හිමකර කඩුපුල්....

කඩුපුලේ හතලිස් දෙවැනි දිගහැරුම....

තනුක - අයියෝඕඕඕඕ හරිනේ දැන් මට ලැජ්ජයි

යසස් - බොරුව දාන්න එපා වස්තු. කෝ ගුඩ් නයිට් කියලා එන්න කට්ටියට. මහියා මං උබෙ ඇදුමක් ගන්නම් හොදේ

මහිෂ - ගනින් බං ඕවා අහන්න ඕන නෑ කියලා මං කියලා තියනවනේ. එහෙනම් ගුඩ් නයිට් බං බුදු සරනයි..හෙට උදේට සෙට් වෙමු.

යසස් - ගුඩ් නයිට් මහියා බුදු සරණයි.

තනුක - ගුඩ් නයිට් මගෙ රත්තරනේ වෙච්ච දේවල් හිතන්නැතුව හොදට නිදා ගනින්. උවමනාවක් උනොත් කතා කරපන්. බුදු සරණයි මගේකා.ලව් යූ..

කේෂ්ගෙ නළලත සිප ගනිමින් තනුක පවසන්නට විය.

කේෂ් - හරි තනූ. ඔයත් හොදට නිදා ගන්න. ගුඩ් නයිට් ස්විට් ඩ්‍රීම්ස්. බුදු සරණයි. ලව් යූ ටූ

කේෂ් ද තනුකගෙ නළලත සිප ගනිමින් පවසන්නට විය. මොහොතකින් තනුකත් යසසුත් කාමරයෙන් පිටව යන්නට වූ අතර කේෂුත් මහිෂත් කාමරයේ තනි වන්නට විය.

මහිෂ - මං දොර ලොක් කරලා එන්නම් සුදූ. අද ඩයරි එක ලියන්නෙ නැද්ද??

කේෂ් - ම්හ් අයියේ.

මහිෂ - ඇයි?? ඔයා හැමදාම ඒක ලියනවනේ.

කේෂ් - අද බෑ අයියෙ.

මහිෂ - මොනවා කියලා ලියන්න ද නේද රත්තරනේ?? පොත් වල ලියන්න පුලුවන් දෙයක් ද අප්පච්චි ඔයාට කලේ.

දොර අගුළු දැමූ මහිෂ යහනට ගොඩ වී කේෂ්ව තුරුළු කර ගනිමින් පවසන්නට විය.

කේෂ් - හෙට මට ක්ලාස් අයියේ.

කේෂ් ද මහිෂගෙ තුරුළට යමින් පවසන්නට විය.

මහිෂ - හරි මැණිකේ නිදා ගන්න දැන්. ඔයාට නින්ද යනකන් මං ඔළුව අත ගාන්නම්.

කේෂ් - මට ක්ලාස් යන්න බෑ අයියේ.

මහිෂ - ඇයි රත්තරන්??

කේෂ් - ඔයා මගෙ ලග ඉන්නකන් මං හිත හයිය මනුස්සයෙක් විදියට ඉදියි. ඒත්.... ඒත් ඔයා නැති තැනක මට එහෙම ඉන්න බැරිවෙයි අයියේ. මට ඒක දැනෙනවා අයියේ. ගොඩක් දැනෙනවා.

මහිෂ - ඉතින් මං එන්නම් මගෙ රත්තරන්. ඔයා ක්ලාස් ඉවර වෙනකන් මං ඉන්නම්