أنا الشموخ ومارضيت البهاذيل كسرت خشم الوقت من قو ذاتي

43

سكرت القرآن ورميت جلالي....وتذكرت ان وليد فتح علي الباب وأنا أقرأ قرآن....نزلت تحت...صبحت على خالتي أم
وليد...وسويت لي كوفي....قعدت أسولف معاها برآحه....وهي حلفتني اذا وليد مزعلني....ضحكت وقلت لها عادي
تراضينا....سالفه تافه.....أحس أم وليد من سالف هامي...وهي تداري خاطري مداراة....
وقعدت اشرب الكوفي بتلذذ....دخل أبوي ووجهه متجهم....بس شآفني ارتخت ملآمح وجهه.....سلم وجآء جلس
جنبي....مسح على شعري بحنيه.....قال بحنآن خلآني أرجف:كيف أصبحتي يابوك؟....
ابتسمت غصب عني:بخير الحمدلله...وبتردد....كيف أصبحت أنت؟.....
لمني بحضنه وهو مستانس....وبسعاده:دآم أصبحت بهالوجه الحلو.....فصباحي مافيه نفسه......
ابتسمت وشفت عيون أم وليد اللي تناظر أبوي باستغرآب......قال بحمآس وهو يجرني من يدي:قومي يابوك
معاي....علشآن تصبحين على جدك....متضايق عليك من أمس.....
قلت بتردد:بس أخآف الشباب معآه.....
قال بنظرة غريبه:لا مامعه غير عزيز أتوقع....انتي تغطي وامشي.....
ابتسمت بدآخلي....أجل عزيز....وش ورآي.؟....بروح....لبست عبآتي وتلثمت....ناظرت عيوني الواسعه....وابتسمت
بخبث....نزلت مع أبوي وهو ماسكني بيدي بحنيه....ويسولف معاي....واعتذر عن وليد....صدمني انه درى بالسالفه
كلها....وانصدمت أكثر ان نآيف هو اللي قايل له....حلفته أنه مايعمل شيء لوليد....بس هو قآلي لازم يأدبه....ويقرص
اذنه شوي....فتركت الموضوع....أبوه ويتصرف معاه....أنا شكو؟...بس حلفته أنه مايضربه...وصلنا لبيت
الشعر...ودخلت أنا وأبوي....قال أبوي بفرح:يبه شف من جبت معي؟......
شفت عزيز بطرف عيني....كآن منسدح ومغطي وجهه بشماغه الأبيض.....قال جدي وهو يفز من مكآنه:هلا
وغلاااا....هلآآآ بجآآآزي.....حي هالصبآآآح الحلو....
ابتسمت بخفه....لما شفت عزيز اللي تصلب جسمه كله....والله صآحي....طيب يآعزيز....بست رآس جدي
بخفه....وصبحت عليه بهدوء....وجلسني جدي بجنبه:ها كيفك يابوك؟.....أمس خرب مزاجك الخبل....والله لما دريت
بسوآته بغيت أذبحه.....
نآظرت أبوي بعتب.....وحطيت يدي على فم جدي....وبهدوء:ماصار شيء يايبه....عآدي....موضوع وانحل.....
وغمزت له...مابغى عزيز يعرف عن الموضوع....علشآن مايلقى حجه علشآن مايوافق.....فهمني جدي وهز لي
رآسه....استأذن أبوي وطلع....وأنا حسيت بفرحه كبيره....بوريك يالنذل.....قلت ببرآءه:يووووووه يبه.....من هالرجآل
اللي نآيم.....لزوم أطلع.....
كتم جدي ضحكته....وبهدوء:لا تخآفين يابوك....ولا تطلعين يابنتي.....ذا عزيز ولد عمك.....وهو رجآلك بعون
الله.....ولا تحآآآآتين.....عزيز نومه نوم حمآآآآر.....لو مدآآآفع عند رآسه ماصحى......
قلت بشقآوة:عـــزيز..وبضحكه....يكرم ولد عمي يايبه عن الحمآآآر.....وبهدوء....وللحين مآهوب رجآلي يبه....وبصوت
حآولت كثر ما أقدر يكون مؤثر....تصدق يبه...اني بهالدنيا....ما انصدمت بشخص كثر ماصدمني هو.....وبخوف
مصطنع.....يبه أخآف صآحي.....
قآل أبوي بحمآس:لا تحآتين يابوك.....والله نآيم...صارله ساعه.....وبخبث....وليه مصدومه منه؟....عسى ماشر....
