Uni
💜မြတ်နိုးခွင့်💜
💜အပိုင်း ၂၂💜
အရာရာအားလုံးကို စွန့်လွှတ်သွားသူတစ်ယောက်။ လောဘ မောဟတွေနှင့် ပူလောင်ခြင်း များစွာကို စွန့်လွှတ်ကာ သူမ ဘဝ အတွက် အေးငြိမ်ရာကို ရှာသွားသော နှင်းဆီ ခေါ် ဆရာလေးဝီမလမာလာကို ကြည့်ပြီး စိမ်းပြုံးလိုက်မိလေသည်။ သားသမီးကို ရင်ဝယ်ပိုက် မြတ်နိုးခွင့် မရှိခဲ့သော မိခင်တစ်ယောက်သည် မိမိကိုယ်တိုင် မိမိရင်သွေးကို မချစ်ခင်သောကြောင့် မဟုတ်ဘဲ ကံကြမ္မာရဲ့ မှားယွင်းကာ စီရင်ချက်ချခဲ့သော အပြစ်တွေကြောင့်ဖြစ်သည်။
လောကအလယ်မှာ နှင်းဆီ ကြုံတွေ့ခဲ့ရတဲ့ သောကများသည် ဒီကနေ့တော့ တစ်ခန်းရပ်ခဲ့လေပြီ။ အပူသောကများ ကင်းဝေးရာနယ်မြေမှာ သူမ ဘဝ ချမ်းသာခြင်း အတိကို ခံစားရမည်မှာ မလွှဲဧကန်ဖြစ်နေမည်ကို စိမ်း စိတ်က သိနေလေသည်။
"တပည့်တော် ပြန်တော့မယ်ဘုရား"
"သွားလမ်းသာ၍ လာလမ်းဖြောင့်ပါစေ ဒကာမလေး"
သီလရှင်ဆရာလေး တဖြစ်လဲ ဒေါ်နှင်းဆီသည် တစ်ချိန်က ညီအစ်မလိုပါ ချစ်ခင်ရသော စိမ်းလဲ့ကို လိုရာဆုပေးရင်း စင်္ကြန်လမ်းအတိုင်းပြန်ရောက်သွားလေသည်။ ဆရာလေးဝီမလမာလာသည် တည်ငြိမ်သော ရုပ်သွင်ပြင်ဖြင့် တရားဘာဝနာကိုသာ ပွားများအားထုတ်ရင်း စိမ်းကို ကျောခိုင်းသွားသည့်ကို စိမ်း မျက်စိတဆုံးကြည့်နေမိသည်။
စိမ်း မျက်ဝန်းအကြည့်တွေ အေးချမ်းသွားလေပြီ ဖြစ်သော ဆရာလေးထံမှ အပြုံးများဖြင့် ဖယ်ခွာကာ သီလရှင်ဆရာလေးတို့ သီတင်းသုံးရာ ကျောင်းမှ ပြန်ထွက်လာခဲ့လိုက်သည်။ သူမ နှင်းဆီ ကို စိတ်ချသွားလေပြီမို့ တစ်ခုတည်းသော လုပ်စရာ ကျန်သည့်က သမီးလေး နှောင်ကြိုးအတွက် နှင်းဆီ လွှဲပေးခဲ့သော ပိုင်ဆိုင်မှု အမွေစာချုပ်အားအပြီးတိုင်လွှဲပြောင်းပေးရန် ကျန်ရှိနေသေးသည် ဖြစ်သည်။
💜💜💜
"ကြိုး လက်မခံပါရစေနဲ့ အန်တီစိမ်း၊ အမှန်တော့ ကြိုးတို့က အစကတည်းက စိမ်းသက်နေကြပြီးသားပါ"
YOU ARE READING
မြတ်နိုးခွင့်
Romanceချစ်ရသူသေဆုံးမှုကြောင့် ချစ်ရသူအား သေဆုံးစေခဲ့သည့် ချစ်ရသူရဲ့ တူမကို လက်ထပ်ယူပြီး လက်စားချေခဲ့သော ဇိုင်းကမ္ဘာ
