Uni
💜မြတ်နိုးခွင့်💜
💜အပိုင်း ၁၅💜
"နှင်းဆီ နင် အဆင်ပြေပြီလား"
"အင်း"
သူမ အသံတွေက ဖျော့တော့နေလေသည်။ သူမပုံစံက အသက်မပါသည့် လူတစ်ယောက်ပမာ စိတ်နှင့်လူ ကပ်မနေပေ။ သူမ ဘဝတစ်ခုလုံး ဘာတစ်ခုမှ အဓိပ္ပါယ်မရှိတော့သလို နာကျင်ခံစားရခက်နေလေသည်။
သားသမီးကို နှစ်ကြိမ်နှစ်ခါ ဆုံးရှုံးလိုက်ရသော သူမ အတွက် နာကျင်မှုတွေက ခံစားရခက်စေခဲ့လေသည်။ ဘဝမှာ အရှုံးတွေနှင့်သာ ရင်ဆိုင်ခဲ့ရသော သူမက ဇိုင်းကိုလည်း ဒုတိယ အကြိမ်ဆုံးရှုံးခဲ့ရလေပြီ။ သမီးကိုလည်း ဆုံးရှုံးခဲ့ရသည်။ သားကိုလည်း ဆုံးရှုံးခဲ့ရသည်။ သူမ ဘဝက အခုတော့ နွေကန္တရလို ပူလောင်ခြင်း အပြည့်ဖြစ်နေရပြီဖြစ်သည်။
"ငါ ငါ ပြန်တော့မယ် စိမ်း၊ ဟိုမှာ အခြေချမယ်၊ ဟိုမှာပဲ တစ်သက်လုံးနေတော့မယ်"
"ဟင်"
စိမ်း စိတ်ထောင်းကိုယ်ကျေနေသော နှင်းဆီကို ကြည့်ကာ သက်ပြင်းကို ချလိုက်ပြီး
"နင် တကယ်ပြန်မလာတော့ဘူးလား"
"အင်း"
"သေချာစဥ်းစားပါဦး နှင်းဆီရယ်"
သူမ လက်ကလေးကို ဆုပ်ကိုင်ရင်း ပြောလာသောသူငယ်ချင်းကို မျက်ရည်အဝိုင်းသားဖြင့် နှင်းဆီပြန်ကြည့်လိုက်ပြီး
"ငါ ဆုံးဖြတ်ပြီးပြီ စိမ်း၊ ဒါပေမဲ့လေ ငါ့ မသွားခင် မမမြတ်ထားညိုကို တွေ့ချင်တယ်၊ ငါ ငါလေ ငါမှားခဲ့တာတွေ အတွက် တောင်းပန်ချင်တယ်ဟာ"
စိမ်း သူငယ်ချင်းဖြစ်သူကို သနားကရုဏာ သက်စွာကြည့်လိုက်ပြီး
"အင်း နင် သွားချင်ရင် ငါ လိုက်ပို့ပါမယ်"
"ကျေးဇူးပါ သူငယ်ချင်းရယ်၊ နင်ကသာ ငါ့ အတွက်အကောင်းဆုံး သူငယ်ချင်းပါဟာ"
တကယ်ပါ။ ဘယ်သူမှ သူမ အနားမရှိတော့ဘူး ဟု ထင်သည့် အချိန်တွင် စိမ်းသာ သူမ အနားတွင် ရှိနေပေးခဲ့သည်။ စိမ်းသည် သူမ အတွက် အကောင်းဆုံးသူငယ်ချင်းဖြစ်ခဲ့သည်။ အရာရာဆုံးရှုံးသွားသည့် အချိန်တွင် စိမ်းတစ်ယောက်သာ သူမ အနားတွင် ရှိပေးခဲ့သည့် အကောင်းဆုံး အချစ်ဆုံးသူငယ်ချင်းဖြစ်သည် ။
💜💜💜
YOU ARE READING
မြတ်နိုးခွင့်
Romanceချစ်ရသူသေဆုံးမှုကြောင့် ချစ်ရသူအား သေဆုံးစေခဲ့သည့် ချစ်ရသူရဲ့ တူမကို လက်ထပ်ယူပြီး လက်စားချေခဲ့သော ဇိုင်းကမ္ဘာ
