أنا الشموخ ومارضيت البهاذيل كسرت خشم الوقت من قو ذاتي

26

بلعت ريقي مليون مرة....قال أبوي بجمود:جااااااااااااوب.....
نزلت راسي....وأنا احس اني صغير....صغير كثير....قدامها وقدام أبوي....هالشيء جرحني كثير....تمنيت الموت ولا
اني أوقف هالموقف......صرخ أبوي بقل صبر:تكلم....
قالت بجمود:ذا رجال يشتغل مع خالي فيصل بالبنك.....ولدك معطيه رشوة....علشان يختلس من البنك...ويدبس خالي...
بس ربي خيب رجاهم....وماكانوا يعرفون أن صاحب البنك جدي أبوفارس....مسك هالأحمد....ووراه الويل....لما
أعترف بكل شيء...وهالحين هو محذوف بالسجن.....حذفت الكلاب...عزك الله....وبألم...ترجيت جدي أبوفارس مايقول
السالفه لأحد....حتى لخالي فيصل....نزلت دموعها غزيزة....ماودي أشوفه....أحس اني صغيرة قدامه كثير....كثير....
رغم انه مو عارف شيء....بس أحس بخجل كبير.....وباستهزاء....هذا جزا المعروف ياعيال الناصر....خالي فهد زدت
سعر المناقصه من حر مالي....من ورث أمي....وهو مو عارف شيء....علشان اغلب أبوي...واربحه المناقصه اللي
كانت بتصفيه على الحديده......وبألم...هذا جزا المعروف ياعيال الناصر.... ياحسافه بس....وبحسره...من دريت من
يومين وأنا لا ليلي ليل ولانهاري نهار....
ناظرتها بألم...وأنا اشوف انكسارها الكبير....حضنتها وانا اصيح....واستسمح منها.....وهي جامده.....وماغير صوت
شهقاتها....وانا أحسها خناجر بجوفي...لا يابعد أبوك لاتصيحين....الا انتي لا تنكسرين...الا أنتي....قلت بندم:سامحيني
يابوك.....وربي كنت راح اوقف معاهم...بس كنت أبغى أرجع أمك بالأول.....
صرخت بانكسار:مو بهالطريقه....مو بهالطريقة.....كسرتني قدامهم.....احس ماقدر أواجهم بعد اليوم.......اليوم كلمت
خالي...وأحس كأني طاعنته بظهره....ليه تكسرني ليه؟.....
حسيت بأبوي اللي بعدني بعنف.....وتفل على وجهي وهو يحضنها....ناظرته بصدمه....وبحده قال:ياحسافة التربيه
فيك....لو انك باغي مرتك....ليه تسوي سواتك الشينه معها؟.....ياحيف على الرجال اللي ياما اعتزيت فيه.....ويكون
بعلمك....مها تحرم عليك من بين الحريم.....وانساها من بالك طول العمر....وعيالك من اليوم مالك صالح فيهم....تقلع
عن وجهي...لابارك الله فيك...ولا بالساعه اللي شفتك فيها....سودت وجهي حسبي الله عليك من ولد....
طلعت من المكتب...وأنا أحس الدنيا انهارت حولي....الكل فز....بس طنشتهم....وركبت سيارتي....وطرت
فيها......لأحب مكان لقلبي....أندب اكبر خساراتي....وأصيح على الأطلال......

