Uni
💜မြတ်နိုးခွင့်💜
💜အပိုင်း ၂၃💜
အရာရာအားလုံး အဆင်ပြေသွားသည့်အချိန်တွင် နေ့ရက်တိုင်းက အချစ်တွေနှင့် လှပနေလေသည်။ ချစ်ရပါသော သားနှင့် သမီး နှင့်အတူ ချစ်ရပါသော ဇနီးလေးက ဇိုင်းကမ္ဘာဆိုသော လူတစ်ယောက်ရဲ့ ချစ်မြတ်နိုးရပါသော အသည်းအသက် ဖြစ်ခဲ့ရလေသည်။
"မမလေးကြိုး"
အိမ်ထဲသို့ အပြေးတစ်ပိုင်းဝင်လာသူက ဟန်သစ်ဖြစ်သည်။ သူက သူမရှိရာ မီးဖိုအထိ ရောက်လာခဲ့လေသည်။
ကြိုး ဟင်းချက်နေရာမှ ဟန်သစ်ကို တွေ့လိုက်ရ၍ မယ်ဥ ကို ဟင်းချက်စရာများ လက်လွှဲခဲ့ပြီး ဧည့်ခန်းသို့ ထွက်ခဲ့လိုက်သည်။
"မောလိုက်တာ ကိုဟန်သစ်ရယ်၊ ဘာဖြစ်လာတာလဲဟင်"
"အဟီး"
"ဟင်"
သွားဖြီးရယ်ပြနေသော ဟန်သစ်ကို ကြိုး မျက်ခုံးပင့် ကြည့်လိုက်တော့
"ဆရာက ဒီနေ့ညနေ ဆရာ့မိတ်ဆွေ မွေးနေ့ပါတီရှိတယ်တဲ့၊ အဲ့ဒါ မမလေးလည်း လိုက်ခဲ့ရမယ်တဲ့၊ မမလေးက လှလှလေး ပြင်ထားပါ၊ ဆရာ့ လာခေါ်မယ်တဲ့၊ သြော် ပါတီပွဲအတွက် ဆရာ့ကိုယ်တိုင် စက်ဆိုင်အပ်ပြီးဝတ်စုံချုပ်ထားတာလဲ ပေးလိုက်တယ်"
ဟန်သစ်လက်ထဲက ဝတ်စုံထည့်ထားသော အိတ်ကလေးကို ကြိုး လှမ်းယူလိုက်ပြီး ဦးရဲ့ စေ့စပ်သေချာမှုအတွက် ပြုံးမိလိုက်လေသည်။ ဦးရဲ့ အမုန်းတွေ ပြယ်ပြီးချိန်မှ စ၍ ဦးရဲ့ အချစ်တွေက သားနှင့်သမီး အတွက်အပြင် သူမ အတွက် အရာရာဖြစ်ခဲ့လေသည်။
မေတ္တာဆိုတာ ရောင်ပြန်ဟပ်ရိုး မှန်၍ ဦးအချစ်တွေ ပြန်လည်ရရှိခဲ့သည့် သူမ အတွက် အခုလက်ရှိရော နောင်ရော ချစ်ရသူက ဦးတစ်ယောက်တည်းသာဖြစ်သည်။
💜💜💜
အပြာနုရောင့် ရင်ပြတ်ဂါဝန်လေးနှင့် အလှကြီး လှနေသူက ကျွန်တော်ချစ်ရပါသော ချစ်ဇနီးလေး တွယ်နှောင်ကြိုး ဖြစ်သည်။ တစ်ယောက်နှင့် တစ်ယောက် လက်မောင်းချိတ်ပြီး ပွဲတက်လာသည့် ဇနီးမောင်နှံကို ပါးစပ်အဟောင်းသားဖြင့် ငေးကြည့်နေကြသည့် လူများရှိနေလေသည်။ လိုက်ဖက်လွန်းလှသည့် ဇနီးမောင်နှံ။ ဇိုင်းကမ္ဘာဆိုသော သူက ဇနီးသည်ထက် ၁၀ နှစ်မျှ အသက်ကြီးသော်လည်း ၁၀နှစ်မျှ အသက်ကြီးသည့်ဟု ထင်ရက်စရာ မရှိအောင် နုပျိုနေသူဖြစ်သည်။ တွယ်နှောင်ကြိုးကရော။ ပျိုမြစ်နုနယ်လွန်းသည့် အမျိုးသမီး။ ကလေးနှစ်ယောက်အမေဟုပင် ထင်ရက်စရာပင် မရှိပေ။ ပွဲအတွင်းရှိ ပုရိသ ယောကျာ်းတို့၏ အကြည့်သည် သူမလေးဆီမှာသာ ရှိနေကြလေသည်။
YOU ARE READING
မြတ်နိုးခွင့်
Romanceချစ်ရသူသေဆုံးမှုကြောင့် ချစ်ရသူအား သေဆုံးစေခဲ့သည့် ချစ်ရသူရဲ့ တူမကို လက်ထပ်ယူပြီး လက်စားချေခဲ့သော ဇိုင်းကမ္ဘာ
