Uni
💜မြတ်နိုးခွင့်💜
💜အပိုင်း ၁၉"
မင်္ဂလာဆွမ်းကျွေးလေးသာ ပြုလုပ်ခဲ့ပြီး ကောင်းသာ နှင့် မြတ်ထားတို့ အကြင်လင်မယား အရာရောက်ခဲ့ရလေသည်။ ဝါးထရံကာထားသည့် အိမ်လေးထဲမှာတော့ လက်ထပ်ထားသည့် သူစိမ်းနှစ်ယောက်။
"မင်းကို ကိုယ့်ပြောစရာရှိတယ်"
"ဟုတ်ကဲ့ ပြောပါ အစ်ကို"
ကောင်းသာတစ်ယောက် သူ့ရဲ့ အသစ်ဆက်ဆက် သတို့သမီးလေးကို ကြည့်ပြီး သက်မနွေးနွေးကို ရှိုက်လိုက်မိသည်။
"ကိုယ့်အနေနဲ့ မင်း အပေါ်မှာ သံယောဇဉ်တွယ်ပြီး ချစ်မြတ်နိုးလာဖို့တော့ မမျှော်လင့်နဲ့ကွာ၊ ကိုယ့် မင်းကို ညီမလေး တစ်ယောက်အနေနဲ့ စောင့်ရှောက်ပေးနိုင်ပါတယ်၊ ဒါပေမယ့် ဇနီးမယားတစ်ယောက်အနေနဲ့တော့ ကိုယ့် မင်းကို လက်မခံနိုင်သေးဘူး မြတ်ထားရယ်"
တောင်းပန်တိုးလျှစွာ ပြောလာသော အစ်ကို စကားကြောင့် မြတ်ထားမျက်လွှာလေးကို ချရင်း
"ဟုတ်ကဲ့ပါ အစ်ကို၊ မဖြစ်မနေလက်ထပ်ခဲ့ရတဲ့ လူနှစ်ယောက်မို့ အခြားအခြေအနေတွေကို မြတ်ထားမမျှော်လင့်ထားပါဘူး အစ်ကို၊ မြတ်ထား အစ်ကို့ကို နားလည်ပါတယ်"
"ကိုယ့်ကို နားလည်ပေးလို့ ကျေးဇူးတင်ပါတယ် မြတ်ထားရယ်"
မြတ်ထား ကြိုတင်တွက်ဆထားပြီးသား အရာမို့ ဒီအကြောင်းအရာက မြတ်ထားအတွက်တော့ အဆန်းမဟုတ်တော့ပေ။
ချစ်ခြင်း မုန်းခြင်း အလျှင်မရှိတဲ့ အိမ်ထောင်သည် ဘဝကို မြတ်ထားကျေကျေနပ်နပ်လက်ခံဖို့သာ ရှိနေလေတော့သည်။
💜💜💜
"မာမီ နှင်းဆီ ဒီကနေ သွားမှ ဖြစ်မှာလား"
ငိုမဲ့မဲ့ မျက်နှာလေးဖြင့် မေးလာသော သမီးကြောင့် ဒေါ်ထိပ်တင်မေ သမီးကို ရင်ခွင်ထဲ ပွေ့ဖက်ထားလိုက်ပြီး
"သမီးကို မိုက်တယ်လို့လဲ အခုအချိန်မှာ မာမီ မပြောချင်တော့ပါဘူးကွယ်၊ မာမီတို့ရဲ့ မျိုးရိုး ဂုဏ်သိက္ခာကြောင့် ဒီကလေးကို အခြားနေရာမှာ သမီးသွားမွေးမှဖြစ်မယ် သမီးလေးရယ်"
YOU ARE READING
မြတ်နိုးခွင့်
Romansaချစ်ရသူသေဆုံးမှုကြောင့် ချစ်ရသူအား သေဆုံးစေခဲ့သည့် ချစ်ရသူရဲ့ တူမကို လက်ထပ်ယူပြီး လက်စားချေခဲ့သော ဇိုင်းကမ္ဘာ