ناظرته بطرف عيني....وشفت جسمه المشدود.....قلت بصوت رآخي مؤثر:رغم كل شيء صار يايبه.....تصدق اني من
شفته....ماحسيت انه بهالدنيا رجآل يليق لي غيره.....وبصدق....احترت منهو اللي يشبه الثاني أكثر؟....أنا أشبه أكثر...أو
هو يشبهني أكثر....وبجديه كآذبه....عمري مآ حسيت بهالدنيا أن بها رجآل....يناسبني....كثره....أحس اني أثق فيه وأقدر
أعتمد عليه....شفت فيه السند والعزوة....اللي مستحيل بيوم تخيب ظني.....
قال جدي بخبث وسعآده:عز الله ان نظرتك صايبه....ومابه رجآل يستاهلك كثره.....
قلت بنبرة حآولت أطلعها كثر ما أقدر متحسره:بس للأسف يآيبه.....شكل ظني وظنك خايب....
شفت شلون شد على يده بقوة....وقال جدي بصدمه:وش قصدك؟....
قلت ببرود:شكل الرجآل اللي رفضت الكل علشآنه.....وأنا أرجي جيته....يسندني ويشيل همي....وشفته
بعزيز.....وبأسف...بس شكلي أخطيت بالعنوآن.....
قآل جدي بصدمه:لا عزلله أنك ما أخطيتي العنوآن....وبرجا....لاعآد تقولين هالخرآبيط.....
قلت بثقه وعيوني متسلطه على يدينه اللي صآرت حمرآ:لا عزلله كل يوم يمر يأكدلي....ان غلطآنه كثير....الرجل مايرد
بكلمه قالها....ومايسويها الا قليل الرجوله والمروة.....والرجآل مايقعد يجرح بولد عمه....ويفرد عليه عضلاته....بس لأن أخته خطبت اخته.....مو الرجوله كذآ يايبه.....وبألم حقيقي....تدري يايبه...يجيني سلطآن يشكي منه.....وكل حرف
منه....ينزله من عيني كثير...ويأكدلي ان نظرتي فيه خايبه كثير....واني غلطانه بنظرتي له أكثر......رن جوآلي مثل
ماحطيته منبه...وبالوقت اللي أبيه....قلت ببرآءه:عن اذنك يبه...بأكلم أمي....
طفيت المنبه وأنا أمشي وابتسم....ووجه جدي المتضايق تركته ورآي....وأنا أمشي بروقآن....مآحسيت....الا بيدين
قويه...تجرني....غصب....كنت بأصرخ....بس سكر فمي ببقوة....حكرني بزآويه بين بيتنا وبيت عمي حمد....ولفني
له...وهو يثبتني على الحيط اللي ورآي بقوة.....شهقت وأنا أشوف وجهه الغاضب....وهو قريب مني....قال بحده:أنا مو
رجآل يازفت....أنا....وما أصير رجآل الا اذا قردت حآل أختي....بأخوك المجنون....
صرخت عليه....وانا أتلوى أبغى افك نفسي:ماغيرك المجنون يازفت...أتركني....
قال بصرآخ:جب لاترفعين صوتك......والله مايشوف أختي المجنون لو يموت.....وباستهزاء وهو ينآظر عيوني
بقوة....أجل يتشكى مني المجنون؟....
نآظرته بحده....وأنا رآفعه حآجب....قال بحده:اكسري نظرك.....
ثبت عيوني عليه....وبحده:اتركني....أحسن لك....
قال باستهزآء:واذا ماتركتك....وش بتسوي يعني؟......
قلت ببرود:مانيب مسويه شيء.....والذنب بتتحمله أنت.....وبأستهزاء....وذي رجولتك ياولد عمي....للأسف بس....
تركني بتقزز....وأنا ناظرته بقرف....وباستهزاء:بتدفع ثمن كلآمك....حرف حرف.....
ومشيت وخليته ورآي متجمد.....دخلت البيت....وبسرعه رميت نفسي بأحضآن سلطآن وبعبآتي....صحت
بصمت.....ناظرت ملامحه الحلوة.....وهو مرتآح بنومته كثير....تلمست جميع ملآمحه اللي أموت فيها برقه.....يقولون
عنك مجنون....بس أنت مو مجنون....هم المجانين يآقلب أختك....أنت كآمل والكآمل وجه الله....لو يدرون وش كثر قلبك
حنون؟......لو يدرون وش كثر انا أحبك؟.....كآن ماقالوا كذا....جرحني الكلب جرحني....أنت أعقل منه الفآسد ذا....بس
وربي اللي خلقني وخلقك....لأخليه يدفع ثمن اللي قآله...وربي لأدفعه الثمن غآلي....وربي لأخليه يدور رضآك....وأوريه
قدره الفاسد....وأخليه يعرف انك شيخه.....وتآج راسه.....بس بينا الزمان يالحمآآآآآر......وربي لأفضحك
يالكلب.....وغفيت وانا حالفه اوريه قدره.....