أنا الشموخ ومارضيت البهاذيل كسرت خشم الوقت من قو ذاتي

37

أحس نفسي بين السما والأرض....كل أحلامي تهاوت.....كل شيء زآل بقساوة أمي....وعزة نفس حبيبتي.....وش ذنبي
أنا؟....وأنا الضحيه الوحيده بالموضوع كله...مسحت وجهي بيدي المرتجفه بألم.....الدنيا مالها طعم.....حسيت بمبارك
اللي جلس جنبي:ياخوي اذكر ربك......مايجوز اللي تسويه بحالك......
قلت بانكسار:رآآآحت يامبارك رآآآحت......وبضحكة استهزاء....حتى فيصل....يقول امسحها من بآلك...البنت عمرها
ماكانت لك....أبوها ماراح يناسبنا لو نرقى سابع سما....احفظ ماي وجهك ووجه أبوك.....وانساها.....وبدموعي اللي
نزلت....بكل سهوله أنساااها....وبصرآخ....وأبوها الزفت شخصه؟.....طول عمره راميهم....لما حبيتها وصرت ماعيش
دونها طلع بحياتنا.....ليه الحين؟.....بأي حق يرفضني....وأنا اللي حبيته عمري كله.....
مسك كتفي بحنيه:تعوذ من ابليس ياخوي....وفيصل صادق....هم وين وحنا وين؟....أكثر مرة نصحناك لاتتمادى....بس
أنت ابد....كل يوم جنونك يزيد....وماحسبت حسآب غدر هالدنيا.....
قلت بحده:بأروح له....وأخطب منه....وغصب عنه بيوافق....
مسكني بقوة:طلآآل بلاش جنان.....لاتسبب للبنت مشآكل هي بغنى عنها.....وبحنيه...اذا تحبها صدق ابعد
عنها...ولاتسبب لها الأذى....
قلت بضعف وصورتها قدآم عيوني:أنا أذيها....وناظرت مبارك بصدمه....لمثلي ينقال هالكلام.....وأنت أكثر واحد
تدري...هي وش تعني لي؟...وأنا أذي روحي ولا أذيها.....
قال بحنيه:أدري وربي أدري....بس مالك الا الصبر ياخوي....وأبدأ ماعليك كرامة أبوك....وأنت تدري ان ناصر
مايطيقه....أصبر...والبنت من كلامك قويه....وبثقه.....وصدقني اذا هي لك بتأخذها....غصب عن الكل....وأولهم
أبوها....ادع ربك....واستسمح من أبوك وأمك...مايجوز تغضبهم....وأنطر الفرج وانا أخوك....واللي صبرك كل
هالسنين يصبرك الأياام الجايه....وبمزح....وقم حلق هاللحيه مولايقه عليك.....ترآك مروعني بس أجاملك....
ابتسمت مجامله له.....وتوجهت لبيتنا....اللي استقبلتني أمي وانوار بدموعهن.....وبعدها استسمحت من ابوي.....وماحد
جآب طآري الموضوع.....قعدت معاهم شوي.....وصعدت لغرفتي....قفلت الباب....أخذت شاور دافي.....لبست
بيجامتي.....طفيت النور....ورميت نفسي على السرير....وسآآآآآآآآلت دموعي بضعف.....وكلام فيصل المقنع يتكرر
برآسي....ذل أبوي....ولا حب عمري....مقارنه صعبه كثير....أسهلهن موتي....بس أبوي أبدأ....وماعاش من
يذله.....ورآسي يشم الهوا.....يآرب يموت أبوها.....وأتزوجها.....يارب....أنك ترفق بقلبي....وتصير معجزة....وتخليها
من نصيبي....أرجآآآآك يارب.....

