uni
အပိုင်း ၁၈
"မြတ်ထားညို ကို အိမ်ထောင်ချပေးရမယ်"
ဉီးရာဇ တစ်ယောက် ဒေါ်ထိပ်တင်မေ ရဲ့ စကားကြောင့် အံ့သြသွားရကာ အလန့်တကြားထပြောလိုက်သည့်က
"ဟာ ဒါက လုံးဝမဖြစ်နိုင်ဘူး ထိပ်"
"ဘာလို့မဖြစ်နိုင်ရမှာလဲ အစ်ကို၊အစ်ကို သမီးကို ဒီအိမ်မှာ ဆက်ထားစေချင်ရင် ထိပ်ပြောသလိုလုပ်ပါ၊ သမီးငယ်ရဲ့ သိက္ခာကို ကာကွယ်ရမယ်"
သမီးကိုသာ ဒီအိမ်မှာ နေခွင့်မပေးလေလျှင် သမီးက ဘယ်အရပ်မှာ သွားနေမည်နည်း။ ဉီးရာဇ တစ်ယောက် ဇနီးဖြစ်သူရဲ့ စကားကြောင့် စိတ်တွေ ရှုပ်ထွေးနောက်ကျိလာရလေသည်။
သူရဲ့ဇနီး ထိပ်တင်မေ။ ထိပ်က သူမ ပြောလျှင် ပြောသလို လုပ်မည့် မိန်းမမျိုးဖြစ်သည်။ သူ့အတွက် ခက်ခဲသည့် ကိစ္စကို တွေးတောရပေတော့မည်။
ဟူး။
လေပူတစ်ချက်ကို မှုတ်ထုတ်လိုက်ပြီး
"မင်းက ဘယ်သူနဲ့ သမီးကို စီစဉ်မှာလဲ"
"အို ဘယ်သူဖြစ်ရမှာလဲ၊ ကိုမြတ်ခိုင်ရဲ့ သား ကောင်းသာ နဲ့ပေါ့ရှင်"
"ဟင်"
ကောင်းသာ ဆိုတာ သမီး နှင်းဆီကို တစ်ဖက်သက် စိတ်ဝင်စားနေသော ကောင်လေးဖြစ်သည်။ သမီး နှင်းဆီက ကောင်လေးကို လက်မခံနိုင်ခြင်း ဖြစ်သည်။ ဘယ်လို စိတ်ကူးနှင့်များ သမီး မြတ်ထားနှင့် ထိုကောင်လေးနှင့် နေရာချထားပေးရန် ထိပ်တင်မေ စီစဉ်သည့်ကို ဦးရာဇ နားလည်မရပေ။
သမီးအတွက် ကံကောင်းခြင်းလော။ ကံဆိုးခြင်းလော သူ့ ဝေခွဲရခက်နေရသည်။ နောက်ဆုံး မတက်သာသည့် အဆုံး သမီး မြတ်ထားညို ကို အိမ်ထောင်ချပေးရန် စီစဉ်ရပါတော့သည်။
"မြတ် မြတ်ထား လက်မခံပါရစေနဲ့"
မြတ်ထား အကြောက်အကန်ငြင်းလေတော့ ဒေါ်ထိပ်တင်မေ မျက်နှာထိမျက်နှာထားဖြင့် သူမကို ကြည့်လာပြီး
"ညည်းကို ကောင်းစေချင်လို့ ယောကျာ်းပေးစားတာ၊ အေးအေးဆေးဆေး လက်ခံစမ်း"
YOU ARE READING
မြတ်နိုးခွင့်
Romanceချစ်ရသူသေဆုံးမှုကြောင့် ချစ်ရသူအား သေဆုံးစေခဲ့သည့် ချစ်ရသူရဲ့ တူမကို လက်ထပ်ယူပြီး လက်စားချေခဲ့သော ဇိုင်းကမ္ဘာ
