PRINCESS OF ZHEPRIA #Wattys2016 [ Published Under Pop Fiction #CLOAK]

Kabanata 3: First Day

Akala ko noon ay mababaw lang ang mga taga Zhepria pag pinag-uusapan nila ang tungkol sa Tereshle Academy. Pero ngayon nandito na ako sa loob ay tingin ko ay kulang na kulang pa ang mga kwento nila.

The Academy is indeed a paradise. Ang ganda. Sobrang ganda!

Pagkabukas ng gate kanina ay agad kaming sinalubong ng mabangong halimuyak ng mga bulaklak. Sabi pa nga ni Sir Rocky ay mga halaman daw iyon ay mga pananim ng mga studyanteng nanggaling sa Enthrea Division, the Earth attributers. Lahat ng mga halamang nakapaligid ay alaga raw nila ang mga iyon.

Ilang minuto ang lumipas bago kami makarating sa main door ng Academy. Halos di magpakali ang mga kapwa Zheprian ko. They're all screaming with excitement, same goes with Rhea. Ang higpit nga ng hawak niya sa akin ngayon!

Pagkabukas ng main door ay halos napanganga ako.

I'm not into beautiful places and sceneries but this damn place is beyond what I've expected! Hindi ito paaralan. Mukha itong kastilyo na puno ng mga palamuti.

"Sa function hall tayo ngayon. Nandoon na sila Principal Tyler," Mahinahong sambit at imporma sa amin ni Sir Rocky. Nagawi ang paningin ko sa kanya noong magsalita ito. Tila ba'y biglang nag-iba ang aura niya. Naging seryoso ito bigla.

Principal Tyler? David Tyler! The who rule the Academy!

Tahimik kaming sumunod lahat kila Sir Rocky. Panay ang tingin ko sa bawat pader na may kung anong nakasabit na mga palamuti. Ang iba ay tila pamilyar sa akin, ang iba naman ay talagang pinupukaw ang atensyon ko. Nagawi ang paningin ko sa unahan kung nasaan sila Sir Rocky. Pansin kong wala si Sean, iyong taga Aundros. Si Sydney at Joseph lang ang kasama namin ngayon. Mayamaya pa'y tumigil kami sa tapat ng isang malaking pinto. Ito na marahil ang function hall ng Academy na tinutukoy nila kanina.

Pagkabukas noon ay bumungad sa amin ang isang malawak na silid. Sa harapan nito ay may isang entablado. May malaking chandelier sa gitna nito at iilang mga painting sa dingding nito. I looked around. Sa loob ng function hall ay naroon ang isang di katandaang lalaki at isang mukhang kaedad lang ni Sir Rocky na babae. Lahat sila ay nakabihis nang maayos at tindig pa lang ay alam ko nang malalakas ang mga ito.

They are not an ordinary Tereshlian.

"Welcome students!"

Magiliw na bati sa amin ng babae. Pinagmasdan ko ito nang mabuti. She's pretty. Kasing tangkad ko lang yata siya. Maputi at palangiti. Straight at makintab ang itim at mahaba niyang buhok. Simple yet elegant. Nakasuot ito ng isang mahabang puting bestida.

"I'm Teacher Laureen," pakilala pa nito sa amin. Kanya-kanyang tango at kaway ang mga kasamahan ko samantala ako ay nakatitig lamang sa gurong nagpakilalang Laureen. She looks familiar to me. Di ko nga lang matukoy kung saan ko siya nakita. But I know, I've already seen this beauty. I'm pretty sure about that.

"And this is our principal, the head of the Academy, Principal Tyler."

Agad tumahimik ang iilan dahil sa pagsasalita ni Sir Rocky. Napatingin ako sa matandang lalaki.

So, siya ang namamahala nang buong Academy. He's a huge man. Medyo nakakatakot ang itsura niya. He's intimidating. Sobra.

Pagkatapos ng introduction ni Ma'am Laureen at Principal Tyler ay sinabihan na kaming magpahinga. Nasa kwarto na raw namin ang aming mga gamit at mga kakailanganin namin para sa pagpasok sa klase. Sobrang tuwa naman ni Rhea nang malaman niyang ako ang roommate niya. Dalawa kada kwarto daw ang sistema ng Academy. Laking pasasalamat ko na lang din na siya ang ka-roommate ko. I don't need to adjust anymore.

"Wow. Althea! Ang ganda-ganda naman ng kwarto natin!"

Iyan agad ang nasabi ni Rhea pagkapasok namin sa kwarto na pamamalagian namin sa loob ng Tereshle Academy. Tama siya, malawak at maganda ang silid. Dalawang meduim size bed. May study table sa bandang kanan at sofa naman sa kaliwa. May isang pinto ito na sa tingin ko ay banyo.