Uni
💜မြတ်နိုးခွင့်💜
💜အပိုင်း ၂၀💜
"သား သား ဘယ်လိုဖြေရမှာလဲ အမေ"
သားဖြစ်သူ၏ ခံစားချက်ကို နားလည်သည့် မိခင်ပီပီ ဒေါ်ခိုင်ဆင့် သားငယ်ကိုရင်ခွင်ထဲထွေးဖက်ထားရင်း
"ကံတရားပေါ့ သားရယ်၊ ဖြစ်သွားပြီးမှတော့ အမေတို့ဘာတက်နိုင်မှာလဲကွယ်"
"ကံတရား မဟုတ်ဘူး ၊ အဲ့ဒါ ဟိုမိန်းမကြီး ယုတ်မာတာ အမေရဲ့၊ သား မြတ်ထားကို ဘယ်လိုပြောပြရမှာလဲ အမေ၊ သူ့ ကလေးသာ မရှိတော့ဘူး ဆိုတာ မြတ်ထား သိရင် ဘာတွေဖြစ်သွားမလဲ သား မသိဘူး အမေ"
ယောကျာ်းတန်မဲ့ ငိုပြီး သူမကို ပြောနေလေသော သားဖြစ်သူ၏ ရင်တွင်းခံစားချက်များကြောင့် ဒေါ်ခိုင်ဆင့် ဘယ်လို နှစ်သိမ့်ရမည့်ကို မတွေးတတ်အောင်ဖြစ်ရသည်။
အခုချိန်မှာ သူမလည်း ခံစားရတာပါပဲ ။ သူမရဲ့ တစ်ဦးတည်းသော မျိုးဆက်မြေးလေးကို ဆုံးရှုံးရသည့် အဖြစ်က ဖြေနိုင်စရာ မရှိလောက်အောင်ပင် နာကျင်ရသည်။
"မောင်"
မြတ်ထား သတိရလာသည့်အခါ မြတ်ထားဘေးတွင် ထိုင်နေသော မောင် နှင့် အမေကို တွေ့လိုက်ရလေသည်။
"မောင်"
"ဟင် မြတ်ထား သတိရလာပြီလား၊ ဘယ်နားနာသေးလဲ၊ မောင် ဆရာဝန် သွားခေါ်လိုက်ဦးမယ်နော်"
ပြာပြာသလဲ ဖြစ်နေသော မောင့်ကို မြတ်ထား တစ်ချက်စောင်းငဲ့ကြည့်လိုက်ပြီး
"နေ နေ မောင်၊ မြတ်ထား ကလေးလေး ရော"
ဝမ်းဗိုက်ရှပ်ရှပ်လေးကို ကိုင်ရင်းမေးလာသော ချစ်ဇနီးကို ကြည့်ပြီး သူ့ရင်ထဲမှာ နာကျင်ဆို့နင့်လာရပြန်သည်။ ဒေါ်ခိုင်ဆင့်မှာလည်း ချွေးမဖြစ်သူကို ကြည့်ပြီး ပြောစရာစကားတွေ ပျောက်ရှနေရသည်။
"မောင် မောင် ဘယ်လိုရှင်းပြရမှာလဲ မြတ်ထားရယ်"
"ဟင်"
"မြတ်ထား မြတ်ထားကလေးလေး မရှိတော့တာလား ဟင် မောင်"
အထိတ်တလန့်မေးလာသော ဇနီးဖြစ်သူကို ကောင်းသာ ပွေ့ဖက်လိုက်ပြီး သူ့ပါးပြင်မှာ မျက်ရည်တွေ စီးကျလာရသည်။
YOU ARE READING
မြတ်နိုးခွင့်
Roman d'amourချစ်ရသူသေဆုံးမှုကြောင့် ချစ်ရသူအား သေဆုံးစေခဲ့သည့် ချစ်ရသူရဲ့ တူမကို လက်ထပ်ယူပြီး လက်စားချေခဲ့သော ဇိုင်းကမ္ဘာ