كنت أصيح بحرقه بحضن جدي....وهو يقرأ علي ويهدي فيني....وأنا طلعت الحره كلها....وهو يمسح على
شعري....ويتوعد بناصر.....بعدها ناظرته بألم:مالي قعده بهالبيت.....بروح لأمي....
قال بألم وهو يأشر على خشمه:على هالخشم....من بكرا اذا تبغين بأوديك....بس أنتي أهدي....
رديت لحضنه وأنا أصيح....مسد ظهري بحنان:خلاص يابوك....ماتعبتي....وبمرح مصطنع...ماخبري بقلبك رهيف
كذا....خبرك بقلبك حديد...لايرحم ولا يلين....
ضحكت ضحكه مصطنعه:ههههههههههههه.....بسم الله علي....وبدلع...وحرام عليك قلبي أنا حديد....
قمت وانا أمسح عيوني بسرعه...واعدل لثمتي......وبرجا:مابغى اشوفه....أبغى أطلع الحين.....
قال بحنيه:من عيوني...الحين تروحين معاي لبيتي.....
ابتسمت بوجهه....وطلعنا...وهو ماسك يدي....الكل فز واقف....ناظرت الكل ببرود....وأنا ادوره بينهم بس ماشفته....قال
نايف بخوف:أنتي وش مسويه؟....
ابتسمت وانا العب بشعره:مافيه شيء....وسألت بحذر....وين ناصر؟.....
حسيت بضغطة يد جدي على يدي.....أدري فيه خايف عليه لكذا سألت...ناظرت عيون الكل اللي تقول شين وقوات
عين.....قال نايف وهو يعدل شعره اللي حوسته:طلع معصب...وماحد تجرأ يسأله.....
تنحنح جدي وهو يبوس راسي...وقال بانكسار:أشهدوا ياجماعه...أنا ضربت الجازي قدامكم...وأنا الحين بعت.....
حطيت يدي على فمه بسرعه:لا تقولها يايبه....وبست راسه ويده....قدرك كبير....ماعاش ولاكان ولاصار اللي بتعتذر
منه.....من ما كان؟......
حضني بقوة.....وباسني....وبفخر:تسلم يمين ربتك على الطيب....انا أشهد أن فيصل ربى وحصد......ربي يكبر قدرك
وشانك....ويكملك بعقلك.....ويستر عليك...ويرزقك بالرجال الكفو....اللي يعرف قدر جوهرة الناصر.....
ابتسمت وأنا اشوف عيون الكل المنصدمه...قال بهدوء:روحي يابوك...صحي أخوك....ونزلي أغراضكم...وانزلي
معانا....
الكل فتح فمه...وأنا صعدت فوق....صحيت سلطان...ومسكت يده ونزلت...والخدامتين ينزلن جنطتنا....قال جدي
بحده:عزيز يابوك....
فز وهو للحين منصدم:سم يبه....
قال جدي بحب لمسته كثير:سم الله عدوك.....وطلع سلسله مفاتيح فخمه....حطها بيد عزيز....روح أفتح جناحي....وخل
هالخدم يحطون هالجناط بالغرفه المقفوله بجناحي....
الكل شهق بفجعه....قالت أم خالد بصدمه:يبه.....
صرخ بحده:وحطبه....ابلعي لسانك....وناظر عزيز ....يالله يابوك رح....والحين بنتبعك أنا وعيال عمك.....
صرخ وليد:بتروحون....
هزيت راسي بألم...وانا أشوف صدمتهم اللي ماليه عيونهم.....نزل نايف راسه بألم....قربت له...وبسته بقوة...وهمست
له:لاتنزل راسك أبد...أبغاه مرفوع دايم.....وبحب....أعذرني ياخوي...لازم اطلع من هالبيت....قبل لاتصير
جريمه....لأني يا أذبحه...والا يذبحني.....وبمرح...تخيل يمه اذبح ناصر...وبصدمه مصطنعه....يمه ماأشوف
سلطان....والله أموت......
انفجر نايف بالضحك...والكل فتح فمه...قال بصوت مسموع:قسم بالله مانتي صاحيه...هذا همك سلطان....هزيت راسي
بايه....
وحضنت وليد بعده...وبهمس:لاتقطعني يالمرجوج.... بفقدك كثير....
حضني بشكل أقوى....وبهمس:وانا اكثر يا ام لسان....وبمرح...ولاتخافين ماراح اسألك وش صار...لأني متاكد...انك
ماراح تقولين!!!!....
ضحكت وانا أسلم على نوف اللي تصيح....وهمست لها:أنا بكون قريبه منك....لاتخافين.....وحتى لو بعيده.....بس
ألو منك...وتلقيني ناقزة قدامك كأني جنيه....
ضحكت نوف....وناظرت بدوري....نزلت لمستواه...وفتحت يديني....وهو طار بحضني....حضنته بقوة...وبعدته وانا
ابوسه....قال بدلع:أبي ألوح معات....
قلت وأنا أعدل شعره:يابعد قلبي....انا بروح طبيب....يضربني ابرة...تروح معاي....
نطت عيونه بخوف....وبعد عني...وهو يتخبى ورا رجلين وليد....ويحرك راسه بلا.....ضحكت بقوة....وأنا أحس اني
أجرح جوفي بضحكاتي....ورفعت عيوني....وتعلقت بعيونه الغريبه....حسيت قلبي يرجف...وأنا اشوف نظراته...كسرت
نظري بتوتر....وأنا أقول بقلبي....لا ياجازي...مستحيل....مستحيل....اللي قريته بعيونه مستحيل.....انصدمت وناظرت
بخوف...بسلطاان اللي نايم على الكنب...لايارب خيب ظني...يارب ارجاك خيبني.......مستحيل اللي بيصير لي....يارب
خيبني يارب......