Uni
💜မြတ်နိုးခွင့်💜
💜အပိုင်း ၂၁💜
"ကြိုလေး"
မိုးတွေသည်းနေသည့် ညနေခင်း တစ်ခု။ ကျောင်းဝတ်စုံ အဖြူ အစိမ်းလေးဖြင့် ၁၀ တန်း ကျောင်းသူလေး ကြိုး။ လိုင်းကားတိုးမစီးတတ်သည့် အကျင့်ကြောင့် ဖခင် လာအကြိုကို စောင့်နေသော ကလေးငယ် အနားကို ချည်းကပ်လာသူက နှင်းဆီဖြစ်သည်။
"သမီး သမီး ဖေဖေ မလာသေးဘူးလား"
"ဟုတ် တီတီ နှင်းဆီ ဘယ်ကိုလာတာလဲ"
ကြိုး တီတီကို တွေ့လိုက်သည့်အခါ အပြုံးလေးဖြင့် နှုတ်ဆတ်လိုက်မိသည်။ နှင်းဆီလည်း ကြိုးကို ပြန်ပြုံးပြလိုက်ပြီး
"ဒီအနားက သူငယ်ချင်းတစ်ယောက်ဆီ လာတာပါ၊ သမီး အိမ်ပြန်မှာ မဟုတ်လား၊ တီတီနဲ့ လိုက်ခဲ့လေ၊ တီတီ လိုက်ပို့မယ်"
"ဟို ဟိုလေ ဖေဖေ"
ဖခင် ဆူပူမှာကို ကြောက်နေသည့် ကြိုး ဉီးခေါင်းလေးကို နှင်းဆီ အသာပွတ်သပ်လိုက်ပြီး
"သမီး ဖေဖေ မဆူစေရပါဘူး ၊ တီတီ အိမ်ရောက်ရင် ပြောပြပေးမယ်နော်"
ထိုအခါမှ ကြိုး ကလေးပီပီ ပြုံးရင်း သူမ အနောက်လိုက်ခဲ့လိုက်လေသည်။
"သမီး အအေးလေး သောက်လိုက်ဉီး တီလေး ဝယ်လာတယ်"
တီလေး ကမ်းပေးလာသော အအေးဗူးလေးကို သူမ ယူကာ မော့သောက်လိုက်မိလေသည်။ ထိုနောက်တွင်တော့ သူမ အိပ်ပျော်သွားလေသလား ဝေခွဲခက်ခဲ့ရလေသည်။
💜💜💜
"ဟင်"
မီးခိုးအနံတွေ။ ကြိုး နှာခေါင်းထဲမှာ ရလာသော အနံဆိုးဆိုးတွေကြောင့် ခေါင်းထောင်ကြည့်လိုက်စဉ် သူမရောက်နေသည့်က ပျဉ်ထောင်အိမ် တစ်လုံးထဲမှာဖြစ်သည်။ အိမ်တစ်အိမ်လုံးက မီးတွေစွဲကာ လောင်မြိုက်နေလေသည်။
အို မီးတွေ။
"ဖေဖေရေ"
"မေမေရေ"
"ဟီး ဟီး ကြိုးကြောက်တယ် မေမေရေ ကြိုးကို လာကယ်ပါဉီး"
ထိတ်လန့်ဖွယ်ရာ လောင်မြိုက်နေသော မီးတွေထဲမှ ကလေးငယ် တစ်ယောက်ရဲ့ အော်ဟစ်ငိုကြွေးနေသံက သနားစဖွယ်ထွက်ပေါ်လာလေသည်။
YOU ARE READING
မြတ်နိုးခွင့်
Roman d'amourချစ်ရသူသေဆုံးမှုကြောင့် ချစ်ရသူအား သေဆုံးစေခဲ့သည့် ချစ်ရသူရဲ့ တူမကို လက်ထပ်ယူပြီး လက်စားချေခဲ့သော ဇိုင်းကမ္ဘာ