كنت جآلس بألم بالصآله....ومنظر طلآآآل المتغير.....مثل الغصه بجوفي....ربي يسآمحك يالجآزي.....قبل ثلاث ايام
جاني...وهو منهار...وترجاني أقنع أبوه نخطبها له.....انصدمت من حبه الكبير له.....اللي خلا فهد الهاديء يطرده من
البيت.....واستفزه لذي الدرجه؟.....مسحت وجهي بألم....ياما نصحتك أبعد عنها....بس وش أقول؟.....كثير قلت
لك....ياولد أخوي ماتناسبك....بس أنت أبد....أذن من طين وأذن من عجين.....تماديت بسالفتك كثير.....وياليتها معطيتك
وجهه.....كنت دايما أراقبكم من بعيد....كثير كنت ناوي أطين عيشتك.....بس اللي كان موقفني انها موقفتك عند حدك
وزود......لكذا ماتدخلت.....وتربيتي وواثق فيها.....عقلية الجازي الحاده...واستغلاليتها الواضحه للكل....كانت تجبرني
ما أتدخل بأي شيء......لأني واثق انها بتتصرف أحسن مني حتى.....لو ريم كنت اول من يتدخل.....بس جازي
لا.....ومستحيل....لأني داري أني لو ارميها بالبحر...تطلع لي ناشفه.....تذكرت لما فاتحتني بالموضوع بالرياض....قبل
ردتي بيوم....بالمطعم.....كنا نتعشى انا وهي وسلطان.....وأنا وسلطان نسولف.....وهي هادية على غير العاده.....ولما
سألتها....قالت بهدوء وجديه:خالي....أبغى أكلمك بموضوع مهم....
قلت باستغراب:قولي....وبدون مقدمات....أنا وأنتي متفقين أن اللي بخاطرنا نقوله....ومباشرة.....
تنهدت بضيق وبهدوء:خالي أنوار مكلمتني أن طلال بيخطبني....
ما أنكر اني كنت متوقع هالشيء قريب....بس اللي صدمني أن الجازي تفاتحني بهالموضوع.....الموضوع الوحيد اللي
كل مافتحته معاه.....قفلته الجازي بقسوه وحده......قلت بشك:وأنتي وش رايك؟.....
قالت بنبرة غريبه:طلال مابه عيب....وأحسن من مليون رجال.....بس.....
ناظرتها وانا أبغاها تكمل....وحاس انها بتقول مصيبه...التردد أول مرة اشوفه فيها....قلت بحذر:بــــس.....
قالت بزفرة:ماراح يرضون.....
قلت بحده:دامك موافقه.....مابه احد يقدر يتدخل....ويرضون والا مايرضون مشكلتهم......
قالت بضيق:يبغون اهلي....ورضاهم واجب غصب عن خشمي....
ناظرتها بصدمه....عمري ماتوقعت هالرد منها.....قلت بصوت مهتز:عمري ماتخيلت اسمع هالكلام منك.....ضغطت
على رأسي بقوة....مانيب مصدق اللي أسمعه.....
قالت بانكسار وشبه ابتسامه ميته.....وهي تناظر سلطان اللي يلعب بالأكل بتأمل:صدق ياخالي صدق...دوام الحال من
المحال وأنا بنتك.....
لفت لي....وعيونها ممتليه دموع....مسكت يديني...وقبلت يديني بقوة....وبحنيه:بيذلونكم لاخطبتوني منهم
صدقوني.....ووقتها يمكن أولع فيهم....الا أنت....الا أنت ياخالي.....وبرجا ودموعها تسيل.....تكفى أمنعه....تكفى
ياخالي.....مابغاه....وبصوت مرتجف....أصلا هو مايناسبني أبد....وبألم....وأمه خاطبه له بنت خالته....ربي يسعده
معها....
قمت من مكاني وأنا أحضنها بقوة.....وانا اهديها....وهي تمسكت فيني بقوة....ودموعها غرقت دشداشتي.....غمضت
عيوني بألم....ياويل ويلهم مني.....وش سوا فيك ياقلب خالك؟.....وشلون جاهم قلب ونزلوا دموعك؟....وشو اللي
صار؟....وشو؟...كنت احس ارتجافها بأحضاني...بدون صوت كانت تصيح....علشان ما يسمعها سلطان....وتجيه
الحاله....كان يناظرنا باستغراب....تنهدت بألم.... الشيء الأكيد اللي واثق فيه الحين....أنها تحب طلال....ياقرادة
حالكم.....قلت بحنيه وأنا أبوس راسها:خلاص ياقلب خالك....والله ماتبغينه يخطب....ابشري بعزك...وبمرح أبغى أغير
الأجواء.....احرم عليه الرياض بكبرها....لخاطر عيونك الحلوة.....
بعدت عني...ووضح وجهها الحلو....وهو احمر من الصياح....ورموشها المبلوله بدموعها....وفمها المرتجف...وبهدوء
ولا كأنه صوت هالطفله اللي ارتجفت بأحضاني...والحين تناظرني بنظره غريبه:وعـــد رجآآآآل.....
ابتسمت من أطباعها الغريبه....وبضحكه:وعد رجآآآآل.....
وانقضى هاليوم.....وبس رجعت الدمام....بسرعه توجهت لبيت فهد....وقلت له الموضوع كآمل...وكلام الجآآزي....ماحد
يقدر لطلال وجنونه غير أبوه....انصدمت أن فهد طارده من البيت.....وقال بضيق صدمني:والله أن كلامها
صحيح....وهذا اللي كان يخليني أماطل بطلآآآل.....أدريه بيردنا ويذلنا....بس ماحبيت اكسر بخاطر
البنت..... وبأسى....وقلت يمكن هالسنين غيرت قسآآآوة طبعه......بس من كلام بنته ما أتوقع.....من كلامها....شكلها
ذايقه المر منه....وناصر مثل ماهو......وبألم....وطلال اتركه علي....ربي يعيني عليه....ويعينه على بلا قلبه.....