစ်နေသည်။
"မေမေရှင်းပြပါမယ် သမီးရယ်၊ အဖြစ်အပျက်တွေက ဒီလိုပါ"
ကာလတစ်ခုဆီသို့ အစချည်ကာ ကျန်ခဲ့သည့် အတိတ်တွေဆီသို့ ဒေါ်မြတ်ထားညို တကျော့ပြန်လည်ခဲ့ရလေသည်။
💜💜💜
"မာမီ သူက ဘယ်သူလဲ"
ဒယ်ဒီဘေးက တောကျကျ ဝတ်စားဆင်ယင်မှုနှင့် မိန်းကလေးကို နှင်းဆီ စိတ်အလိုမကျစွာ မေးလိုက်မိလေသည်။ မာမီကတော့ မျက်စိမျက်နှာ ပျက်စွာဖြင့်
"အမလေး ညည်း ဒယ်ဒီရဲ့ ပထမအိမ်ထောင်နဲ့ ရတဲ့ သမီးလေ"
"ဟင်"
နှင်းဆီ မာမီထံမှ ကြားလိုက်ရသော စကားကြောင့် ရင်ထဲမှာ စပ်ဖျင်းနာကျင်သွားရလေသည်။
"ဒယ်ဒီ"
နှင်းဆီ အသားတွေ တဆတ်ဆတ်တုန်ကာ ဒယ်ဒီကို အော်မိလိုက်လေသည်။
YOU ARE READING
မြတ်နိုးခွင့်
Romanceချစ်ရသူသေဆုံးမှုကြောင့် ချစ်ရသူအား သေဆုံးစေခဲ့သည့် ချစ်ရသူရဲ့ တူမကို လက်ထပ်ယူပြီး လက်စားချေခဲ့သော ဇိုင်းကမ္ဘာ
